ଅପେକ୍ଷାର ଅନ୍ତ, ୩୧ ସୁଦ୍ଧା ମାଟ୍ରିକ୍ ଫଳାଫଳ
ଭୁବନେଶ୍ୱର: ଆଗାମୀ ୩୧ ତାରିଖ ସୁଦ୍ଧା ମାଟ୍ରିକ୍ ଫଳାଫଳ ପ୍ରକାଶ ପାଇବ । ଏନେଇ ବୋର୍ଡ ସଭାପତି ରାମାସିସ ହାଜରା ସୂଚନା ଦେଇଛନ୍ତି । ତେବେ ଆଗାମୀ ଦୁଇ ଦିନ ମଧ୍ୟରେ ରେଜଲ୍ଟ ପ୍ରକାଶନର ତାରିଖ ପ୍ରକାଶ ପାଇବ । ହେଲେ ୩୧ ତାରିଖ ସୁଦ୍ଧା ମାଟ୍ରିକ୍ ଫଳାଫଳ ପ୍ରକାଶ କରାଯିବ ବୋଲି ବୋର୍ଡ ସଭାପତି ସୂଚନା ଦେଇଛନ୍ତି ।
ବୋର୍ଡ ଓ୍ୱେବ୍ସାଇଟ୍ରେ ସମସ୍ତଙ୍କ ମାଟ୍ରିକ୍ ଫଳାଫଳ ପ୍ରକାଶ କରାଯିବ । ଛାତ୍ରଛାତ୍ରୀ ଘରେ ବସି ଓ୍ୱେବ୍ସାଇଟ୍ ମାଧ୍ୟମରେ ନିଜ ରେଜଲ୍ଟ ଦେଖିପାରିବେ ବୋଲି କହିଛନ୍ତି ବୋର୍ଡ ସଭାପତି । ଅନ୍ୟପଟେ ରେଜଲ୍ଟ ପ୍ରକାଶ ପାଇବା ନେଇ ସମସ୍ତ ପ୍ରସ୍ତୁତି ଶେଷ ହୋଇଛି । ଦୁଇ ଦିନ ମଧ୍ୟରେ ରେଜଲ୍ଟ ଡେ’ର ତାରିଖ ପ୍ରକାଶ କରାଯିବ ।
ତେବେ ଲକ୍ଡାଉନ୍ ଓ ସଟ୍ଡାଉନ୍ ମଧ୍ୟରେ ଗୋଟିଏ ପରେ ଗୋଟିଏ ରେଜଲ୍ଟ ପ୍ରକାଶ ପାଉଛି । ଏହା ପୂର୍ବରୁ ସିବିଏସ୍ଇ ଦଶମ ଓ ଦ୍ୱାଦଶ ଶ୍ରେଣୀ ପରୀକ୍ଷାର ଫଳାଫଳ ପ୍ରକାଶ ପାଇସାରିଛି । ଆଉ ସବୁ କ୍ଷେତ୍ରରେ ଛାତ୍ରୀମାନେ ଆଗରେ ରହିଛନ୍ତି । ସେହିଭଳି ମାଟ୍ରିକ୍ ପରୀକ୍ଷାରେ କିଏ ବାଜି ମାରୁଛି ତାହା ଦେଖିବାକୁ ବାକି ରହିଲା ।
