ଉତ୍ତର କୋରିଆର ଏହିସବୁ ନିୟମ ଜାଣିଲେ ଆପଣଙ୍କ ହୋସ୍ ଉଡିଯିବ

ନୂଆଦିଲ୍ଲୀ : ଉତ୍ତର କୋରିଆ ଏହି ନାମଟି ଉଚ୍ଚାରଣ ମାତ୍ରେ ଭିନ୍ନ ଧରଣ ଭାବନା ଆମ ମନକୁ ଚାଲି ଆସିଥାଏ  । ସାରା ବିଶ୍ୱରେ ଥିବା ସମସ୍ତ ଦେଶଠାରୁ ଏ ଦେଶଟି ଭିନ୍ନ ଏହାର ଶାସନ ପ୍ରଣାଳୀ ପାଇଁ ।  ଉତ୍ତର କୋରିଆ ରାଷ୍ଟ୍ରପତି କିମ୍ ଜଙ୍ଗଙ୍କ ଅଜବ ଖିଆଲ ଏବଂ ଶାସନ କରିବାର ପ୍ରଣାଳୀ ହିଁ ଏହି ଦେଶକୁ ସବୁ ସମୟରେ ଚର୍ଚ୍ଚିତ କରି ରଖିଥାଏ । ନିକଟରେ ଏମିତି ଏକ ଡକ୍ୟୁମେଣ୍ଟାରୀ ସିନେମା ଆସିଛି, ଯେଉଁଥିରେ ଉତ୍ତର କୋରିଆ ଦେଶର ଅନେକ ଅଜବ ନିୟମ ସ୍ଥାନ ପାଇଛି । ଏହି ଖବର ବର୍ତ୍ତମାନ ଅର୍ନ୍ତଜାତୀୟ ଗଣମାଧ୍ୟମର ଶିରୋନାମା ପାଲଟିଛି ।

ତେବେ ଆସନ୍ତୁ ଜାଣିବା ଏହି ଦେଶର କଣ ସବୁ ରହିଛି ଅଜମ ନିୟମ । ପ୍ରଥମତଃ କିମ୍ ଜଙ୍ଗଙ୍କ ଚୁଟି କଟା ଶୈଳୀ , ଯ଼ାହାକୁ କେହି ଅନୁକରଣ କରିପାରିବେ ନାହିଁ  । ହେଲେ ନାଗରିକମାନେ କେଉଁ ପ୍ରକାରରେ ନିଜ ଚୁଟି କାଟିବେ, ସେ ସମ୍ପର୍କିତ ନିର୍ଦ୍ଦିଷ୍ଟ ନିୟମ ତିଆରି କରିଦିଆଯାଇଛି । ଉତ୍ତର କୋରିଆର ପୁଅ ମାନଙ୍କ ପାଇଁ ୧୦ ପ୍ରକାର ଏବଂ ମହିଳା ମାନଙ୍କ ପାଇଁ ୧୮ ପ୍ରକାର ହେୟାର କଟ୍ ଷ୍ଟାଇଲ କରାଯାଇଛି । ଏହି ଷ୍ଟାଇଲଗୁଡିକ ମଧ୍ୟରୁ ଯେ କୌଣସି ଗୋଟିଏ ଶୈଳୀରେ ହିଁ ଉତ୍ତର କୋରିଆର ନାଗରିକ ଚୁଟି କାଟିପାରିବେ ।

ଆଶ୍ଚର୍ଯ୍ୟ କଥା ଏହି କି ଯେ, କିମ୍ ଜଙ୍ଗ ଯେଉଁ ଶୈଳୀରେ କେଶ ବିନ୍ୟାସ କରିଥାଆନ୍ତି, ତାହା ନିର୍ଦ୍ଦାରିତ ହୋଇଥିବା ୨୮ ଶୈଳୀ ମଧ୍ୟରେ ଆସି ନ ଥାଏ ।

