କାର୍ ସେଫ୍ଟିକୁ ନେଇ ମାରୁତିକୁ ଜିରୋ ରେଟିଂସ୍, ଟାଟା ସେୟାର କଲା କୌତୁକିଆ ଫଟୋ !

ନୂଆଦିଲ୍ଲୀ: ମାରୁତିକୁ ନେଇ ଟାଟାର ଆକ୍ଷେପ । ଭାରତୀୟ ବଜାରରେ କାର୍ ସେଫ୍ଟିକୁ ନେଇ ଦେଶର ସବୁଠୁ ବଡ଼ କାର୍ ନିର୍ମାତା କମ୍ପାନୀ ମାରୁତି ସୁଜୁକିକୁ ତାତ୍ସଲ୍ୟ କରିଛି ଟାଟା ମୋଟର୍ସ । ବିଗତ ଦିନରେ କାର୍ ସେଫ୍ଟି ପ୍ରୋଗ୍ରାମ ଗ୍ଲୋବାଲ (NCAP) ଭାରତୀୟ ବଜାରରେ ବିକ୍ରି ହେଉଥିବା କେତକ ଗାଡ଼ିର କ୍ରାସ୍ ଟେଷ୍ଟ ରେଟିଂ ଜାରି କରିଛି । ଯାହା ପରେ ଟ୍ୱିଟରରେ ଟାଟା ମୋଟର୍ସ ମାରୁତି କାରର କ୍ରାସ୍ ଟେଷ୍ଟ ରେଟିଂର ମଜାକ୍ ଉଡ଼ାଇଛି ।

ସୂଚନାଯୋଗ୍ୟ, ଦେଶର ସବୁଠୁ ବଡ଼ କାର ନିର୍ମାତା କମ୍ପାନୀ ମାରୁତି ସୁଜୁକି ଗତବର୍ଷ ମିନି ଏସୟୁଭି S-Presso ଲଞ୍ଚ କରିଥିଲା । ଭାରତୀୟ ବଜାରରେ ଏହି କାରର ବେଶ୍ ଚାହିଦା ରହିଛି । ମାରୁତି ସୁଜୁକିର ଏହି ମିନି SUVରେ ୧୦ରୁ ଅଧିକ ସେଫ୍ଟି ଫିଚର୍ସ ଦିଆଯାଇଛି । ତେବେ, ମୂଳ ସୁରକ୍ଷା ଆଧାରରେ ଏହି କାର୍ ପଛୁଆ ସାବ୍ୟସ୍ତ ହୋଇଛି ।

ଏବେ ହୋଇଥିବା ଗ୍ଲୋବାଲ NCAP କ୍ରାସ୍ ଟେଷ୍ଟରେ S-Presso ସୁରକ୍ଷିତ ମିନି SUV ଜିରୋ ଷ୍ଟାର ପାଇଛି । ମାରୁତି ସୁଜୁକି ଏସ-ପ୍ରେସୋକୁ ଗ୍ଲୋବାଲ ଏନସିଏପି କ୍ରାସ୍ ଟେଷ୍ଟରେ ଜିରୋ ଷ୍ଟାର ସୁରକ୍ଷା ରେଟିଂରେ ଦେଇଛି । ମାରୁତି ସୁଜୁକିର ଏସ୍-ପ୍ରସୋର ପ୍ରାରମ୍ଭିକ ମୂଲ୍ୟ ୪ ଲକ୍ଷ ଟଙ୍କାରୁ କମ୍ ରହିଛି ।

ଟାଟା ମୋଟର୍ସର ଟ୍ୱିଟ୍ 

Driving is #SeriouslyFun, only when you live it up with safety.
Book the Safest-in-Segment New Tiago by clicking on https://t.co/x9nKgE745s#Tiago #NewForever #SaferCarsForIndia pic.twitter.com/WxH0EZF6xt

— Tata Motors Cars (@TataMotors_Cars) November 12, 2020

ମାରୁତି ସୁଜୁକିର ନାଁ ନନେଇ ଟାଟା ମୋଟର୍ସ ଟ୍ୱିଟରରେ ଏକ ଫଟୋ ପୋଷ୍ଟ କରିଛି । ଯେଉଁଥିରେ କଫି କପ୍ ଭାଙ୍ଗିବା ପରେ କଫି ଏଣେତେଣେ ପଡ଼ିଛି । ଯେଉଁଥିରେ କମ୍ପାନୀ ଲେଖିଛି- ଆମେ ଏତେ ସହଜରେ ଭାଙ୍ଗି ଏଣେତେଣେ ପଡ଼ୁନାହୁଁ । ଯେତେବେଳେ ସୁରକ୍ଷା ସୁନିଶ୍ଚିତ ଥାଏ ତ, ଡ୍ରାଇଭିଂର ଏକ ଅଲଗା ମଜା ଥାଏ । ବୁକ୍ କରନ୍ତୁ ଆପଣଙ୍କ ସେଗମେଣ୍ଟର ସବୁଠୁ ସୁରକ୍ଷିତ କାର ଟିୟାଗୋ । ଟିୟୋଗୋକୁ କ୍ରାସରେ ୪ ରେଟିଂ ମିଳିଛି ।

