ସବ୍ କଣ୍ଟ୍ରାକ୍ଟରଙ୍କୁ ଠକୁଛି IOCL ! ବର୍ଷେ ହେଲା ଦେଉ ନାହିଁ ଟଙ୍କା
1 min read
ପାରାଦୀପ: ଆଇଓସିଏଲରୁ ବର୍ଷେ ହେଲା ଟଙ୍କା ପାଉ ନାହାନ୍ତି ସବ୍ କଣ୍ଟ୍ରାକ୍ଟର । ୩୨ କଣ୍ଟ୍ରାକ୍ଟରଙ୍କର ୧୫ କୋଟିରୁ ଉର୍ଦ୍ଧ୍ଵ ଟଙ୍କା ବାକି ପଡିଛି ଆଇଓସିଏଲ ଉପରେ । କରୋନା ବା କୋଭିଡ୍-୧୯ର ପ୍ରଭାବ ସମସ୍ତ ବର୍ଗର ଲୋକଙ୍କୁ ପ୍ରଭାବିତ କରିଥିବା ବେଳେ ଆଇଓସିଏଲ କର୍ତୃପକ୍ଷଙ୍କ ମନମୁଖୀ ଓ ଦାୟିତ୍ୱହୀନତା ଯୋଗୁଁ ଦୁର୍ଦିନରେ ସବ କଣ୍ଟ୍ରାକ୍ଟର ।
ଏହି ଠିକାଦାର ମାନେ ଆଇଓସିଏଲ୍ରେ ଟେଣ୍ଡର ପାଇଥିବା ପୁଞ୍ଜିଲୋଏଡ ଠିକାସସ୍ଥା ଅଧିନରେ ଠିକାଦାରୀ କରୁଥିଲେ । ଏହି ଟଙ୍କା ଦେବାକୁ ଠିକା ସଂସ୍ଥା ବିଳମ୍ବ କରିବାରୁ ଆଇଓସିଏଲ୍ କର୍ତୃପକ୍ଷଙ୍କ ସହିତ ଆଲୋଚନା ପରେ ଏହି ୩୨ ଠିକାଦାରଙ୍କୁ ଆଇଓସିଏଲ ପେମେଣ୍ଟ ଦେବ ବୋଲି ପ୍ରତିଶ୍ରୁତି ଦେଇଥିଲେ କର୍ତୃପକ୍ଷ । ଏପରିକି ଦୁଇବର୍ଷ ପର୍ଯ୍ୟନ୍ତ ଆଇଓସିଏଲ୍ ଏମାନଙ୍କୁ ପେମେଣ୍ଟ କରିଆସୁଥିଲା ।
ମାତ୍ର ଗତ ବର୍ଷେ ହେଲା ଆଇଓସିଏଲ ଟଙ୍କା ଦେଉନାହିଁ ବୋଲି ସେମାନେ ଅଭିଯୋଗ କରିଛନ୍ତି । ଏସମ୍ପର୍କରେ ବାରମ୍ବାର ପ୍ରଶାସନକୁ ଅବଗତ କରାଯାଇଥିଲେ ମଧ୍ୟ ଏହାର କୌଣସି ସୁଫଳ ମିଳିପାରି ନାହିଁ । ତେଣୁ ବାଧ୍ୟ ହୋଇ ୫ ତାରିଖ ମଧ୍ୟରେ ଟଙ୍କା ନ ମିଳିଲେ ଆଇଓସିଏଲ ଗେଟ୍ ସମ୍ମୁଖରେ ଧାରଣା ଦେବାକୁ ସେମାନେ ଚେତାବନୀ ଦେଇଛନ୍ତି । ଏ ସମ୍ପର୍କରେ ପାରାଦୀପ ଅତିରିକ୍ତ ଜିଲ୍ଲାପାଳ ଓ ଅତିରିକ୍ତ ଏସ୍ପିଙ୍କୁ ଅବଗତ କରାଯାଇଥିବା ଠିକାଦାର ମାନଙ୍କ ପକ୍ଷରୁ ପ୍ରକାଶ କରାଯାଇଛି ।