ସେହିପରି ଉତ୍ତର କୋରିଆ ରାଜଧାନୀରେ କିଏ ରହିବେ, କିଏ ଅନ୍ୟତ୍ର ସ୍ଥାନ୍ତାନ୍ତରିତ ହେବ । ସେ ନିଷ୍ପତ୍ତି କିମ୍ ଜଙ୍ଗଙ୍କ ପ୍ରଶାସନ ହିଁ ନେଇ ପାରିବ । ସିଧାସଳଖ କହିବାକୁ ଗଲେ କିମ୍ ପ୍ରଶାସନର ଅନୁମତି ବିନା ରାଜଧାନୀରେ ରହିବା ଏକ ଧର୍ତ୍ତବ୍ୟ ଅପରାଧ ।  ତୃତୀୟତଃ ଏହି ଦେଶର ହେଉଥିବା ନିର୍ବାଚନରେ ସମସ୍ତେ ମତଦାନ କରିବାକୁ ବାଧ୍ୟ । ଏହାଶୁଣି ଆପଣଙ୍କୁ ଲାଗୁଥିବ ଯେ, ଏହା ତ ଉତ୍ତମ ବ୍ୟବସ୍ଥା । ଏହା ଦ୍ୱାରା ଗଣତନ୍ତ୍ର ମଜବୁତ୍ ହେବ ବୋଲି । ହେଲେ ସେପରି କିଛି ନୁହେଁ, ଡମି ପ୍ରାର୍ଥୀମାନଙ୍କୁ ନିଜ ବିରୋଧରେ ଛିଡା କରି କିମ୍ ବିଜୟୀ ହୋଇଥାଆନ୍ତି । କେବଳ ଲୋକଙ୍କୁ ଦେଖାଇବା ପାଇଁ ନିର୍ବାଚନ ପ୍ରକ୍ରିୟା  କରାଯାଇଥାଏ ।

ଚତୁର୍ଥ ନିୟମଟି ଆହୁରି ଅଜବ । ଆମେ ମନୋରଞ୍ଜନ ପାଇଁ ଟିଭି ଦେଖିଥାଉ । କଣ ଦେଖିବୁ ସେ ନିଷ୍ପତ୍ତି ମଧ୍ୟ ନିଜେ ନେଇ ଥାଉ । ହେଲେ ଉତ୍ତର କୋରିଆରେ ସେପରି ହୁଏ ନାହିଁ । କିଏ କଣ ଦେଖିବ, ତାହାର ନିର୍ଣ୍ଣୟ ମଧ୍ୟ ସରକାର ନିଜେ ନେଇ ଥାଆନ୍ତି । ପଞ୍ଚମ ନିୟମଟି ଆହୁରି ଅଜବ । ଯେ କୌଣସି ଧର୍ମାବଲମ୍ବୀ ହୋଇଥାଉ , ସେ ନିଜ ଧର୍ମଗ୍ରନ୍ଥକୁ ପାଖରେ ରଖିବାକୁ ଭଲ ପାଆନ୍ତି । ହେଲେ ଉତ୍ତର କୋରିଆରେ ସେପରି କିଛି ନାହିଁ । ଏହି ଦେଶରେ ବାଇବେଲ ରଖିବା ଏକ ଅପରାଧ । ଏଥିପାଇଁ କଠୋରରୁ କଠୋର ଦଣ୍ଡ ରହିଛି ।

ଏହି ଦେଶର ଆଉ ଏକ ନିଷ୍ଠୁର ନିୟମ ମଧ୍ୟ ରହିଛି । ଯାହା ଅଧିକ ଭୟାନକ । ଯଦି କୌଣସି ବ୍ୟକ୍ତି ଅପରାଧ କରିଛି ଆଉ ଏହା ପ୍ରଶାସନ ଦ୍ୱାରା ପ୍ରମାଣିତ ହୋଇଛି । ତେବେ ଦୋଷୀର ପରିବାରକୁ ମଧ୍ୟ ଦଣ୍ଡ ଦିଆଯିବ । ଯାହା ଅଧିକ ହୃଦୟ ବିଦାରକ ।

