କରୋନା କାଳରେ ଜିଏସ୍ଟି ଆଦାୟରେ ସାମାନ୍ୟ ଉନ୍ନତି
ଭୁବନେଶ୍ୱର: କରୋନା କାଳରେ ରାଜସ୍ୱ ଆଦାୟରେ ସାମାନ୍ୟ ଉନ୍ନତି ହୋଇଛି । ଗତ ଅକ୍ଟୋବର ମାସରେ ୧ ଲକ୍ଷ ୫ ହଜାର କୋଟି ଟଙ୍କାର ଜିଏସଟି ଆଦାୟ କରାଯାଇଛି । ଗତ ଫେବ୍ରୁଆରୀ ପରେ ଏହା ସର୍ବାଧିକ ବୋଲି ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି । ଆଦାୟ ଅର୍ଥ ମଧ୍ୟରୁ ସିଜିଏସଟି ୧୯ ହଜାର ୧୯୩ କୋଟି, ଏସଜିଏସଟି ୫ ହଜାର ୪୧୧ କୋଟି, ଆଇଜିଏସଟି ୫୨ ହଜାର ୫୪୦ କୋଟି ଟଙ୍କା ଆଦାୟ ହୋଇଛି । ଅନ୍ୟାନ୍ୟ କର ବାବଦରେ ୮ ହଜାର ୧୧ କୋଟି ଟଙ୍କା ଆଦାୟ କରାଯାଇଛି । ସବୁଠୁ ଗୁରୁତ୍ୱପୂର୍ଣ୍ଣ କଥା ଗତବର୍ଷ ଏହି ସମୟରେ ଆଦାୟ ହୋଇଥିବା ରାଜସ୍ୱଠୁ ଏହା ୧୦ ପ୍ରତିଶତ ଅଧିକ ରହିଛି । ଗତବର୍ଷ ଅକ୍ଟୋବର ମାସରେ ୯୫ ହଜାର ୩୭୯ କୋଟି ଟଙ୍କା ଆଦାୟ ହୋଇଥିଲା । କରୋନା ଲକଡାଉନ ପାଇଁ ଦେଶରେ ଜିଏସଟି ଆଦାୟ ବ୍ୟାପକ ମାତ୍ରାରେ ପ୍ରଭାବିତ ହୋଇଥିଲା ।
