ନବରଙ୍ଗପୁର ଜିଲ୍ଲାକୁ ମୁଖ୍ୟମନ୍ତ୍ରୀଙ୍କ ଉପହାର, ଇନ୍ଦ୍ରାବତୀ ଡ୍ୟାମ ଉପରେ ନିର୍ମାଣ ହେବ ସେତୁ

ନବରଙ୍ଗପୁର: ନବରଙ୍ଗପୁର ଜିଲ୍ଲାକୁ ମୁଖ୍ୟମନ୍ତ୍ରୀଙ୍କ ଉପହାର । ଇନ୍ଦ୍ରାବତୀ ଡ୍ୟାମ ଉପରେ ନିର୍ମାଣ ହେବ ସେତୁ । ବ୍ୟୟ ଅଟକଳ ୧୫୦ କୋଟି ଟଙ୍କା । ୭୫୦ ମିଟର ସେତୁ ସହ ୫ କିଲୋମିଟର ରାସ୍ତାକୁ ମଞ୍ଜୁରୀ । ନବରଙ୍ଗପୁର ଠାରୁ ରାୟଗଡା ଯିବାକୁ ହେଲେ କଳାହାଣ୍ଡି କିମ୍ବା କୋରାପୁଟ ଦେଇ ୨୫୦ କିମି ବୁଲି ଯିବାକୁ ପଡୁଥିଲା ।

ଫଳରେ ସରକାରୀ ଯୋଜନା ପାଇଁ ଅଧିକ ନୟାନ୍ତ ହେଉଥିଲେ ତେନ୍ତୁଳିଖୁଣ୍ଟି ବ୍ଲକର ୮ରୁ ଅଧିକ ଗାଁଲୋକେ । ଏବେ ଇନ୍ଦ୍ରାବତୀ ଡ୍ୟାମ ଉପରେ ବ୍ରିଜ ନିର୍ମାଣ ହେଲେ ୧୨୦ କିଲୋମିଟର ରାସ୍ତା କମ ପଡିବ । ଏହାଛଡା ଆଉ ଜୀବନକୁ ବାଜି ଲଗାଇ ଡଙ୍ଗାରେ ଯିବାକୁ ପଡିବ ନାହିଁ । ସରକାର ପୋଲ ନିର୍ମାକୁ ମଞ୍ଜୁରୀ ଦେଇଥିବାରୁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ଅଞ୍ଚଳବାସୀ ।

ଏହି ରାସ୍ତା ହେବା ଦୁଆର ନବରଙ୍ଗପୁର ଜିଲ୍ଲାର ଗମନାଗମନ ସୁବିଧା ସହିତ ବ୍ୟବସାୟ କ୍ଷେତ୍ରରେ ମଧ୍ୟ ଉନ୍ନତି ହୋଇ ପାରିବ । ୧୫୦ କୋଟି ଟଙ୍କା ଅଟକଳରେ ୭୫୦ମିଟର ଲମ୍ବର ଏହ ସେତୁ ସାଙ୍ଗକୁ ନିର୍ମାଣ ହେବ ଦୀର୍ଘ ୫ କିଲୋମିଟର ରାସ୍ତା । ସାଂସଦ ଏବଂ ବିଧାୟକଙ୍କ ଅନୁରୋଧ ରକ୍ଷାକରି ମୁଖ୍ୟମନ୍ତ୍ରୀ ଏହାକୁ ମଞ୍ଜୁରୀ ପ୍ରଦାନ କରିଛନ୍ତି ।