ସେହିପରି ଅନ୍ୟ ଏକ ନିୟମ ହେଉଛି- ପର୍ଯ୍ୟଟକମାନଙ୍କ କୌଣସି ଗୋପନୀୟତା ରହିବ ନାହିଁ । ପର୍ଯ୍ୟଟନ କେଉଁଠିକି ଯିବେ, କଣ କରିବେ ତାହାର ସମସ୍ତ ସୂଚନା ଦେବେ । ପର୍ଯ୍ୟଟକଙ୍କ ପିଛା ପ୍ରଶାସନ ପକ୍ଷରୁ ଜଣେ ଜଣେ ଗାଇଡ୍ ବା ଏଜେଣ୍ଟ ଲଗାଇ ଦିଆଯାଏ । ଆମ ଦେଶରେ କିଏ ଗାଡି ଚଲାଇବ, ତାହା ଉପରେ କୌଣସି ପ୍ରତିବନ୍ଧକ ନାହିଁ । ଆଇନ ସମ୍ମତ ବୟସ ହେବା ପରେ ଡ୍ରାଇଭିଙ୍ଗ ଲାଇସେନ୍ସ ଦ୍ୱାରା ଜଣେ ଚାଳକ ହୋଇ ପାରିଥାଏ । ହେଲେ ନର୍ଥ କୋରିଆରେ ଏହି ନିୟମ ପୁରା ଅଲଗା । କିଏ ଗାଡି ଚଲାଇବ, ତାହା କିମ୍ ପ୍ରଶାସନ ନିର୍ଦ୍ଦାରଣ କରିଥାଏ । ଆପଣ ଜାଣିଲେ ଆଶ୍ଚର୍ଯ୍ୟ ହେବ, ପ୍ରତି ହଜାରରେ ମାତ୍ର ଜଣେରୁ ୧୦ ଜଣ ହିଁ ଗାଡି ଚଲାଇବାର ଅଧିକାର ପାଇଥାଏ ।

ଉତ୍ତର କୋରିଆରେ ରହି କୌଣସି ପ୍ରକାରରେ ବିଦେଶକୁ ଫୋନ କରିବା ମଧ୍ୟ ଏକ ଧର୍ତ୍ତବ୍ୟ ଅପରାଧ । ଆଉ ଏହି କଲ୍ ଯଦି ଦକ୍ଷିଣ କୋରିଆକୁ ଯାଏ, ତେବେ କଲ୍ କରିଥିବା ଲୋକ ମୃତ୍ୟୁ ଦଣ୍ଡ ସୁନିଶ୍ଚିତ ବୋଲି ଧରିନିଆଯାଇଥାଏ ।  ଆଉ ଏକ କଥା ହେଉଛି ବାକ୍ ସ୍ୱାଧୀନତା । ଉତ୍ତର କୋରିଆ ପ୍ରଶାସନ ଦ୍ୱାରା କରାଯାଇଥିବା ନିୟମ ବର୍ହିଭୁତ କୌଣସି ବକ୍ତବ୍ୟ ଏକ ଧର୍ତ୍ତବ୍ୟ ଅପରାଧ । ଯଦି ଆପଣ ଏପରି କରନ୍ତି, ତେବେ ଆପଣଙ୍କୁ ସରକାର ତାଙ୍କ ପ୍ରଶିକ୍ଷଣଗାରକୁ ନେଇ ଯିବେ, ସେଠାରେ ପ୍ରଶିକ୍ଷିତ କରିବେ । ଯଦି ଆପଣ ନ ବଦଳନ୍ତି, ତେବେ ଆପଣଙ୍କୁ ଶାରୀରିକ ନିର୍ଯ୍ୟାତନା ଭୋଗିବାକୁ ପଡ଼ିବ ।