ଶୀଘ୍ର ଭ୍ୟାକ୍ସିନ୍ ନିର୍ମାଣ ପାଇଁ ବ୍ୟଗ୍ର ଚୀନ: ଶୀର୍ଷ ଅଧିକାରୀଙ୍କୁ ଲଗାଇଲା ଇଞ୍ଜେକସନ୍
ବେଜିଂ: ସର୍ବପ୍ରଥମେ କରୋନା ଭ୍ୟାକ୍ସିନ୍ ପ୍ରସ୍ତୁତ କରିବାକୁ ବହୁ ଦେଶ ଲାଗିପଡ଼ିଛନ୍ତି । ଆମେରିକା ବ୍ରିଟେନ୍ ଏବଂ ଚୀନ ଭ୍ୟାକ୍ସନର ତୃତୀୟ ପର୍ଯ୍ୟାୟ ଟ୍ରାଏଲ ଜାରିରହିଛି । ଏହାରି ଭିତରେ ଚୀନରୁ ଏକ ବଡ଼ ଖବର ସାମ୍ନାକୁ ଆସିଛି । ଚୀନ ନିଜ ଦେଶର ସେଣ୍ଟର ଫର୍ ଡିଜିଜ୍ କଣ୍ଟ୍ରୋଲ(ସିଡିସି)ର ଶୀର୍ଷ ଅଧିକାରୀଙ୍କୁ କରୋନା ଭାଇରସର ଇଞ୍ଜେକସନ୍ ଦେଇଛି ।
ଜାତୀୟ ଗଣମାଧ୍ୟମର ସୂଚନା ମୁତାବକ ଚୀନ ସିସିଡିର ପ୍ରମୁଖ ଗାଓ ଫୁ୍ ଖୋଦ୍ ନିଜେ ଘୋଷଣା କରିଛନ୍ତି ଯେ, ସେ କରୋନାର ଏକ ଭ୍ୟାକ୍ସିନ୍ ଇଞ୍ଜେକସନ୍ ନେଇଛନ୍ତି । ସୂଚନା ଯୋଗ୍ୟ ଯେ, କେହି ବି ତୃତୀୟ ପର୍ଯ୍ୟାୟ ଟ୍ରାଏଲ୍ ପୂର୍ବରୁ ଜୋର ଦେଇ କହିପାରିବେନି ଯେ, ଭ୍ୟାକ୍ସିନ୍ ସମ୍ପୂର୍ଣ୍ଣ ସୁରକ୍ଷିତ । କିଛି ଏକ୍ସପର୍ଟଙ୍କ କହିବା ହେଲା ଯେ, ଟ୍ରାଏଲରେ ସାମିଲ ଲୋକଙ୍କ ପାଇଁ ଭ୍ୟାକ୍ସିନ ଅସୁରକ୍ଷିତ ସାବ୍ୟସ୍ତ ହୋଇପାରେ ।
ଅଧିକାଂଶ ଦେଶରେ ଇଚ୍ଛା ପ୍ରକାଶ କରୁଥିବା ବ୍ୟକ୍ତିଙ୍କ ଭ୍ୟାକ୍ସନ୍ ଦିଆଯାଇଥାଏ । କିନ୍ତୁ ଏକ ରିପୋର୍ଟ ଦାବି କରାଯାଇଛି ଯେ, ଚୀନରେ କିଛି ସରକାରୀ କମ୍ପାନୀର କର୍ମଚାରୀଙ୍କୁ ଅନିଚ୍ଛା ସତ୍ତ୍ୱେ ଭ୍ୟାକ୍ସିନ୍ ଦିଆଯାଇଛି । ସିଡିସି ପ୍ରମୁଖ ମଧ୍ୟ ନିଜେ ଭ୍ୟାକ୍ସିନ୍ ନେଇଛନ୍ତି, କାହିଁକି ଏହା ଦ୍ୱାରା ଭ୍ୟାକ୍ସିନ୍ ପ୍ରତି ଲୋଙ୍କ ଆସ୍ଥା ବଢ଼ିବ । ଏବଂ ଲୋକେ ଏହାକୁ ଗ୍ରହଣ କରିବାକୁ ଇଚ୍ଛା ପ୍ରକାଶ କରିବେ ।
ଆମେରିକା ଏବଂ ବ୍ରିଟେନର କିଛି ଲୋକ ଭ୍ୟାକ୍ସିନକୁ ବିରୋଧ କରୁଛନ୍ତି । ଆମେରିକାର କରୋନା ବିଶେଷଜ୍ଞ ଏନଥନୀ ଫାଉସି କହିଛନ୍ତି ଯେ, ଇମ୍ୟୁନିଟି ହାସଲ କରିବାରେ ଅସୁବିଧା ହେଉଛି । ଅନ୍ୟପକ୍ଷରେ ଚୀନ ସିଡିସି ପ୍ରମୁଖ ଗାଓ ଫୁ ଭ୍ୟାକ୍ସିନ୍ ଲଗାଇବା ନେଇ ସୂଚନା ଦେଇ କହିଛନ୍ତି ଯେ, ଭ୍ୟାକ୍ସିନ୍ ଫଳପ୍ରଦ ହେବା ନେଇ ସେ ଆଶାବାଦୀ ।
ତେବେ ଗାଓ ଫୁ କେବେ ଓ କେଉଁଠି ଭ୍ୟାକ୍ସିନ୍ ନେଇଛନ୍ତି ସେ ସମ୍ପର୍କରେ କିନ୍ତୁ କିଛି ସୂଚନା ଦେଇନାହାନ୍ତି । ସାରା ବିଶ୍ୱରେ ପାଖାପାଖି ୨୪ କରୋନା ଭ୍ୟାକ୍ସିନ୍ ଉପରେ କାମ ଚାଲିଛି । ଏବଂ ଏଥିମଧ୍ୟରୁ ୮ଟି ଚୀନ ପ୍ରସ୍ତୁତ କରୁଛି ।
