IAS ସ୍ତରରେ ଅଦଳବଦଳ: ରାଜକୁମାର ଶର୍ମା ହେଲେ କୃଷି ଉତ୍ପାଦନ କମିଶନର, ଅନୁ ଗର୍ଗ ଜଳ ସମ୍ପଦ ସଚିବ
ଭୁବନେଶ୍ୱର: ଆଇଏଏସ୍ ସ୍ତରରେ ଅଦଳବଦଳ କରିଛନ୍ତି ରାଜ୍ୟ ସରକାର । ୧୯୮୭ ବ୍ୟାଚ୍ ଆଇଏଏସ୍ ରାଜକୁମାର ଶର୍ମାଙ୍କୁ କୃଷି ଉତ୍ପାଦନ କମିଶନର ଭାବେ ଦାୟିତ୍ୱ ଦିଆଯାଇଛି । ଶର୍ମା ପ୍ରଥମେ ଇସ୍ପାତ ଓ ଖଣି ବିଭାଗର ମୁଖ୍ୟ ସଚିବ ଥିଲେ । ୧୯୯୧ ବ୍ୟାଚ୍ ଆଇଏଏସ୍ ଅନୁ ଗର୍ଗ ଜଳସଂପଦ ବିଭାଗ ପ୍ରମୁଖ ସଚିବ ଭାବେ ଦାୟିତ୍ୱ ଗ୍ରହଣ କରିବେ । ଅନୁ ଗର୍ଗ ପ୍ରଥମେ ଶ୍ରମ ଓ ଇଏସ୍ଆଇ ବିଭାଗର ପ୍ରମୂଖ ସଚିବ ଥିଲେ ।ଏଥିସହ ସେ ମହିଳା ଓ ଶିଶୁ ବିକାଶ ଏବଂ ମିଶନ ଶକ୍ତିର ଅତିରିକ୍ତ ଦାୟିତ୍ୱରେ ରହିବେ । ସେହିପରି ୧୯୯୧ ବ୍ୟାଚ୍ ଆଇଏଏସ୍ ସତ୍ୟବ୍ରତ ସାହୁ ଏମଏସଏମଇ ସହ ସ୍କୁଲ ଓ ଗଣଶିକ୍ଷା ବିଭାଗର ପ୍ରମୁଖ ସଚିବ ଅତିରିକ୍ତ ଦାୟିତ୍ୱ ତୁଲାଇବେ ପୂର୍ବରୁ ସେ ଏମ୍ଏସ୍ଏମ୍ଇର ପ୍ରମୂଖ ସଚିବ ରହିଛନ୍ତି ।
୧୯୯୩ ବ୍ୟାଚ୍ ଆଇଏଏସ୍ ସୁରେନ୍ଦ୍ର କୁମାର ଷ୍ଟିଲ୍ ଓ ମାଇନ୍ସ ପ୍ରମୁଖ ସଚିବ ସହ ସିଡିଏର ଅଧ୍ୟକ୍ଷ ଭାବେ ଅତିରିକ୍ତ ଦାୟିତ୍ୱ ତୁଲାଇବେ । ସେ ପୂର୍ବରୁ ଜଳସମ୍ପଦ ବିଭାଗର ପ୍ରମୂଖ ସଚିବ ଥିଲେ । ୧୯୯୫ ବ୍ୟାଚ୍ ଆଇଏଏସ୍ ଚିତ୍ରା ଅରୁମୁଗମ୍ ଶ୍ରମ ଓ ଇଏସଆଇର ପ୍ରମୁଖ ସଚିବ ହୋଇଛନ୍ତି ।
