ବିଜେଡିର ବିଜେପିକୁ କଟାକ୍ଷ : କୋଭିଡ୍ ପରିଚାଳନା ନେଇ ଯଦି ଏତେ ଦକ୍ଷ ତେବେ ନିଜ କେନ୍ଦ୍ରଶାସିତ ଦଳକୁ ପରାମର୍ଶ ଦିଅ….

କରୋନା ବେଳେ ରାଜ୍ୟ ସରକାରଙ୍କ ଉଦ୍ୟମକୁ ଦେଶବିଦେଶରେ ସାବାସି ମିଳୁଥିବା ବେଳେ ରାଜ୍ୟ ବିଜେପି ହୀନ ରାଜନୀତି ଚଳାଇଛି ବୋଲି ବିଜେଡି କହିଛି । ଏ ନେଇ ବିଜ୍ଞପ୍ତି ପ୍ରକାଶ କରିଛନ୍ତି ଦଳୀୟ ମୁଖ୍ୟପାତ୍ର ଲେନିନ ମହାନ୍ତି । ସେ କହିଛନ୍ତି ଯେ କରୋନାରେ  କୋଭିଡ୍ ସମ୍ୱନ୍ଧୀତ ତଥ୍ୟ ପ୍ରକାଶ କରିବାରେ ସାରା ଦେଶରେ ଓଡିଶା ଆଗ୍ରୀଣ ୩ଟି ରାଜ୍ୟ ମଧ୍ୟରେ ଆସେ ।ବିଜେପି ମିଛ ଖବର ପ୍ରକାଶ କରିବା ଭଳି ଯେଉଁ ପଦ୍ଧତି ଆପଣାଇଛି ତାହାକୁ ପରିବର୍ତ୍ତନ କରୁ । ତେବେ ଓଡିଶାବାସୀ ବିଜେପିକୁ ପ୍ରତ୍ୟାଖ୍ୟାନ କରିବାର କାରଣ ମଧ୍ୟ ଏହା । ଷ୍ଟାନଫୋର୍ଡ ବିଶ୍ୱବିଦ୍ୟାଳୟ ସମେତ ଅନ୍ୟ ଆନ୍ତର୍ଜାତିକ ବିଶ୍ୱବିଦ୍ୟାଳୟ ରାଜ୍ୟର କରୋନା ମୁକାବିଲାକୁ ପଦକ୍ଷେପ ପ୍ରଶଂସା କରିବା ହେତୁ  ରାଜ୍ୟ ସରକାର ଅଦିକ ସକ୍ରିୟ ଭାବେ କାର୍ଯ୍ୟ କରୁଛି । ମାତ୍ର ଏଭଳି ସ୍ଥିତି ରାଜ୍ୟ ବିଜେପି ନିଜ ହୀନ ରାଜନୀତିରେ ବ୍ୟସ୍ତ ରହିଛି ।

ଅନ୍ୟପକ୍ଷରେ କୋଭିଡ୍ ପରିଚାଳନା ନେଇ ବିଜେପି ରାଜ୍ୟ ସରକାରଙ୍କ ବିଭିନ୍ନ ପ୍ରସଙ୍ଗରେ ଘେରୁଛି ।ବିଜେଡି ଏ ପ୍ରସଙ୍ଗରେ ମତ ପ୍ରକାଶ କରି କହିଛି ଯେ, ପ୍ରତି ତିନି ଦିନରେ ଦେଶରେ ୧ଲକ୍ଷ କରୋନା ସଂକ୍ରମିତ ଚିହ୍ନଟ ହେଉଛନ୍ତି । ଦେଶର ସ୍ଥିତି ଏବେ ସଙ୍ଗିନ ରହିଛି । ଏଣୁ ବାସ୍ତବରେ ଯଦି ରାଜ୍ୟ ବିଜେପିର କରୋନା ମୁକାବିଲାରେ ଦକ୍ଷତା ଓ ଅଭିଜ୍ଞତା ରହିଛି ତେବେ ସେମାନେ କେନ୍ଦ୍ର ବିଜେପିକୁ ପରାମର୍ଶ ଦିଅନ୍ତୁ । କେନ୍ଦ୍ରରେ ମଧ୍ୟ ତାଙ୍କ ଦଳ ଶାସନରେ ରହିଛି । ନିଜ ଭଲ ଭାବେ ପରିଚାଳନା କରି ଆଦର୍ଶ ହୁଅନ୍ତୁ । ସେହିଭଳି କରୋନା ବେଳେ ହୀନ ରାଜନୀତି ନକରି କୋଭିଡ୍ ଯୋଦ୍ଧାଙ୍କୁ ହତୋତ୍ସାହିତ ନକରି ମୁକାବିଲା ଦିଗରେ ସହାୟକ ହୁଅନ୍ତୁ ବୋଲି ଲେନିନ ମହାନ୍ତି କହିଛନ୍ତି ।