୧୯୭୦ ମସିହା ପରେ ପ୍ରଥମ ଦେଶ ଭାବେ ନିଜର ପ୍ରଥମ ପ୍ରଚେଷ୍ଟାରେ ଚୀନକୁ ମିଳିଲା ସଫଳତା
1 min read
ବେଜିଂ: ଚନ୍ଦ୍ରରେ ଗବେଷଣା କ୍ଷେତ୍ରରେ ଚୀନକୁ ବଡ ସଫଳତା । ଚନ୍ଦ୍ରରୁ ନମୁନା ସଂଗ୍ରହ କରିବା ପାଇଁ ମାନବବିହୀନ ଯାନ ପଠାଇଛି ଚାଇନା । ମହାକାଶକୁ ମାନବବିହୀନ ଯାନ ପଠାଇ ନମୁନା ସଂଗ୍ରହ କରିବାକୁ ‘ଚାଙ୍ଗ୍ ଏ-୫କୁ ପଠାଇ ସଫଳତା ହାସଲ କରିଛି ଡ୍ରାଗନ୍ ।୧୯୭୦ ମସିହା ପରେ ପ୍ରଥମ ଦେଶ ଭାବେ ନିଜର ପ୍ରଥମ ପ୍ରଚେଷ୍ଟାରେ ଚୀନକୁ ଏହି ସଫଳତା ମିଳିଛି । ମଙ୍ଗଳବାର ଚାଇନା ଏହି ମାନବବିହୀନ ଯାନକୁ ସଫଳ ଭାବରେ ଉତକ୍ଷେପଣ କରିଛି ।
ନମୁନା ସଂଗ୍ରହ କରିସାରିବା ପରେ ଏହି ଯାନ ପୃଥିବୀକୁ ଫେରିବ ବୋଲି ଚାଇନା ବୈଜ୍ଞାନିକ ଆଶା ରଖିଛନ୍ତି। ଚୀନ୍ ନିଜର ପ୍ରଥମ ପ୍ରୟାସରେ ଏଭଳି ସଫଳତା ପାଇଛି । ଯାହାକି କୌଣସି ଦେଶକୁ ମିଳିପାରିନାହିଁ । ଖବର ଅନୁଯାୟୀ, ଚାଇନାର ଦକ୍ଷିଣ ପ୍ରାନ୍ତର ହେନାନ ସ୍ଥିତ ବେନଚାଙ୍ଗରୁ ‘ଚାଙ୍ଗ୍ ଏ-୫’ ଛଡ଼ାଯାଇଛି। ମହାକାଶ ବିଜ୍ଞାନ କ୍ଷେତ୍ରରେ ସବୁ ଦେଶ ପାଇଁ ଏହା ସବୁଠାରୁ ବଡ଼ ଚ୍ୟାଲେଞ୍ଜ ଥିଲା । ଦୀର୍ଘ ୪୦ ବର୍ଷ ଧରି ବୈଜ୍ଞାନିକମାନେ ଏହା ଉପରେ ଅନେକ ଗବେଷଣା କରୁଥିଲେ ।
ବୈଜ୍ଞାନିକଙ୍କ ମତରେ ମହାକାଶଯାନ ଯେତେବେଳେ ଚନ୍ଦ୍ରରେ ପହଞ୍ଚିବ ସେତେବେଳେ ଅନେକ ନମୁନା ଏକାଥରେ ସଂଗ୍ରହ କରିପାରିବ । ‘ଚାଙ୍ଗ୍ ଏ-5’ରେ ଥିବା ଏକ ରବୋର୍ଟ ଏହି କାମ କରିବ । ମୋଟ୍ ୨ କିଲୋଗ୍ରାମର ନମୁନା ଉଠାଇବାକୁ ଯୋଜନା ରହିଛି । ନମୂନା ମଧ୍ୟରେ ମାଟି, ପଥର ଆଦି ରହିଛି । ନମୂନା ସଂଗ୍ରହ ପାଇଁ ମୋଟ ୨୦ ଦିନ ସମୟ ଲାଗିବ ବୋଲି ଜଣାପଡ଼ିଛି।
