ଭାରତ କୋଭିଡ-୧୯ ମାନଚିତ୍ର: ସାଉଥ ଜୋନରେ ସର୍ବାଧିକ ମାମଲା ଥିବାବେଳେ, ପଶ୍ଚିମରେ ମୃତ୍ୟୁହାର ଅଧିକ
1 min read
ନୂଆଦିଲ୍ଲୀ: କରୋନା କାୟାରେ ଏବେ ସାରା ବିଶ୍ୱ କବଳିତ । ଏହି ମହାମାରୀ ଜାଲରେ ଛନ୍ଦି ହୋଇଥିବା ଦେଶ ମଧ୍ୟରୁ ଭାରତ ବର୍ତ୍ତମାନ ସମଗ୍ର ବିଶ୍ୱରେ ଦ୍ୱିତୀୟ ସ୍ଥାନରେ ରହିଛି । ସେପ୍ଟେମ୍ବର ମାସ ସୁଦ୍ଧା ଭାରତରେ ମୋଟ ୫୧,୨୨, ୮୪୬ କୋଭିଡ- ୧୯ ମାମଲା ରେକର୍ଡ ହୋଇଛି, ଯେଉଁଥିରୁ ପ୍ରାୟ ୭୯% ସୁସ୍ଥ ହୋଇସାରିଛନ୍ତି । ଏଯାବତ ମୋଟ ୬.୧ କୋଟି କରୋନା ଟେଷ୍ଟ କରାଯାଇଛି ଏବଂ ୮୩,୨୫୭ ଜଣଙ୍କର ମୃତ୍ୟୁ ହୋଇଥିବା ସୂଚନା ରହିଛି । ମୃତ୍ୟୁ ହାର ୧.୬% ଥିବାବେଳେ ଟେଷ୍ଟ ପଜିଟିଭିଟି ହାର ୮.୫% ରେ ରହିଛି । ଦେଶର କୋଭିଡ୍ -୧୯ ତଥ୍ୟର ଏକ ଜୋନ୍- ୱାରୀ ବିଶ୍ଳେଷଣ ଏମିତି କିଛି ଆକର୍ଷଣୀୟ ସଂଖ୍ୟା ସାମ୍ନାକୁ ଆସିଛି ଯାହା ଏବେ ଆମେ ତଳେ ଦର୍ଶାଇବାକୁ ଯାଉଛୁ ।
ଆମେ ଦେଶକୁ ପାଞ୍ଚଟି ଜୋନରେ ବିଭକ୍ତ କରିଛୁ:
୧. ଉତ୍ତର- ଉତ୍ତର ପ୍ରଦେଶ, ଦିଲ୍ଲୀ, ହରିୟାଣା, ପଞ୍ଜାବ, ଜମ୍ମୁ-କାଶ୍ମୀର, ଉତ୍ତରାଖଣ୍ଡ, ହିମାଚଳପ୍ରଦେଶ, ଚଣ୍ଡିଗଡ଼ ଏବଂ ଲଦାଖ
୨. ଦକ୍ଷିଣ- ଆନ୍ଧ୍ର ପ୍ରଦେଶ, ତାମିଲନାଡୁ, କର୍ଣ୍ଣାଟକ, ତେଲେଙ୍ଗାନା, କେରଳ, ପଡୁଚେରୀ, ଆଣ୍ଡାମାନ ଓ ନିକୋବର ଦୀପ
୩. ପଶ୍ଚିମ- ମହାରାଷ୍ଟ, ଗୁଜୁରାଟ, ରାଜସ୍ଥାନ, ଗୋଆ, ଦାଦ୍ରା ଓ ନଗର ହାବେଳୀ ଏବଂ ଡାମନ ଡ୍ୟୁ
୪. ପୂର୍ବ- ୱେଷ୍ଟ ବେଙ୍ଗଲ, ବିହାର, ଝାଡଖଣ୍ଡ, ଆସାମ, ସିକିମ୍, ମଣିପୁର, ତ୍ରିପୁରା, ମିଜୋରାମ, ନାଗାଲାଣ୍ଡ, ଅରୁଣାଚଳ ପ୍ରଦେଶ, ମେଘାଳୟ, ଓଡ଼ିଶା
୫. ମଧ୍ୟ- ମଧ୍ୟ ପ୍ରଧ୍ୟପ୍ରଦେଶ ଏବଂ ଚଣ୍ଡିଗଡ଼
ଦକ୍ଷିଣ ଜୋନରେ ସର୍ବାଧିକ ମାମଲା ରହିଛି
