କେନ୍ଦ୍ର ସରକାରଙ୍କ ଏହି ଆଇନ ଓଡ଼ିଶାର ଚାଷୀ ଓ ଗ୍ରାହକଙ୍କ ପାଇଁ ହେବନି ଲାଭପ୍ରଦ !

ନୂଆଦିଲ୍ଲୀ: ଅତ୍ୟାବଶ୍ୟକ ସାମଗ୍ରୀ ତାଲିକାରୁ ହଟିଲା ଆଳୁ, ପିଆଜ, ଡାଲି ଓ ଖାଇବା ତେଲ । ଲୋକସଭା ପରେ ରାଜ୍ୟସଭାରେ ଅତ୍ୟାବଶ୍ୟକ ସାମଗ୍ରୀ ସଂଶୋଧନ ଆଇନ ପାରିତ ହୋଇଛି । ଦୀର୍ଘ ୬୫ ବର୍ଷ ପରେ ଆଇନରେ ସଂଶୋଧନ କରାଯାଇଥିବା ବେଳେ, ଏସବୁ ସାମାଗ୍ରୀ ଉପରେ ଦର ନିୟନ୍ତ୍ରଣ କ୍ଷମତା ହରାଇଛନ୍ତି ସରକାର ।

ସଂଶୋଧିତ ଆଇନ ଅନୁଯାୟୀ କେବଳ ଯୁଦ୍ଧ, ଦୁର୍ଭିକ୍ଷ, ଅସାଧାରଣ ମୂଲ୍ୟ ବୃଦ୍ଧି ଓ ପ୍ରାକୃତିକ ବିପର୍ଯ୍ୟୟ ସମୟରେ ହିଁ କୃଷି ଖାଦ୍ୟ ସାମଗ୍ରୀ ନିୟନ୍ତ୍ରିତ ହୋଇପାରିବ ।

କୃଷି କ୍ଷେତ୍ରରେ ଘରୋଇ ଓ ବିଦେଶୀ ପ୍ରତ୍ୟକ୍ଷ ପୁଞ୍ଜି ବିନିଯୋଗକୁ ଆକର୍ଷିତ କରିବା ସହ ଏହି ଆଇନ ଉଭୟ କୃଷକ ଓ ଗ୍ରାହକଙ୍କ ସପକ୍ଷରେ ରହିବ ବୋଲି କେନ୍ଦ୍ର ସରକାର ଯୁକ୍ତି କରିଛନ୍ତି । ତେବେ କେନ୍ଦ୍ର ସରକାରଙ୍କ ଏହି ଆଇନ ଓଡ଼ିଶାର ଚାଷୀ ଓ ଗ୍ରାହକଙ୍କ ପାଇଁ ଲାଭପ୍ରଦ ହେବନି ବୋଲି  ବିଶେଷଜ୍ଞ କହିଛନ୍ତି ।