IPL 2020: ଟି-ଟ୍ୱେଣ୍ଟିରେ ପ୍ରଥମ ଭାରତୀୟ ଭାବେ ବିରାଟ କୋହଲି ରଚିଲେ ଇତିହାସ
1 min read
ଦୁବାଇ: ରୟାଲ ଚ୍ୟାଲେଞ୍ଜର୍ସ ବେଙ୍ଗଳୁରୁ ଅଧିନାୟକ ବିରାଟ କୋହଲି ଦିଲ୍ଲୀ କ୍ୟାପିଟାଲ୍ସ ବିପକ୍ଷ ମ୍ୟାଚରେ ୧୦ ରନ୍ କରି ରେକର୍ଡ କରିଛନ୍ତି । ଟି-ଟ୍ୱେଣ୍ଟି କ୍ରିକେଟରେ ୯ ହଜାର ରନ ପୂରଣ କରିଥିବା ପ୍ରଥମ ଭାରତୀୟ ଖେଳାଳି ହେଉଛନ୍ତି ବିରାଟ କୋହଲି । ଏହା ପୂର୍ବରୁ ବିରାଟ ରାଜସ୍ଥାନ ରୟାଲ୍ସ ବିରୋଧରେ ଅପରାଜିତ ୭୨ ରନ୍ କରି ଏହି ଅଙ୍କ ପାଖାପାଖି ପହଞ୍ଚିଥିଲେ । ଆଜି ୧୦ ରନ୍ କରି ୯ ହଜାର ରନ୍ କ୍ଲବରେ ସାମିଲ୍ ହୋଇଛନ୍ତି ।
ଏହି ମ୍ୟାଚ୍ ପୂର୍ବରୁ ବିରାଟ କୋହଲି ଆଇପିଏଲରେ ୧୮୧ ମ୍ୟାଚ ଖେଳି ୫ ହଜାର ୫୦୨ ରନ୍ କରିଥିଲେ । ସବୁକୁ ମିଶାଇ ଦେଖିଲେ କୋହଲି ଟି-ଟ୍ୱେଣ୍ଟି କ୍ରିକେଟରେ ୯ ହଜାର ରରନ୍ କରିଥିବା ସପ୍ତମ ବ୍ୟାଟ୍ସମ୍ୟାନ । ୨୭୧ ତମ ମ୍ୟାଚରେ ମ୍ୟାଚରେ ହର୍ଷଲ ପଟେଲଙ୍କ ବଲରେ ଚୌକା ମାରି କୋହଲି ଏହି ସ୍କୋର କରିଛନ୍ତି । ଏହା ପୂର୍ବରୁ ୨୭୦ଟି ମ୍ୟାଚ୍ ଖେଳିଥିବା କୋହଲି ଟି-ଟ୍ୱେଣ୍ଟ କ୍ରିକେଟରେ ୮ ହଜାର ୯୯୦ ରନ୍ କରିଥିଲେ ।
ଟି-ଟ୍ୱେଣ୍ଟି କ୍ରିକେଟରେ ସବୁଠୁ ଅଧିକ ରନ୍ କରିଛନ୍ତି କ୍ରିସ୍ ଗେଲ । ଗେଲ ୪୦୪ଟି ମ୍ୟାଚ୍ ଖେଳି ସର୍ବାଧିକ ୧୩ ହଜାର ୨୯୬ ରନ୍ କରିଛନ୍ତି । ଗେଲଙ୍କ ପରେ ଦ୍ୱିତୀୟରେ ରହିଛନ୍ତି କାୟରନ ପୋଲାର୍ଡ ଯିଏକି ୫୧୭ଟି ମ୍ୟାଚ୍ ଖେଳ ୧୦ ହଜାର ୩୭୦ ରନ୍ କରିଛନ୍ତି । ସୋଏବ ମଲିକ ୯ ହଜାର ୯୨୬ ରନ୍, ବ୍ୟାଣ୍ଡନ ମ୍ୟାକଲମ ୯ ହଜାର ୯୨୨ ରନ୍, ଡେଭିଡ୍ ୱାର୍ନର ୯ ହଜାର ୪୫୧ ଓ ଆରୋନ ଫିଞ୍ଚ ୯ ହଜାର ୧୪୮ ରନ୍ କରି ତାଲିକାରେ ଅଛନ୍ତି ।
ଏହା ବାଦ୍ ଆଇପିଏଲରେ ୨୦୦ ଛକ୍କା ପୂରା ପାଖାପାଖି ପହଞ୍ଚିଛନ୍ତି କୋହଲି । କୋହଲି ଏବେ ଆଇପିଏଲରେ ସର୍ବାଧିକ ଛକ୍କା ମାରୁଥିବା ଖେଳାଳିଙ୍କ ମଧ୍ୟରେ ଷଷ୍ଠ ସ୍ଥାନରେ ଅଛନ୍ତି । କୋହଲି ୧୯୨ଟି ଛକ୍କା ମାରିଥିବା ବେଳେ ୮ଟି ଛକ୍କା ମାରିଲେ ୨୦୦ ଛକ୍କା ମାରିଥିବା ଚତୁର୍ଥ ଭାରତୀୟ ବ୍ୟାଟ୍ସମ୍ୟାନ ହେବେ । ଏହା ପୂର୍ବରୁ ମହେନ୍ଦ୍ର ସିଂହ ଧୋନି, ସୁରେଶ ରାଇନା ଓ ରୋହିତ ଶର୍ମା ୨୦୦ରୁ ଅଧିକ ଛକ୍କା ମାରି ସାରିଛନ୍ତି ।