ଦେଶର ଦକ୍ଷିଣ ଜୋନ୍ ରେ ମୋଟ କରୋନା ମାମଲା ୩୭.୧୯% ରହିଛି । ଆନ୍ଧ୍ରପ୍ରଦେଶରେ ସର୍ବାଧିକ ୫,୯୨,୭୬୦ ମାମଲା ଥିବାବେଳେ ଏହା ପଛରେ ୫,୧୯,୮୬୦ ମାମଲା ସହିତ ରହିଛି ତାମିଲନାଡୁ । ୧ ମିଲିୟନ ଜନସଂଖ୍ୟା ଦୃଷ୍ଟିରୁ ଦକ୍ଷିଣରେ ୭,୦୫୬ ଟି ଟପ୍ ମାମଲା ରହିଛି ।
୩୩.୬୭ ଏବଂ ୩୪.୭୮ କୋଟି ଜନସଂଖ୍ୟା ବିଶିଷ୍ଟ ଉତ୍ତର ଏବଂ ପୂର୍ବ ଜୋନ ରାଜ୍ୟ ଗୁଡ଼ିକ ତୁଳନାତ୍ମକ ଭାବରେ କରୋନା ମହାମାରୀରେ ଭଲ ପ୍ରଦର୍ଶନ କରିଛନ୍ତି । ପ୍ରତ୍ୟେକ ଜନସଂଖ୍ୟାର ଏକ ଚତୁର୍ଥାଂଶ ସହିତ, ଏହି ରାଜ୍ୟ ଗୁଡ଼ିକରେ କରୋନା ମାମଲା ମାତ୍ର ୧୭% ଏବଂ ୧୬% ରହିଥିବା ଦେଖାଦେଇଛି । ଅନ୍ୟପଟେ ମଧ୍ୟପ୍ରଦେଶ ଏବଂ ଛତିଶଗଡର ରାଜ୍ୟକୁ ନେଇ ଗଠିତ କେନ୍ଦ୍ରୀୟ ଜୋନରେ ପ୍ରତି ମିଲିୟନରେ ସର୍ବନିମ୍ନ ମାମଲା ଦେଖିବାକୁ ମିଳିଛି । ପଶ୍ଚିମ ଜୋନରେ ମହାରାଷ୍ଟ୍ରରରେ ଚାରି-ପଞ୍ଚମାଂଶ (୮୨%) ରୁ ଅଧିକ ମାମଲା ରହିଛି ।
ଯଦି ଆମେ ରିକଭରୀ ରେଟ କଥା କହିବା ତେବେ କେନ୍ଦ୍ରୀୟ ଜୋନରେ ସର୍ବନିମ୍ନ ୬୩% ରିକଭରୀ ରେଟ ରହିଛି । ସେହିପରି ଛତିଶଗଡରେ ଅଧାରୁ ଅଧିକ ସକ୍ରିୟ ମାମଲା ଅଛି । ଦକ୍ଷିଣ ଏବଂ ପୂର୍ବ ଜୋନରେ ୮୩% ସହିତ ସବୁଠାରୁ ଭଲ ରିକଭରୀ ହାର ରହିଛି । ଅନ୍ୟ ପ୍ରମୁଖ ରାଜ୍ୟ ତୁଳନାରେ ବିହାରରେ (ପୂର୍ବ ଜୋନ୍) ୯୧.୨% ସହିତ ସବୁଠାରୁ ଅଧିକ ରିକଭରୀ ରେଟ ରହିଛି । ଏହାପଛରେ ୮୯.୪% ସହିତ ରହିଛି ତାମିଲନାଡୁ ( ଦକ୍ଷିଣ ଜୋନ୍) ଏବଂ ପଶ୍ଚିମବଙ୍ଗରେ ରିକଭରୀ ରେଟ ରହିଛି ୮୬.୭% (ପୂର୍ବ ଜୋନ୍) ।
ପଶ୍ଚିମ ଜୋନରେ ରହିଛି ସବୁଠାରୁ ଅଧିକ ପଜିଟିଭ ରେଟ୍
ଦକ୍ଷିଣ ଭାରତୀୟ ରାଜ୍ୟଗୁଡିକ ସାମୂହିକ ଭାବରେ ସେମାନଙ୍କ ଜନସଂଖ୍ୟା ଅନୁପାତରେ ସର୍ବାଧିକ କରୋନା ଟେଷ୍ଟିଂ କରିଛନ୍ତି | ମୋଟ ଉପରେ, ସାଉଥ୍ ଜୋନ୍ ୧ ମିଲିୟନ୍ ଜନସଂଖ୍ୟାରେ ୭୨,୬୯୨ଟି ନମୁନା ପରୀକ୍ଷା କରିଛି ଏବଂ ତା’ପରେ ଉତ୍ତର ଜୋନ ୪୫,୬୧୯, ପୂର୍ବ ଜୋନ ୪୫,୦୯୦ ଏବଂ ପଶ୍ଚିମ ଜୋନ ୪୪,୬୬୫ଟି ନମୁନା ପରୀକ୍ଷା କରିଛି । ମଧ୍ୟପ୍ରଦେଶ (୨୧,୧୦୦) ଏବଂ ଛତିଶଗଡ଼ (୨୯,୫୦୦) ରେ ଜନସଂଖ୍ୟା ତୁଳନାରେ ସବୁଠୁ କମ ନମୁନା ପରୀକ୍ଷା କରାଯାଇଛି । ସେହିପରି, ସେଣ୍ଟ୍ରାଲ୍ ଜୋନ ଏହି ଗଣନାରେ ସବୁଠାରୁ ଖରାପ ପ୍ରଦର୍ଶନ କରିଛି ।
୨୦.୪% ସହିତ ମହାରାଷ୍ଟ୍ରରେ ଦେଶର ସବୁଠାରୁ ଅଧିକ ପଜିଟିଭ ମାମଲାର ରହିଛି । ଏହାର ଅର୍ଥ ହେଉଛି ସାମଗ୍ରିକ ଭାବରେ, ରାଜ୍ୟରେ ପରୀକ୍ଷିତ ପ୍ରତି ପାଞ୍ଚ ଜଣଙ୍କ ମଧ୍ୟରୁ ଜଣେ କୋଭିଡ -୧୬ ପଜିଟିଭ ଅଟେ । ଏହା ଏକ ଅତ୍ୟନ୍ତ ଉଗବେଗଜନକ ସଂଖ୍ୟା ଏବଂ ଜାତୀୟ ପଜିଟିଭିଟି ହାରଠାରୁ ଦୁଇଗୁଣ ଅଧିକ ।
ଏହା ଆଶ୍ଚର୍ଯ୍ୟଜନକ ନୁହେଁ ଯେ ସମସ୍ତ ପାଞ୍ଚଟି ଜୋନ ମଧ୍ୟରୁ ପଶ୍ଚିମ ଜୋନର ପଜିଟିଭିଟି ହାର ସର୍ବାଧିକ ୧୧.୪୧% ରହିଛି, ଯଦିଓ ରାଜସ୍ଥାନ ( ୩.୯%) ଏବଂ ଗୁଜୁରାଟ (୩.୩%) ଦେଶର ସର୍ବନିମ୍ନ ସକରାତ୍ମକ ହାର ମଧ୍ୟରେ ରହିଛି । ଗୋଆରେ ମଧ୍ୟ ହାଇ ପଜିଟିଭିଟି ରେଟ ୧୧.୪% ରହିଛି ଯାହା ଜୋନର ହାରାହାରି ପଜିଟିଭ ରେଟ ସହିତ ସମାନ ।
ଏହି ପାରାମିଟରରେ ଆନ୍ଧ୍ରପ୍ରଦେଶ (୧୨.୩%) ଏବଂ କର୍ଣ୍ଣାଟକ (୧୨.୨%) ସହିତ ସାଉଥ୍ ଜୋନରେ ୯.୭୧% ହାଇ ପଜିଟିଭିଟି ରେଟ ରହିଛି । ଉତ୍ତର ଏବଂ ପୂର୍ବ ଜୋନରେ ଏହି ଭାଇରସର ସଂକ୍ରମଣ କମ୍ ଥିବା ଦେଖାଦେଇଛି । ମିଜୋରାମ (୨.୮%), ବିହାର ଏବଂ ଅରୁଣାଚଳ ପ୍ରଦେଶ (୩.୧%) ଏବଂ ମେଘାଳୟ (୩.୫%) ପୂର୍ବ ଜୋନର ସର୍ବନିମ୍ନ ପ୍ରଭାବିତ ରାଜ୍ୟ ହୋଇଥିବାବେଳେ ଉତ୍ତରପ୍ରଦେଶ (୪.୨%) ଉତ୍ତର ଜୋନ୍ ପାଇଁ ସାମଗ୍ରିକ ପଜିଟିଭିଟି ରେଟକୁ କମ୍ ରଖିଛି ।
ପଶ୍ଟିମ ଜୋନରେ ସର୍ବାଧିକ ମୃତ୍ୟୁ ହାର ଥିବାବେଳେ ପୂର୍ବରେ ସର୍ବନିମ୍ନ
