ପୁରୀ: ଚାଲିଛି ମାଆ ବିମଳାଙ୍କ ଷୋଡ଼ଶ ଉପଚାର ପୂଜା । ମନ୍ତ୍ରଧ୍ବନିରେ ପ୍ରକମ୍ପିତ ହେଉଛି ଶ୍ରୀମନ୍ଦିର ପରିସର । ବିମଳାଙ୍କ ସମେତ ବିଭିନ୍ନ ଗୋଷାଣୀଙ୍କ ପୀଠରେ ପାଳନ ହେଉଛି ମହାନବମୀ । ସ୍ଵତନ୍ତ୍ର ନୀତିକାନ୍ତିରେ ଚାଲିଛି ମାଆଙ୍କ ପୂଜାର୍ଚ୍ଚନା । ନିଶାର୍ଦ୍ଧରେ ମହାପୂଜା ବସିବା ସହ ଚଣ୍ଡୀପାଠ, ତ୍ରିକାଳ ପୂଜା ସହ ଚାଲିଛି ଅନେକ ଗୁପ୍ତନୀତି । ଦୁର୍ଗା ମାଧବ ଉପାସନାର ଏହି କ୍ଷେତ୍ରରେ ଗୋଷାଣୀ ରୂପେ ପୂଜା ପାଆନ୍ତି ମାଆ ଦୁର୍ଗା । ଜହ୍ନି ଖାଇ, ବାରବାଟୀ, ଶୂନ୍ୟଗୋଶାଣୀ, ବେଲବାଇ, ଗେଲବାଇ, ଭୋଗଯାଗା, ଶଙ୍ଖେଶ୍ବରୀ, ମା ବାସେଳୀ, ଦକ୍ଷିଣକାଳୀ, ବାଟ ମଙ୍ଗଳା, ଶ୍ୟାମାକାଳୀ, ଚକ୍ରକୋଟ, କାକୁଡିଖାଇ, ଝଡ଼େଶ୍ୱରୀ, ବିଶେଶ୍ୱରୀ, ରାମଚଣ୍ଡୀ, ମଶାଣିଚଣ୍ଡୀ, ଆଲାମଚଣ୍ଡୀ ଆଦି ଗୋଷାଣୀଙ୍କ ନିକଟରେ ଚାଲିଛି ପୂଜାର୍ଚ୍ଚନା ।…
ଅନ୍ୟପଟେ ବିଭିନ୍ନ ମଣ୍ଡପରେ ଚାଲିଛି ସ୍ଵତନ୍ତ୍ର ପୂଜାର୍ଚ୍ଚନା । ସନ୍ଧ୍ୟାରେ ସନ୍ଧିପୂଜା ସହ ନିଶାର୍ଦ୍ଧରେ କରାଯିବ ଅନେକ ପୂଜା । ସହରର ବିଭିନ୍ନ ଗୋଶାଣୀ ଓ ପୀଠ ମାନଙ୍କରେ ଦେବୀଙ୍କୁ ପାରମ୍ପରିକ ଭାବେ ପୂଜା କରାଯାଉଥିବା ବେଳେ ଶ୍ରଦ୍ଧାଳୁଙ୍କ ଭିଡ଼ ଜମୁଛି । …
ଶ୍ରୀକ୍ଷେତ୍ରର ନିଆରା ଗୋଶାଣୀ ପୂଜାରେ ପାରମ୍ପରିକ ସୋଲ ଓ ଜରି ଜମ୍ବୁରା ମେଢ ଭରା ମାଆଙ୍କ ବେଶ ଦେଖିବାକୁ ଭିଡ଼ ଜମୁଛି ।