ଟାଟା ମୋଟର୍ସର ଏହି ଟ୍ୱିଟକୁ ଗ୍ଲୋବାଲ NCAP ସଭାପତି ଓ ସିଇଓ ଡେଭିଡ୍ ୱାର୍ଡ ମଧ୍ୟ ସେୟାର କରି ଲେଖିଛନ୍ତି- ମାରୁତି ସୁଜୁକିକୁ ଏଥିପାଇଁ ସଚେତନ ହେବାକୁ ପଡ଼ିବ । ଏବେ ଭାରତୀୟ ବଜାରରେ ଟାଟାରୁ ନେକ୍ସାନ ଓ ଅଲ୍ଟ୍ରାଜ୍ ଗ୍ଲୋବାଲ NCAP କ୍ରାସ୍ ଟେଷ୍ଟରେ ୫ ଷ୍ଟାର ରେଟିଂ ପାଇଛନ୍ତି ।

ଗ୍ଲୋବାଲ ଏନସିଏପି ରିପୋର୍ଟ ଅନୁସାରେ କ୍ରାସ୍ ଟେଷ୍ଟ ବେଳେ ମାରୁତି ସୁଜୁକି ଏସ୍-ପ୍ରେସୋ ଡ୍ରାଇଭର ଓ ଡ୍ରାଇଭର ବାମ ପାର୍ଶ୍ୱ ସିଟ୍ ବସିଥିବା ବ୍ୟକ୍ତିର ଛାତିକୁ ସୁରକ୍ଷା ଦେବାରେ ଅସଫଳ ଅଟେ । ଆହୁରି କ୍ରାସ୍ ଟେଷ୍ଟ ବେଳେ ଡ୍ରାଇଭରର ବେକକୁ ସୁରକ୍ଷା ମିଳିଥିବା ବେଳେ ପାର୍ଶ୍ୱରେ ବସିଥିବା ବେକର ସୁରକ୍ଷ ହେଉନାହିଁ ।

ମାରୁତି S-Presso ବଡିସେଲକୁ ମଧ୍ୟ ଭଲ ରେଟିଂ ମିଳିନାହିଁ । ଏହା ଅଧିକ ଓଜନ ସମ୍ଭାଳିବା ପାଇଁ ସକ୍ଷମ ନୁହେଁ । ସେହିଭଳି ଛୁଆଙ୍କ ସୁରକ୍ଷା ଲାଗି କାରକୁ ୨ ଷ୍ଟାର ରେଟିଂ ମିଳିଛି । କ୍ରାସ୍ ଟେଷ୍ଟରେ ଭାରିଏଣ୍ଟ ଡ୍ରାଇଭର-ସାଇଡ୍ ଏୟାରବ୍ୟାଗ, ABS, EBD ଭଳି ଫିଚର୍ସ ନଥିଲା ।

ମାରୁତି ସୁଜୁକି ଏସ୍-ପ୍ରେସୋ ଇବିଡି ସହ ଏବିଏସ, ଡ୍ରାଇଭର ସାଇଡ୍ ଏୟାରବ୍ୟାଗ୍, ରିୟର ପାର୍କିଂ ସେନସର, ସିଟ୍ ବେଲ୍ଟ ରିମାଇଣ୍ଡର ଓ ସ୍ପିଡ୍ ଆଲର୍ଟ ସିଷ୍ଟମ ସମସ୍ତ ସୁବିଧା ରହିଛି । ଟପ୍ ଭାରିଏଣ୍ଟରେ ଡ୍ୟୁଆଲ୍ ଫ୍ରଣ୍ଟ ଏୟାରବ୍ୟାଗ ରହିଛି । ଏନ୍ୟ ଭାରିଏଣ୍ଟରେ ବିକଳ୍ପ ଭାବେ ଆଉ ଗୋଟିଏ ଏୟାରବ୍ୟାଗ ମିଳିବ । ଏହାର ଆଗ ଲୁକ୍ ଆକର୍ଷଣୀୟ ହୋଇଥିବା ବେଳେ ଏଥିରେ ହାଇ ବୋନଟ ଲାଇନ, କ୍ରୋମ୍ ଗ୍ରିଲ ଓ ବଡ଼ ହ୍ୟାଲୋଜିନ୍ ହେଡଲ୍ୟାମ୍ପ୍ସ ରହିଛି । ଏହାକୁ କମ୍ପାନୀ CNG ଇଞ୍ଜିନ୍ ସହ ଲଞ୍ଚ୍ କରିଛି ।