ଶେଷ ମୁହୂର୍ତ୍ତରେ ଚିକିତ୍ସା ନମିିଳିବାରୁ ଅଲକାଏଦା ମୁଖ୍ୟ ଅଲ-ଜୱାହିରୀର ମୃତ୍ୟୁ !

କାବୁଲ: ଆତଙ୍କବାଦୀ ସଂଗଠନ ଅଲ କାଏଦାର ମୁଖ୍ୟ ଅଲ-ଜୱାହିରୀ ଆଫଗାନିସ୍ତାନରେ ମୃତ୍ୟୁ ହୋଇଛି । ପାକିସ୍ତାନ ଏବଂ ଆଫଗାନିସ୍ତାନର ଗଣମାଧ୍ୟମରେ ଜୱାହିରୀର ମୃତ୍ୟୁ ହୋଇଥିବା ଦାବି କରିଛି । ରିପୋର୍ଟରେ ଦର୍ଶାଯାଇଛି ଯେ ଜୱାହିରୀ ଆଜମା ରୋଗରେ ମୃତ୍ୟୁ ବରଣ କରିଛି । ଶେଷ ମୁହୂର୍ତ୍ତରେ ଚିକିତ୍ସା ମିଳିପାରି ନଥିଲା ଫଳରେ ଜୱାହିରୀର ମୃତ୍ୟୁ ହୋଇଛି । ଜବାହିରୀ ପୂର୍ବରୁ ଏହି ଆତଙ୍କବାଦୀ ସଂଗଠନର ମୁଖ୍ୟ ଥିଲା ଓସାମା ବିନ୍ ଲାଡେନ ।

ସୋସିଆଲ ମିଡିଆରେ କିଛି ଦିନ ହେବ ଜୱାହିରୀର ମୃତ୍ୟୁର ସୂଚନା ସେୟାର କରାଯାଉଥିଲା । ଗତ ବର୍ଷ ୯/୧୧ ବାର୍ଷିକୀରେ ଜୱାହିରୀ ଏକ ଭିଡିଓ ବାର୍ତ୍ତା ଦେଉଥିବାର ନଜର ଆସିଥିଲା । ନ୍ୟୁୟର୍କ ଟାଇମ୍ସର ଜଣେ ବରିଷ୍ଠ ଅଧିକାରୀ ଟୁଇଟ୍ କରି ଏହି ବିଷୟରେ ସୂଚନା ଦେଇଥିଲେ । ସେ ଦାବି କରିଛନ୍ତି ଯେ, ଜୱାହିରୀଙ୍କ ମୃତ୍ୟୁ ପ୍ରାୟ ଏକ ମାସ ପୂର୍ବରୁ ହୋଇଛି ।  ଏହାସହ, ଆମେରିକୀୟ ଗୁପ୍ତଚର କହିଛନ୍ତି ଯେ, ଅଲ କାଏଦା ତାହାର ନେତାଙ୍କ ମୃତ୍ୟୁ ଖବର କେବେ ବି ସାର୍ବଜନୀନ କରେ ନାହିଁ।

ଅଲ କାଏଦାର ଜଣେ ପୂର୍ବତନ ଅନୁବାଦକଙ୍କ ଅନୁଯାୟୀ, ଜୱାହିରୀ ଆଫଗାନିସ୍ତାନର ଗଜନୀରେ ମୃତ୍ୟୁ ବରଣ କରିଛନ୍ତି। ଆଫଗାନିସ୍ତାନ ସୀମା ଅଞ୍ଚଳର ପାକିସ୍ତାନୀ ସୁରକ୍ଷା ଅଧିକାରୀ ଏହା ନିଶ୍ଚିତ କରିଛନ୍ତି। ଆରବ ନ୍ୟୁଜ୍ ଅନୁଯାୟୀ, ଅନ୍ତିମ ସଂସ୍କାରରେ ବହୁତ କମ୍ ଲୋକ ଉପସ୍ଥିତ ଥିଲେ।