ଅମାନିଆ ଅପରାଜିତାଙ୍କ ନାମରେ ଫେରାଦ, କୋଭିଡ ନିୟମ ଭାଙ୍ଗିବା ଅଭିଯୋଗରେ ସିଲ ହେବ ଅଫିସ

ଭୁବନେଶ୍ୱର: ସିଲ ହେବ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀଙ୍କ ଭୁବନେଶ୍ୱର ଅଫିସ । ପଳାସପଲ୍ଲୀ ଅଞ୍ଚଳରେ ଥିବା ଅଫିସ ହେବ ସିଲ । ଘଟଣାସ୍ଥଳରେ ପହଁଚିଲା ବିଏମସି । କମିଶନରେଟ ପୋଲିସ ସହାୟତାରେ ହେବ ସିଲ । ଉକ୍ତ ଅଫିସରେ ସାଂସଦ କୋଭିଡ଼ କଟକଣା ଉଲଂଘନ କରି ପାଳନ କରିଥିଲେ ଜନ୍ମଦିନ । ଏଭଳି ଜନ୍ମଦିନ ପାଳନ ପରେ ଅପରାଜିତାଙ୍କ ବିରୁଦ୍ଧରେ ଦୃଡ଼ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି ।

ଯେତେବେଳେ ଦେଶର ପ୍ରଧାନମନ୍ତ୍ରୀ କରୋନା ସମୟରେ ସାମାଜିକ ଦୂରତାକୁ ଅବଲମ୍ବନ ପାଇଁ ବାରମ୍ବାର ସଚେତନ କରାଉଛନ୍ତି । ସେହି ସମୟରେ ଅପରାଜିତା ବାରମ୍ବାର ଆଇନ ଭାଙ୍ଗୁଛନ୍ତି । ଥରେ କି ଦୁଇଥର ନୁହେଁ । ତିନି ତିନି ଥର ଭାଙ୍ଗିଛନ୍ତି କରୋନା କଟକଣା । ଥରେ ଏଥିପାଇଁ ଫାଇନ ମଧ୍ୟ ଦେଇଛନ୍ତି । ତଥାପି ସୁଧୁରୁ ନାହାନ୍ତି । ସେଥିପାଇଁ ଆଉ ଅପରାଜିତାଙ୍କ ପାଇଁ ଫାଇନ ଦଣ୍ଡ ନକରାଯାଉ । ତାଙ୍କୁ ଆରେଷ୍ଟ କରିବା ସହ ତାଙ୍କୁ ତାଙ୍କ ପଦବିରୁ ବହିସ୍କାର କରାଯାଉ ବୋଲି ଦାବି ହୋଇଛି ।