ଲାଲ୍ଗଡ଼ରେ ଲାଲ୍ବାହିନୀ ବିରୋଧରେ ରଣହୁଙ୍କାର, ଅପରେସନରେ ଥରହର ମାଓବାଦୀ
1 min read
ଭୁବନେଶ୍ୱର: ମାଓ ଦମନର ମଙ୍ଗ ଧରିଛି ଓଡ଼ିଶା ପୋଲିସ । ଲାଲ୍ଗଡ଼ରେ ଲାଲ୍ବାହିନୀ ବିରୋଧରେ ରଣହୁଙ୍କାର ଦେଉଛି ପୋଲିସ । ପୋଲିସର ଅପରେସନ ପରେ ଛତ୍ରଭଙ୍ଗ ଦେଲାଣି ଲାଲ୍ବାହିନୀ । ମାଓବିରୋଧୀ କାର୍ଯ୍ୟ ଓ ଦେଶଦ୍ରୋହ ମାମଲା ରୁଜୁ କରିବାରେ ଓଡ଼ିଶା ଆଗରେ ଅଛି । NCRBର ରିପୋର୍ଟ ଅନୁସାରେ ଦେଶଦ୍ରୋହ ଓ ରାଜ୍ୟ ବିରୋଧୀ କାର୍ଯ୍ୟରେ ମାଓବାଦୀଙ୍କ ବିରୋଧରେ ଭାରତରେ ରୁଜୁ ହୋଇଥିବା ସମସ୍ତ ମାମଲା ଓଡ଼ିଶା ପୋଲିସ କରିଛି । ଅନ୍ୟ ରାଜ୍ୟ ତୁଳନାରେ ମାଓବାଦୀଙ୍କ ପ୍ରତି ଓଡ଼ିଶା ପୋଲିସ କଠୋର ହୋଇଛି । ଓଡ଼ିଶା ପୋଲିସର ମାଓ ଦମନ ରଣନୀତି ଜୋରଦାର ହେବା ପରେ ୧୦ଟି ଜିଲ୍ଲାକୁ ଖସିଛି ମାଓ କାର୍ଯ୍ୟକଳାପ । ଆଇପିସିର ଧାରା ୧୨୧- ଭାରତ ସରକାରଙ୍କ ବିରୋଧରେ ଯୁଦ୍ଧ, ୧୨୧-ଏ- ଅପରାଧ ପାଇଁ ଷଡ଼ଯନ୍ତ୍ର, ୧୨୨- ଯୁଦ୍ଧ ପାଇଁ ଅସ୍ତ୍ର ସଂଗ୍ରହ ଓ ୧୨୩ ଯୁଦ୍ଧକୁ ସହଜ କରିବା ଉଦ୍ଦେଶ୍ୟରେ ଲୁଚି ରହିବା ଆଦି ନେଇ ୧୨୪ ଏ -ରେ ଦେଶଦ୍ରୋହ ମାମଲା ରୁଜୁ କରିଛି ଓଡ଼ିଶା ।
୫ଟି ଜିଲ୍ଲାରେ ଦୁଇ ବର୍ଷ ଧରି ମାଓହିଂସା ଘଟି ନଥିବାରୁ ଏସବୁ ଜିଲ୍ଲାକୁ ରାଜ୍ୟ ସରକାର ମାଓମୁକ୍ତ ଜିଲ୍ଲା ଘୋଷଣା କରିଛନ୍ତି । ୧୦ଟି ଜିଲ୍ଲା -କୋରାପୁଟ, ମାଲାକାନଗିରି, ରାୟଗଡ଼ା, କନ୍ଧମାଳ, କଳାହାଣ୍ଡି, ବରଗଡ, ବଲାଙ୍ଗୀର, ନୂଆପଡା, ସୁନ୍ଦରଗଡ଼, ନବରଙ୍ଗପୁରରେ ମାଓ କାର୍ଯ୍ୟକଳାପ ନିୟନ୍ତ୍ରଣ କରିବା ପାଇଁ ଓଡ଼ିଶା ପୋଲିସ ଆଲର୍ଟ ରହିଛି । ଏନ୍ସିଆର୍ବି ରିପୋର୍ଟ ପରେ କେନ୍ଦ୍ର ଗୃହ ମନ୍ତ୍ରାଳୟର ବରିଷ୍ଠ ସୁରକ୍ଷା ପରାମର୍ଶଦାତା ବିଜୟ କୁମାର ଏବଂ ସିଆର୍ପିଏଫ୍ ଡିଜି ରାମେଶ୍ୱରୀ ଓଡିଶା ପୋଲିସ ଡିଜି ଓ ଗୁଇନ୍ଦା ବିଭାଗର ବରିଷ୍ଠ କର୍ମଚାରୀଙ୍କ ସହ ଆଲୋଚନା କରିଛନ୍ତି । ଓଡ଼ିଶାରେ ମାଓ ବିରୋଧୀ କାର୍ଯ୍ୟକଳାପ ନେଇ ଆଲୋଚନା ହୋଇଛି । ମାଓବାଦୀମାନେ ବନ୍ଧୁକ ଛାଡି ସମାଜର ମୁଖ୍ୟ ସ୍ରୋତକୁ ଫେରି ଆଲୋଚନା ମାଧ୍ୟମରେ ସମସ୍ୟା ସମାଧାନ କରିବା ଉଚିତ ବୋଲି ମାନବାଧିକାର କର୍ମୀ କହିଛନ୍ତି ।
୨୦୧୯ରେ ୪୪ଟି ଅପରାଧିକ କାର୍ଯ୍ୟକଳାପ ଘଟାଇଥିଲେ ମାଓବାଦୀ । ୧୦ ଜଣ ସାଧାରଣ ଲୋକଙ୍କୁ ହତ୍ୟା କରିଥିଲ । ସେ ଭିତରେ ଜଣେ ପୋଲିସ କର୍ମଚାରୀ ଥିଲେ । ଅନ୍ୟପକ୍ଷରେ ୮ ଜଣ ମାଓବାଦୀଙ୍କୁ କରାଯାଇଥିଲା । ୧୩ ଜଣ ମାଓବାଦୀ ଆତ୍ମସମର୍ପଣ କରିଥିଲେ ଓ ୫୦ଜଣ ଗିରଫ ହୋଇଥିଲେ । ପୋଲିସ ଓ ମାଓବାଦୀଙ୍କ ମଧ୍ୟରେ ୧୪ଟି ଗୁଳିବିନିମୟ ହୋଇଥିଲା
