କରୋନାକୁ ମାତ୍ ଦେବାକୁ ରାଉରକେଲା ମହାନଗର ନିଗମର ପ୍ରୟାସ
1 min read
ରାଉରକେଲା: ଚିନ୍ତା ବଢାଉଛି କରୋନା ମହାମାରୀ । କରୋନାର ଟେଷ୍ଟିଂ ଯେତେ ବଢୁଛି ସେତେ ସଂକ୍ରମିତଙ୍କ ସଂଖ୍ୟା ସେତେ ବଢିବାର ଲାଗିଛି । କରୋନା ସଂକ୍ରମିତଙ୍କ ଏଭଳି ବୃଦ୍ଧିକୁ ନେଇ ଚିନ୍ତାରେ ପ୍ରଶାସନ । ତେଣୁ ବିଭିନ୍ନ ସହରର କରୋନାକୁ ନିୟନ୍ତ୍ରଣକୁ ଆଣିବାକୁ ବିଭିନ୍ନ ପ୍ରକାର ପ୍ରୟାସ ଜାରି ରହିଛି । ଭୁବନେଶ୍ୱର କଟକ ପରେ ତତ୍ପର ହୋଇଛି ରାଉରକେଲା ମହାନଗର ନିଗମ । ସହରରେ ଜାରି ରଥିବା ୧୪ ଦିନିଆ ଲକଡାଉନ ମଧ୍ୟ ଲୋକଙ୍କ ସୁରକ୍ଷାର ଚିନ୍ତା କରିଛି ପ୍ରସାଶନ ।
ସେପଟେ ସହରରେ କରୋନା ଟେଷ୍ଟ ଏବେ ଦୈନିକ ପାଖାପାଖି ୫୦୦ କରାଯାଉଥିବା ବେଳେ ଏହାକୁ ଦୈନିକ ୭୦୦ କରାଯିବା ପାଇଁ ଉଦ୍ୟମ ଆରମ୍ଭ ହୋଇଯାଇଛି । ଯେହେତୁ କରୋନାକୁ ମାତ ଦେବାକୁ ପ୍ଲାଜମା ଚିକିତ୍ସା ଏକ ରାମବାଣ ଭଳି କାର୍ଯ୍ୟ କରିଛି ତେଣୁ ଲୋକଙ୍କ ଆରୋଗ୍ୟ କାମନ କରି ଆସନ୍ତା ବୁଧବାରଠାରୁ IGHରେ ପ୍ଲାଜମା ବ୍ୟାଙ୍କ ଖୋଲିବା ସହ ପ୍ଲାଜମା ସଂଗ୍ରହ କରିବାର ଯୋଜନା ରହିଛି ।
କରୋନା ସଂକ୍ରମଣକୁ ପ୍ରତିହତ କରିବା ଲାଗି ରାଉରକେଲା ସହରରେ ହାଇଟେକ କୋଭିଡ ହସ୍ପିଟାଲରେ ୨ଶହ ଶଯ୍ୟାର ଵ୍ୟଵସ୍ଥା ରହିଥିବା ବେଳେ ରାଉରକେଲା ମହାନଗର ନିଗମ ପକ୍ଷରୁ ବିପିୟୁଟି ପରିସରରେ ୭୮୦ଶଯ୍ୟା ବିଶିଷ୍ଚ କୋଭିଡ କେୟାର ସେଣ୍ଟର ପ୍ରତିଷ୍ଠା କରାଯାଇଛି । ଏହି ସଂଖ୍ୟା ଵୃଦ୍ଧି କରାଯାଇ ୧୭୮୦ କରାଯିବ ବୋଲି ରାଉରକେଲା ମହାନଗର ନିଗମ କମିଶନର ସୂଚନା ଦେଇଛନ୍ତି।
