OTV ଏମଡି ଜଗି ମଙ୍ଗତ ପଣ୍ଡାଙ୍କ ବଢ଼ୁଛି ଅଡ଼ୁଆ, ଗିରଫ ଦାବି କରି କ୍ରାଇମବ୍ରାଞ୍ଚ ଏସଟିଏଫ ଆଗରେ ବିକ୍ଷୋଭ
FILE
ଭୁବନେଶ୍ୱର: ରାଜଧାନୀର ନାବାଳିକା ଗଣଦୁର୍ଷ୍କମ ଓ ସାରୁଅ ଜମି ଦୁର୍ନୀତି ମାମଲାରେ ଅଡ଼ୁଆରେ ପଡ଼ିଛନ୍ତି ଓଟିଭି ଏମଡି ଜଗି ମଙ୍ଗତ ପଣ୍ଡା । ଏନେଇ ରାଜ୍ୟର ବିଭିନ୍ନ ସଙ୍ଗଠନ, ବୁଦ୍ଧିଜୀବୀ ଏବଂ ବ୍ୟକ୍ତି ବିଶେଷ ତାଙ୍କ ଗିରଫ ଦାବି କରିଛନ୍ତି । ସେହି କ୍ରମରେ ରାଜଧାନୀରେ ଥିବା କ୍ରାଇମବ୍ରାଞ୍ଚ ଏସଟିଏଫ ଆଗରେ ଓଡିଶା ଲୋକ ଦଳ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି । ଏଥି ସହ କ୍ରାଇମବ୍ରାଞ୍ଚ ଜରିଆରେ ପୋଲିସ ଡିଜିଙ୍କୁ ଦୁଇଟି ସଙ୍ଗୀନ ମାମଲାର ତୁରନ୍ତ ତଦନ୍ତ ପାଇଁ ଦାବିପତ୍ର ଦିଆଯାଇଛି ।
ଖୋର୍ଦ୍ଧା ଜିଲ୍ଲା ସାରୁଅ ଅଞ୍ଚଳରେ ନିରୀହ ଲୋକଙ୍କ ଜମି ହଡ଼ପ , ଚଞ୍ଚକତା ପୂର୍ବକ ସେମାନଙ୍କୁ ଧମକ ଦେଇଥିବା ଅଭିଯୋଗ ହୋଇଛି । ଏଥିରେ ଓଟିଭି ଏମ୍ଡି ଏବଂ ତାଙ୍କ ନିକଟ ସମ୍ପର୍କିୟଙ୍କର ପ୍ରତ୍ୟେକ୍ଷ ସମ୍ପୃକ୍ତ ରହିଥିବା ଅଭିଯୋଗ ହୋଇଛି । ତେଣୁ ଏହାର ତଦନ୍ତ ତୁରନ୍ତ କରାଯାଇ ସ୍ଥାନୀୟ ଲୋକଙ୍କୁ ନ୍ୟାୟ ଦିଆଯାଉ ବୋଲି ଲୋକ ଦଳ ପକ୍ଷରୁ କୁହାଯାଇଛି । ଅପର ପକ୍ଷରେ ନାବାଳିକା ଗଣ ଦୁଷ୍କର୍ମ ମାମଲାରେ ନିଜ କର୍ମଚାରୀଙ୍କୁ ଓଟିଭି ଏମ୍ଡି ସୁରକ୍ଷା ଦେଉଥିବା ଭଳି ସଙ୍ଗୀନ ଅଭିଯୋଗ ହୋଇଛି । ଏହି ମାମଲାର ତଦନ୍ତ କରି ତ୍ୱରିତ ନ୍ୟାୟ ପାଇର୍ ଓଡ଼ିଶା ଲୋକ ଦଳ ପକ୍ଷରୁ ଦାବି କରାଯାଇଛି ।
