ରେଲୱେ ଷ୍ଟେସନରୁ ଉଦ୍ଧାର ହେଲେ ୪୮ଜଣ ଦାଦନ ଶ୍ରମିକ, ଅନ୍ୟ ରାଜ୍ୟକୁ ହେଉଥିଲା ଚାଲାଣ

ବଲାଙ୍ଗୀର: ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ରେଲୱେ ଷ୍ଟେସନରୁ ୪୮ଜଣ ଦାଦନ ଶ୍ରମିକ ଉଦ୍ଧାର  । ବେଆଇନଭାବେ ରାଜ୍ୟବାହାରକୁ ଚାଲାଣ ହେଉଥିବାବେଳେ ଉଦ୍ଧାର କଲା କଣ୍ଟାବାଞ୍ଜି ପୋଲିସ୍  । ଉଦ୍ଧାର ଶ୍ରମିକଙ୍କ ମଧ୍ୟରେ ୨୫ ପୁରୁଷ, ୨୩ ମହିଳା ଥିବା ବେଳେ ୮ ଶିଶୁ ଥିବା ଜଣା ପଡିଛି । ଶ୍ରମିକମାନେ ବରଗଡ, ନୂଆପଡ଼ା, ସିନାପାଳି, ବଲାଙ୍ଗିର ଅଞ୍ଚଳର ।

ଉଦ୍ଧାର  ଦଲାଲଠାରୁ ଆଗୁଆ ମୁଣ୍ଡାପିଛା ୩୫ ରୁ ୪୦ ହଜାର ଲେଖାଏ ନେଇ ରେଳ ଷ୍ଟେସନକୁ ଯାଉଥିବା ବେଲେ ପୋଲିସ ଚଢାଉ କରିଥିଲା । ସେମାନେ ବିନା ରିଜିଷ୍ଟ୍ରେସନରେ ହାଇଦ୍ରାବାଦର ଏକ ଇଟା ଭାଟିକୁ କାମ କରିବାକୁ ଯାଉଥିବା ଜଣାପଡିଛି  । ଚଢାଉ ବେଳେ ଦଲାଲ୍ ଫେରାର ହୋଇଯାଇଥିବା ପୋଲିସ ସୂଚନା ଦେଇଛି ।