ମହିଳା କମିଶନରେ ହାଜର ହେଲେ OTV ଏମ୍ଡିଙ୍କ ପ୍ରତିନିଧି
ଭୁବନେଶ୍ୱର: ରାଜଧାନୀରେ ନାବାଳିକା ଗଣଦୁଷ୍କର୍ମ ଘଟଣା । ମହିଳା କମିଶନରେ ହାଜର ହେଲେ ଓଟିଭି ଏମ୍ଡିଙ୍କ ପ୍ରତିନିଧି । ଓକିଲଙ୍କ ସହ ସେ ହାଜର ହୋଇଛନ୍ତି । ଗତକାଲି ମହିଳା କମିଶନଙ୍କ ପକ୍ଷରୁ ମାମଲା ସଂପର୍କିତ କାଗଜପତ୍ର ଦାଖଲ କରିବାକୁ ନିର୍ଦ୍ଦେଶ ଦିଆଯାଇଥିଲା । ମହିଳା କମିଶନଙ୍କଙ୍କ ଡ଼ାକରା ପରେ ହାଜର ହୋଇଛନ୍ତି ଓଟିଭି ଏମଡିଙ୍କ ପ୍ରତିନିଧି । ଗତକାଲି ଦୀର୍ଘ ଅଢେଇ ଘଣ୍ଟା ଚାଲିଥିଲା ଶୁଣାଣି ।
ଶୁଣାଣି ବେଳେ ଉପସ୍ଥିତ ପୀଡ଼ିତାଙ୍କ ମା’ ତଥା ଅଭିଯୋଗକାରିଣୀ କମିଶନଙ୍କ ସମ୍ମୁଖରେ କାନ୍ଦି ନ୍ୟାୟ ପାଇଁ କାକୁତି ମିନତି ହୋଇଥିଲେ । ତେବେ ଓଟିଭି ଏମଡି ନିଜେ ହାତର ନହୋଇ ହାଇକୋର୍ଟଙ୍କ ନିର୍ଦ୍ଦେଶ ଅନୁସାରେ ପ୍ରତିନିଧିଙ୍କୁ ପଠାଇଥିଲେ । ପ୍ରତିନିଧି ପଠାଇବା ସତ୍ତ୍ୱେ ଏଥିପାଇଁ ଆବଶ୍ୟକ କାଗଜପତ୍ର କିନ୍ତୁ କମିଶନଙ୍କ ପାଖରେ ଦାଖଲ କରିନଥିଲେ । ଆଜି ଦିନ ସାଢେ ୧୨ଟା ପୂର୍ବରୁ କାଗଜପତ୍ର ଦାଖଲ କରିବାକୁ ମହିଳା କମିଶନ ଅଧ୍ୟକ୍ଷା ନିର୍ଦ୍ଦେଶ ଦେଇଥିଲେ ।
