ଜଣେ ଦୋଷୀକୁ ଦୁଇ ଥର ଆଜୀବନ କାରାଦଣ୍ଡାଦେଶ, ୪ ଜଣଙ୍କୁ ମାରି ମାଟି ତଳେ ପୋତି ଦେଇଥିଲା

ଅନୁଗୁଳ: ଚାରି ଜଣଙ୍କୁ ମାରି ମାଟି ତଳେ ପୋତି ଦେଇଥିବା ଘଟଣା । ଏହି ଘଟଣାରେ ସାବ୍ୟସ୍ତ ହୋଇଥିବା ଅଭିଯୁକ୍ତ ଝସକେତନ ରାଉତଙ୍କୁ ପୁଣି ଆଜୀବନ କାରାଦଣ୍ଡାଦେଶରେ ଦଣ୍ଡିତ କରିଛନ୍ତି ମାନ୍ୟବର ଜିଲ୍ଲା ଦୌରାଜଜ । ଅନୁଗୋଳ ଜିଲ୍ଲା ଦୌରା ଜଜ ଅଶାନ୍ତ କୁମାର ଦାସ ଦୋଷୀ ଝସ କେତନ ରାଉତକୁ  ଚଳିତ ମାସ ୧୫ ତାରିଖରେ ଦୋଷୀ ସାବ୍ୟସ୍ତ କରିଥିଲେ । ଝସକେତନ ପୂର୍ବରୁ ଦୁଇ ଭାଇଙ୍କୁ ମାରି ଗାତ ଖୋଳି ପୋତିବା ଅଭିଯୋଗରେ ଆଜୀବନ କାରାଦଣ୍ଡରେ ଦଣ୍ଡିତ ହୋଇ ଜେଲରେ ଅଛି ।

ଗତ ଶୁକ୍ରବାର ମାଉସୀ ଓ ପୁତୁରା ହତ୍ୟାକାଣ୍ଡରେ ମଧ୍ୟ ଦୋଷୀ ସାବସ୍ତ୍ୟ ହୋଇଥିଲା । ଆଜି  ଏହି ମାମଲାର ଦଣ୍ଡାଦେଶ ଶୁଣାଇଛନ୍ତି କୋର୍ଟ । ୩୦୨ ଦଫାରେ ଆଜୀବନ ସଶ୍ରମ କାରାଦଣ୍ଡ ସହ ତିନି ଲକ୍ଷ ଟଙ୍କାର ଜୋରିମାନା ଦେବାକୁ ଆଦେଶ ଜାରି କରିଛନ୍ତି । ଅନୁଗୋଳ ଜିଲ୍ଲା କୁଶକିଳା ଗାଁର ଝସ କେତନ ରାଉତ ଗତ ୨୦୧୬ରେ ଏହି ହତ୍ୟାକାଣ୍ଡ ଘଟାଇଥିଲା ।