ପୁରନଙ୍କ ୩୭ବଲରେ ୭୭ରନ ଜିତାଇପାରିଲାନି ପଞ୍ଜାବକୁ, ୧୩୨ରନ କରି ଆଲଆଉଟ ହେଲା ପଞ୍ଜାବ

ଦୁବାଇ: ଆଇପିଏଲ ୨୦୨୦ର ୨୦ତମ ମୁକାବିଲାରେ ପଞ୍ଜାବକୁ ୬୯ରନରେ ହରାଇଛି ହାଇଦ୍ରାବଦ । ହାଇଦ୍ରାବାଦର ଏହା ହେଉଛି ୩ୟ ବିଜୟ । ହାଇଦ୍ରାବଦ ପ୍ରଥମେ ଖେଳି  ପଞ୍ଜାବକୁ ୨୦୨ର ଲକ୍ଷ୍ୟ ଦେଇଥିଲା । ଆଉ ଏହାର ଜବାବରେ ପଞ୍ଜାବ ୧୬.୫ ଓଭରରେ ୧୩୨ରନରେ କଅଲଆଉଟ ହୋଇଯାଇଥିଲା । ତେବେ ପଞ୍ଜାବ ପାଇଁ ନିକୋଲସ ପୁରନ ୩୭ବଲରେ ୭ଟି ଛକା ସହ ୭୭ରନ୍ କରିବାରେ ସଫଳ ହୋଇଥିଲ ଯଦିଓ ସେ ତାଙ୍କ ଦଳକୁ ଜିତାଇବାକୁ ଅସମର୍ଥ ହୋଇଥିଲେ ।

ପ୍ରଥମେ ଟସ୍ ଜିତି ହାଇଦ୍ରାବାଦ ବ୍ୟାଟିଂର ନିଷ୍ପତ୍ତି ନେଇଥିଲା । ଏହା ପରେ ମଇଦାନକୁ ଓହ୍ଲାଇଥିଲେ ଜନି ବେୟରଷ୍ଟୋ ଏବଂ ଡେବିଟ ୱାର୍ନର । ଏହାପରେ ଦୁଇଜଣଙ୍କ ଛକା ଚଉକାର ବର୍ଷାରେ ପଞ୍ଜାବ ଚିନ୍ତାରେ ପଡ଼ିଯାଇଥିଲା । ବିନା ୱିକେଟରେ ଦୁଅଜଣ ୧୬.୫ ଓଭରେ ୧୬୦ରନ କରିବାରେ ସମର୍ଥ ହୋଇଥିଲେ  । ୱାର୍ନର ୪୦ବଲରେ ୫୨ ରନ କରି ରବି ବିଶୋଇଙ୍କ ବଲରେ କ୍ୟାଚ୍ ଆଉଟ୍ ହୋଇଥିଲେ ଆଉ ତାଙ୍କ ପରେ ବାୟରଷ୍ଟୋ ୯୭ରନ କରି ଆଉଟ୍ ହୋଇଯାଇଥିଲେ ।

ଅନ୍ୟପଟେ ପଞ୍ଜାବର କ୍ୟାପଟେନ ଭାର ସମ୍ଭାଳିଥିବା କେ ଏଲ ରାହୁଲ ଦଳକୁ ନିରାସ କରିଥିଲେ । ଏହି ମ୍ୟାଚରେ କେ ଏଲ ରାହୁଲ କିଛି ଭଲ ପଦର୍ଶନ କରିପାରି ନଥିଲେ । ସେ ମାତ୍ର ୧୧ ରନ୍ କରି କ୍ୟାଚ ଆଉଟ ହୋଇଥିଲେ, ମାକ୍ସୱେଲ ୭ ଏବଂ ସନ୍ଦିପ ସିଂ ୬କରି ଆଉଟ ହୋଇଥିଲେ । କିନ୍ତୁ ପୁରନ ୧୭ବଲରେ ରେକର୍ଡ କରୁ କରୁ ବଞ୍ଚି ଯାଇଥଇଲେ ସେ ୧୭ବଲରେ ୫୦ ରନ କରିଥିଲେ ଏବଂ ୩୭ବଲରେ ୭୭ରନ କରି ଆଉଟ ହୋଇଥିଲେ ପୁରନ ।