କରୋନା ଚିକିତ୍ସା ପରେ କୃତିମ ଫୁସଫୁସ୍ ରୋପଣ; ସ୍ଥାୟୀ ଚିକିତ୍ସା ପାଇଁ ଏୟାର ଆମ୍ୱୁଲାନ୍ସରେ ଗଲେ ହାଇଦ୍ରାବାଦ୍

ଭୁବନେଶ୍ୱର: ଭୁବନେଶ୍ୱରରୁ ହାଇଦ୍ରାବାଦ୍ ଯିବେ କରୋନା ରୋଗୀ । କରୋନାରୁ ସୁସ୍ଥ ହେବା ପରେ ତାଙ୍କର ଫୁସଫୁସରେ ସମସ୍ୟା ଥିବା ଜଣାପଡିଥିଲା । ଏହାପରେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ତାଙ୍କର କୃତିମ୍ ଫୁସଫୁସ୍ ରୋପଣ କରାଯାଇଛି । ତେବେ ସ୍ୱାସ୍ଥ୍ୟ ସମସ୍ୟାର ସ୍ଥାୟୀ ସମାଧାନ ପାଇଁ ତାଙ୍କୁ ହାଇଦ୍ରାବାଦ ନିଆଯାଉଛି । ଏଥିପାଇଁ ଏୟାର ଆମ୍ୱୁଲାନ୍ସର ବ୍ୟବହାର କରାଯିବ ।

ରୋଗୀ ଏବେ ଥିବା ଘରୋଇ ହସ୍ପିଟାଲଟି ନୟାପଲ୍ଲୀ ଅଞ୍ଚଳର ହୋଇଥିବା ହେତୁ ତାଙ୍କୁ ସେଠାରୁ ବିମାନବନ୍ଦର ନେବା ପାଇଁ ଗ୍ରୀନ କରିଡରର ବ୍ୟବସ୍ଥା କରାଯାଇଛି । ତେବେ ରୋଗୀ ଜଣକ ପୁରୀ ଜିଲ୍ଲା କୃଷ୍ଣପ୍ରସାଦ ବ୍ଲକର ଅଭୟ ଜେନା ବୋଲି ସୂଚନା ମିଳିଛି । ଉଲ୍ଲେଖଯୋଗ୍ୟ ଯେ ଜରୁରୀକାଳୀନସ୍ଥିତିକୁ ପ୍ରାଥମିକତା ଦିଆଯାଇ ତାଙ୍କ ସହ ସମ୍ୱିତ ସାହୁଙ୍କ ସମେତ ଏକ ୫ ଜଣିଆ ଟିମ୍ ଏୟାର ଆମ୍ୱୁଲାନ୍ସରେ ହାଇଦ୍ରାବାଦ ପଠାଯାଉଛି ।