ପଶ୍ଚିମ ଜୋନରେ ଦେଶରେ ସର୍ବାଧିକ Covid-19 ମୃତ୍ୟୁ ରେକର୍ଡ କରାଯାଇଛି ଏବଂ ଏହା ମୋଟ ମୃତ୍ୟୁହାରର ପ୍ରାୟ ୪୩% ଅଟେ । ମହାରାଷ୍ଟ୍ରରେ ୩୦,୮୮୩ଟି କୋଭିଡ ୧୯ ମୃତ୍ୟୁ ମାମଲା ରେକର୍ଡ କରାଯାଇଛି ।
ଏହି ତାଲିକାରେ ତାମିଲନାଡୁ (୮,୫୫୯), କର୍ଣ୍ଣାଟକ (୭,୫୩୬) ଏବଂ ଆନ୍ଧ୍ରପ୍ରଦେଶ (୫,୧୦୫) ରହିଛନ୍ତି । ଏହି ରାଜ୍ୟ ଗୁଡ଼ିକ ଦକ୍ଷିଣ ଜୋନର ମୃତ୍ୟୁ ସଂଖ୍ୟା ବଢ଼ାଇବାରେ ପ୍ରମୁଖ ଭୂମିକା ଗ୍ରହଣ କରିଛନ୍ତି । ମୋଟ ଉପରେ ଦକ୍ଷିଣ ଭାରତରେ କରୋନା ମୃତ୍ୟୁ ହାର ଦେଶରେ ମୋଟ କରୋନା ମୃତ୍ୟୁର ପ୍ରାୟ ୨୮% ପ୍ରତିଶତ ଅଟେ ।
ମହାମାରୀ ସମୟରେ ଲୋକଙ୍କ ଜୀବନ ବଞ୍ଚାଇ ପୂର୍ବ ଜୋନ ଏକ ଅଦ୍ଭୁତପୂର୍ବ କାର୍ଯ୍ୟ କରିଛି । ପୂର୍ବ ଜୋନରେ ପ୍ରତି ମିଲିୟନ୍ ଜନସଂଖ୍ୟାରେ ମାତ୍ର ୨୦ ଜଣଙ୍କର ମୃତ୍ୟୁ ହୋଇଛି । ପ୍ରମୁଖ ରାଜ୍ୟଗୁଡିକ ମଧ୍ୟରେ ବିହାରରେ ଏକ ମିଲିୟନ ଲୋକଙ୍କ ତୁଳନାରେ ମାତ୍ର ୭ ଜଣଙ୍କର ମୃତ୍ୟୁ ହୋଇଛି ।
ସେଣ୍ଟ୍ରାଲ୍ ଜୋନରେ ପ୍ରତି ମିଲିୟନରେ ୨୨ ଜଣଙ୍କର ମୃତ୍ୟୁ ରେକର୍ଡ କରାଯାଇଛି ଏବଂ ଏହା ପରେ ଉତ୍ତର (୪୪) ଏବଂ ଦକ୍ଷିଣ (୮୬) ରହିଛି । ପଶ୍ଚିମ ଜୋନରେ ପ୍ରତି ମିଲିୟନ ଜନସଂଖ୍ୟାରେ ୧୩୨ ଜଣଙ୍କ ମୃତ୍ୟୁ ଘଟିଛି । ମହାରାଷ୍ଟ୍ର ହେଉଛି ସବୁଠାରୁ ଅଧିକ ପ୍ରଭାବିତ ପ୍ରମୁଖ ରାଜ୍ୟ ଯେଉଁଠି ୧ ମିଲିୟନ ଜନସଂଖ୍ୟାରେ ୨୫୬ ଜଣ ଆକ୍ରାନ୍ତଙ୍କ ମୃତ୍ୟୁ ଘଟିଛି । ମୃତ୍ୟୁ ହାର ଦୃଷ୍ଟିରୁ, ଇଷ୍ଟ ଜୋନ୍ ହେଉଛି ଏକମାତ୍ର ଜୋନ୍ ଯେଉଁଥିରେ ମୃତ୍ୟୁ ହାର ୧% ରୁ ମଧ୍ୟ କମ୍ ରହିଛି । ମିଜୋରାମ, ନାଗାଲାଣ୍ଡ, ଅରୁଣାଚଳ ପ୍ରଦେଶ, ଆସାମ, ଓଡିଶା, ବିହାର, ମଣିପୁର, ମେଘାଳୟ, ସିକ୍କିମ ଏବଂ ଝାଡଖଣ୍ଡର ମୃତ୍ୟୁ ହାର ୧% ରୁ କମ ରହିଛି । ପଶ୍ଚିମ ଜୋନରେ ମହାରାଷ୍ଟ୍ର ଏବଂ ଗୁଜୁରାଟରେ ସର୍ବାଧିକ ମୃତ୍ୟୁ ହାର ୨.୬ % ରହିଛି ।
