ସୁଶାନ୍ତ ସିଂହ ମାମଲାରେ ଏଫ୍ଆଇଆର ରୁଜୁ କଲା ସିବିଆଇ: ରିୟା ଓ ତାଙ୍କ ଭାଇ ନାଁ ସାମିଲ
ମୁମ୍ୱାଇ: ସୁଶାନ୍ତ ସିଂହ ମୃତ୍ୟୁ ମାମଲା ହସ୍ତାନ୍ତର ହେବାର ଦିନକ ପରେ ସିବିଆଇର କାର୍ଯ୍ୟାନୁଷ୍ଠାନ । ୬ ଜଣଙ୍କ ସମେତ ଅନ୍ୟ କିଛି ଜଣଙ୍କ ନାଁରେ ଏଫ୍ଆଇଆର ରୁଜୁ କଲା ସିବିଆଇ । ରିୟା ଚକ୍ରବର୍ତ୍ତୀ, ଇନ୍ଦ୍ରଜିତ ଚକ୍ରବର୍ତ୍ତୀ, ସନ୍ଧ୍ୟା ଚକ୍ରବର୍ତ୍ତୀ, ସୌଭିକ ଚକ୍ରବର୍ତ୍ତୀ, ସାମୁଏଲ ମିରାଣ୍ଡା, ଶ୍ରୁତି ମୋଦିଙ୍କ ସମେତ ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ମାମଲାରେ ସମ୍ପୃକ୍ତ ଅନ୍ୟ କିଛି ଜଣଙ୍କ ନାଁରେ ଏଫ୍ଆଇଆର ରୁଜୁ ହୋଇଛି । ସିବିଆଇ ପକ୍ଷରୁ ଆଇପିସିର ଧାରା ୩୦୬, ୩୪୧, ୩୪୨, ୪୨୦, ୪୦୬ ଏବଂ ୫୦୬ ଅନୁଯାୟୀ ଏଫ୍ଆଇଆର ଦାୟର କରାଯାଇଛି ।
ଅଭିନେତ୍ରୀ ରିୟାଙ୍କ ନାଁରେ ଅପରାଧିକ ଷଡ଼ଯନ୍ତ୍ର, ସୁଶାନ୍ତଙ୍କୁ ଆତ୍ମହତ୍ୟା ପାଇଁ ଉସକାଇବାର ଅଭିଯୋଗ ମଧ୍ୟ ରହିଛି । ସୁଶାନ୍ତଙ୍କ ପିତା କେ.କେ ସିଂହ ପାଟଣାରେ ଏକ ଏଫ୍ଆଇଆର ଦାୟର କରିଥିଲେ ଯେଉଁଥିରେ ସେ ଏହି ସବୁ ଅଭିଯୋଗ କରିଥିଲେ । ବିହାର ସରକାରଙ୍କ ସୁପାରିସ୍ ପରେ ବୁଧବାର ସୁଶାନ୍ତଙ୍କ ମାମଲାରେ ସିବିଆଇ ଯାଞ୍ଚ ପାଇଁ କେନ୍ଦ୍ର ସରକାରଙ୍କ ପକ୍ଷରୁ ମଞ୍ଜୁରୀ ଦିଆଯାଇଥିଲା । ଆଉ ଏହାପରେ ତଦନ୍ତ ଚଳାଇଛି ସିବିଆଇ ।
