ମୋଟରଯାନ, ପରିବହନ ଟିକସ ପୈଠ ଅବଧି ବୃଦ୍ଧି

ଭୁବନେଶ୍ୱର:  କରୋନା ଯୋଗୁ ସାରା ଦେଶରେ ପ୍ରାଥମିକ ଭାବେ ଲକଡାଉନ ଜାରି ରହିଥିଲା । ଏହା ଦ୍ୱାରା ଅର୍ଥନୈତିକ ଗତିବିଧି ମଧ୍ୟ ବାଧାପ୍ରାପ୍ତ ହୋଇଥିଲା । ଏହାର ସିଧାସଳଖ ପ୍ରଭାବ ପରିବହନ କ୍ଷେତ୍ରରେ ମଧ୍ୟ ଦେଖିବାକୁ ମିଳିଥିଲା । ସେହିପରି ଏହି ଲକଡାଉନ କାରଣରୁ ଗାଡ଼ି ମାଲିକମାନେ  ଠିକ୍ ସମୟରେ ଟିକସ ମଧ୍ୟ ପୈଠ କରି ପାରି ନାହାନ୍ତି । ଏଥିପାଇଁ ସେମାନଙ୍କୁ ଗ୍ରେସ ପିରିୟଡ୍ ମଧ୍ୟ ପ୍ରଦାନ କରାଯାଇଥିଲା ।

ଚଳିତ ବର୍ଷର ଶେଷ ତିନିମାସ(ଅକ୍ଟୋବର-ଡିସେମ୍ବର) ପାଇଁ ଟିକସ ପୈଠ ଅବଧି ହୋଇଗଲାଣି । ହେଲେ ଏହାକୁ ପୈଠ କରିବା ପାଇଁ ବିଭିନ୍ନ ମୋଟରଯାନ ମାଲିକମାନେ ଅସୁବିଧା ଭୋଗ କରୁଛନ୍ତି । ସେମାନଙ୍କ ସୁବିଧା ପାଇଁ ଏହି ତିନିମାସର କର ପୈଠ ଅବଧି ଚଳିତ ମାସ ୩୦ ତାରିଖ ଯାଏ ବୃଦ୍ଧି କରାଯାଇଛି ।