ଦେଶରେ ସଂକ୍ରମିତଙ୍କ ସଂଖ୍ୟା ୫୯ଲକ୍ଷ ପାର୍, ଆଶ୍ୱସ୍ତି ଦେଉଛି ସୁସ୍ଥହାର

ନୂଆଦିଲ୍ଲୀ: ଦେଶରେ ବେକାବୁ କରୋନା ସଂକ୍ରମଣ । ୨୪ ଘଣ୍ଟାରେ ୮୫ହଜାର ୩୬୨କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ହଜାରେ ୮୯ଜଣଙ୍କ ମୃତ୍ୟୁ ହୋଇଛି । ଦେଶରେ ମୋଟ୍ କରୋନା ସଂକ୍ରମିତଙ୍କ ସଂଖ୍ୟା ୫୯ଲକ୍ଷ ୩୯ହଜାର ୩୩ଜଣ ସଂକ୍ରମିତ ହୋଇଥିବା ବେଳେ ୯ଲକ୍ଷ ୬୦ହଜାର ୯୬୯ ଆକ୍ଟିଭ କେସ୍ ରହିଛି । ୪୮ଲକ୍ଷ ୪୯ହଜାର ୫୮୫ଜଣ ସୁସ୍ଥ ହୋଇଛନ୍ତି ।

କରୋନାରେ ଦେଶରେ ମୋଟ୍ ୯୩ହଜାର ୩୭୯ଜଣଙ୍କ ମୃତ୍ୟୁ ବରଣ କରିଛନ୍ତି । ମହାରାଷ୍ଟ୍ରରେ ସର୍ବାଧିକ ୧୩ଲକ୍ଷ ସଂକ୍ରମିତ ଚିହ୍ନଟ ହୋଇଥିବା ବେଳେ ୩୪ହଜାରରୁ ଅଧିକ ଲୋକଙ୍କ ମୃତ୍ୟୁ ହେଲାଣି । ଆନ୍ଧ୍ରପ୍ରଦେଶରେ ୬ଲକ୍ଷରୁ ଅଧିକା ତାମିଲନାଡୁ ଓ କର୍ଣ୍ଣାଟକରେ ୫ଲକ୍ଷରୁ ଅଧିକ ଲେଖାଏଁ କରୋନା ସଂକ୍ରମିତ ଚିହ୍ନଟ ହୋଇଛନ୍ତି ।

ଦେଶର ସୁସ୍ଥ ହାର ସବୁଠାରୁ ଅଧିକ ଏବଂ ମୃତ୍ୟୁ ହାର ସର୍ବନିମ୍ନ ରହିଛି- ହର୍ଷ ବର୍ଦ୍ଧନ

ସ୍ୱାସ୍ଥ୍ୟମନ୍ତ୍ରୀ ହର୍ଷ ବର୍ଦ୍ଧନ ଶୁକ୍ରବାର ଦିନ କହିଛନ୍ତି ଯେ କରୋନା ସଂକ୍ରମିତ ୫୦ ଲକ୍ଷରୁ ଅଧିକ ଲୋକଙ୍କୁ ସଠିକ୍ ଚିକିତ୍ସା କରାଯାଇଥିବାରୁ ଅଧିକ ସଂଖ୍ୟକ ଲୋକେ ସୁସ୍ଥ ହୋଇଛନ୍ତି ଏବଂ କମ ସଂଖ୍ୟକ ଆକ୍ରାନ୍ତଙ୍କ ମୃତ୍ୟୁ ହୋଇଛି ।

ସେ କହିଛନ୍ତି ଯେ ଦେଶରେ କୋଭିଡ-୧୯ ରୋଗୀଙ୍କ ପୁନରୁଦ୍ଧାର ହାର ଏବଂ ମୃତ୍ୟୁ ହାର ହ୍ରାସ ହେତୁ ସମସ୍ତ ରାଜ୍ୟ ଗ୍ରହଣ କରିଥିବା ନିଷେଧ ରଣନୀତିର ସଫଳ ପ୍ରମାଣିତ ହୋଇଛି । ହର୍ଷ ବର୍ଦ୍ଧନ କହିଛନ୍ତି ଯେ ଆମେ ସଫଳତାର ସହ ଆମର ପରୀକ୍ଷଣ କ୍ଷମତାକୁ ବୃଦ୍ଧି କରିଛୁ ଏବଂ ଆଜି ଏହା ପ୍ରାୟ ୧.୫ ମିଲିୟନ ସ୍ତରରେ ପହଞ୍ଚିଛି ଏବଂ ୧୮୦୦ରୁ ଅଧିକ ଲାବୋରେଟୋରୀ ସାରା ଦେଶରେ ରହିଛି ।