ଭ୍ୟାକ୍ସିନ୍ ରେସ୍ରେ ବାଜିମାରିପାରେ ଚୀନର ଟିକା: ଜାଣନ୍ତୁ ୩ ବଡ଼ କାରଣ
1 min read
ବେଜିଂ: କରୋନା ଭାଇରସ୍ ଯୋଗୁଁ ଶକ୍ତିଶାଳୀ ପଶ୍ଚିମ ଦେଶଗୁଡ଼ିକର ଦୁର୍ବଳତା ପଦା ପଡ଼ିଛି । ମହାମାରୀ ଯୋଗୁଁ ସ୍ଥିତି ଖରାପ ହୋଇଯାଇଛି । ଏଭଳି ପରିସ୍ଥିତିରେ ମହାମାରୀରୁ ମୁକ୍ତି ପାଇବା ଲାଗି ଅକ୍ସଫୋର୍ଡ-ଆଷ୍ଟ୍ରାଜେନିକା ଭ୍ୟାକ୍ସିନ୍ ଭରସାରେ ରହିଛନ୍ତି । କିନ୍ତୁ ଏହି ଭ୍ୟାକ୍ସିନ୍ର ପାର୍ଶ୍ୱପ୍ରତିକ୍ରିୟା ଯୋଗୁଁ ଏହାକୁ ଟ୍ରାଏଲକୁ ସାମୟିକଭାବେ ସ୍ଥଗିତ ରଖାଯାଇଥିଲା । ।ଏବଂ ପରେ ପୁଣି ଟ୍ରାଏଲ ଜାରି ରଖିବାକୁ ଅନୁମତି ମିଳିଛି । ଅପରପକ୍ଷରେ ଚୀନ କେବଳ ଭ୍ୟାକ୍ସିନ୍ ପ୍ରସ୍ତୁତ କରିବାରେ ଦିଗରେ ଆଗକୁ ବଢ଼ୁଥିବା ଦେଖିବାକୁ ମିଳିଛି । ବହୁ ରିପୋର୍ଟରେ ଦାବି କରାଯାଇଛି ଯେ, ଚୀନର କରୋନା ଭ୍ୟାକ୍ସିନ୍ ସର୍ବପ୍ରଥମେ ବଜାରକୁ ଆସିବ ।
ବ୍ରିଟିଶ ଟେଲିଗ୍ରାଫରେ ପ୍ରକାଶିତ ରିପୋର୍ଟ ମୁତାବକ ପ୍ରଥମଥର ଅନ୍ୟ ଦେଶର ବୈଜ୍ଞାନିକ ଏବେ ଏହି ଥିଓରୀକୁ ଗୁରୁତରର ସହ ବିଚାର କରୁଛନ୍ତି । ପ୍ରଥମ ସଫଳ ଭ୍ୟାକ୍ସିନ୍ ଚୀନର ହିଁ ହୋଇପାରିବ । ବହୁ ଦେଶର ରଜନୈତିକ ବିଶେଷଜ୍ଞ ଆକଳନ କରୁଛନ୍ତି ଯେ, ଚୀନ ଯଦି ପ୍ରଥମେ ଭ୍ୟାକ୍ସିନ୍ ପ୍ରସ୍ତୁତ କରେ ତେବେ ବିଶ୍ୱ ରାଜନୀତିରେ କିଭଳି ପରିବର୍ତ୍ତନ ଆସିବ ।
ଏହି ୩ଟି କାରଣରୁ ବାଜି ମାରିପାରିରେ ଚୀନ ଭ୍ୟାକ୍ସିନ୍
୧. ସାରା ବିଶ୍ୱରେ ଭ୍ୟାକ୍ସିନର ଚାଲିଥିବା ତୃତୀୟ ପର୍ଯ୍ୟାୟ ପରୀକ୍ଷଣ ତାଲିକାରେ ଅଧିକ ସଂଖ୍ୟରେ ଚୀନ ଭ୍ୟାକ୍ସିନ୍ ରହିଛି । ଏଯାବତ୍ ମୋଟ ୯ କରୋନା ଭ୍ୟାକ୍ସିନ୍ ତୃତୀୟ ପର୍ଯ୍ୟାୟ ଟ୍ରାଏଲରେ ପହଞ୍ଚିପାରିଛି ।
୨. ଚୀନ ଭ୍ୟାକ୍ସିନ୍ ପ୍ରସ୍ତୁତ କରିବା ନେଇ ପୁରୁଣା ଏବଂ ନିର୍ଭରଯୋଗ୍ୟ ପ୍ରଣାଳୀକୁ ବ୍ୟବହାର କରୁଛି ।
୩. ଚୀନ ଅନ୍ୟ ଦେଶମାନଙ୍କ ପୂର୍ବରୁ ତୃତୀୟ ପର୍ଯ୍ୟାୟ ଟ୍ରାଏଲ ଆରମ୍ଭ କରିଦେଇଛି ।
