ଅପହରଣ ପରେ ନାବାଳିକାକୁ ଦେଇଥାନ୍ତେ ବଳି…

ଆସିକା: ନାବାଳିକା କୁ ବଳିଦେବା ଏବଂ ଅପହରଣ ଘଟଣା ରେ ଗୁଣିଆକୁ ଗିରଫ କଲା ପୋଲିସ । ଗୁଣିଆ ରତ୍ନାକର ସେଠିକୁ ଗିରଫ କରାଯାଇଛି । ଗୁଣିଆ ଫେରାର ହୋଇଯାଇଥିବା ବେଳେ ପଶ୍ଚିମବଙ୍ଗ ନିକଟରୁ ପୋଲିସ ତାକୁ କାବୁ କରିଥିଲା । ଅଭିଯୁକ୍ତ ଗୁଣିଆ ଜଣକ ସେରଗଡ଼ ଅଞ୍ଚଳର ବରମୁଣ୍ଡଳୀ ଗାଁର ବୋଲି ଜଣାପଡ଼ିଛି । ତାଙ୍କ ଠାରୁ ଗୁଣି ସାମଗ୍ରୀ ମଧ୍ୟ ଜବତ କରିଛି ପୋଲିସ । ଗତ ସେପ୍ଟେମ୍ବର ୬ ତାରିଖରେ ବଳି ଦେବା ଏବଂ ଅପହରଣ ଘଟଣା ଘଟିଥିଲା । ତେବେ ପୂର୍ବରୁ ଏଥିରେ ସମ୍ପୃକ୍ତ  ୪ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ସେତେବେଳେ ଏମାନଙ୍କଠାରୁ ଗୋଟିଏ ବାଇକ ଓ ଦୁଇଟି ଖଣ୍ଡା ଜବତ କରିଥିଲା ।

ସୂଚନା ଅନୁଯାୟୀ, ଅଭିଯୁକ୍ତ ମାନେ ସଂପୃକ୍ତ ନାବାଳିକା ଭାଇକୁ ୩୦ହଜାର ଟଙ୍କାରେ ନାବାଳିକାଙ୍କୁ କିଣି ନେବା ପାଇଁ ଉଦ୍ୟମ କରି ବିଫଳ ହୋଇଥିଲେ । ବିଫଳ ହେବା ପରେ ଧମକ ଚମକ ଦେଉଥିଲେ ଅଭିଯୁକ୍ତ ମାନେ । ଏନେଇ ପୋଲିସି ରେ ନାବାଳିକା ର ଭାଇ ସ୍ଵରାଜ୍ୟ ଗୌଡ଼ ଏକ ଅଭିଯୋଗ ରୁଜୁ କରିଥିଲେ । ପୋଲିସର ତ୍ୱରିତ କାର୍ଯ୍ୟାନୁଷ୍ଠାନ ଫଳରେ ୪ ଗିରଫ ହେଲେ ଅନ୍ୟ ୫ ଫେରାର ହୋଇଯାଇଥିଲେ । ଗିରଫ ହୋଇଥିବା ଅଭିଯୁକ୍ତଙ୍କ ବୟାନ ନାବାଳିକାକୁ ଅପହରଣ ପରେ  ହିଂଜିଳି ନିକଟରେ କେଉଁ ମନ୍ଦିରରେ ବଳି ଦେଇଥାନ୍ତେ । ବଳି ଦେଇଥିଲେ କୁଆଡେ ଟଙ୍କାର ବର୍ଷା ହୋଇଥାନ୍ତା ବୋଲି ଗିରଫଙ୍କ ବୟାନ କୁ ଆଧାର କରି ଥାନା ଅଧିକାରୀ ପ୍ରଶାନ୍ତ ସାହୁ ସୂଚନା ଦେଇଛନ୍ତି ।