ବୈଜ୍ଞାନିକଙ୍କ ସୂଚନା: ଭିଟାମିନ୍-ସି ନୁହେଁ ବରଂ ଏହି ଭିଟାମିନ୍ ଦ୍ୱାରା କରୋନାକୁ ଦେଇ ହେବ ମାତ୍

ଯେଉଁଠି ବିଭିନ୍ନ ଦେଶରେ କରୋନା କାରଣରୁ ଅଧିକ ଲୋକ ସଂକ୍ରମିତ ଓ ମୃତ୍ୟୁ ବରଣ କରୁଛନ୍ତି ସେଇଠି କିଛି ଏମିତି ବି ଦେଶ ଅଛି ଯେଉଁଠି କରୋନା ଦୁର୍ବଳ ହୋଇଛି । ଏବଂ ଏହି ଦେଶମାନଙ୍କରେ କରୋନା ସଂକ୍ରମିତ ଓ ମୃତକଙ୍କ ସଂଖ୍ୟା ବହୁତ କମ ରହିଛି । ଏହି ଦେଶମାନଙ୍କରେ ‘ଭିଟାମିନ-ଡି’ କାରଣରୁ ହିଁ କରୋନା ନିୟନ୍ତ୍ରଣକୁ ଆସିଛି । ଫଳରେ ଏହି ଦେଶମାନଙ୍କରେ କରୋନା ବେଶୀ କିଛି ପ୍ରଭାବ ପକାଇ ପାରିନାହିଁ । ଯେଉଁ ଦେଶମାନଙ୍କରେ ଭିଟାମିନ-ଡି ଅଭାବ ରହିଛି ସେହି ଦେଶମାନଙ୍କରେ କରୋନା ତାର ଭୟାବହତା ଦେଖାଇଛି ।

ନାର୍ବେ, ଡେନମାର୍କ , ଫିନଲ୍ୟାଣ୍ଡ , ସ୍ୱୀଡନ ଏମିତି ଦେଶ ଯେଉଁଠାରେ ଭିଟାମିନ-ଡି ଲୋକଙ୍କ ରକ୍ଷା କବଚ ପାଲଟି ଥିଲା । ଏହି ଭିଟାମିନ ପାଇଁ କରୋନା ସଂକ୍ରମଣ ନିୟନ୍ତ୍ରଣରେ ରହିଲା ଏବଂ ବହୁତ କମ ଲୋକ ପ୍ରଭାବିତ ହେଲେ । ଏହି ଦେଶମାନଙ୍କରେ ଅଧିକ ମୃତ୍ୟୁ ମଧ୍ୟ ହୋଇନାହିଁ । କାରଣ ଏଠିକାର ଲୋକଙ୍କ ଶରୀରରେ ଭିଟାମିନ-ଡ଼ି ଅଧିକ ପରିମାଣରେ ରହିଛି ।

ଏହି ଘଟଣା ୟୁରୋପୀୟ ବୈଜ୍ଞାନିକଙ୍କ ଏଅନୁସନ୍ଧାନରୁ ଆସିଛି । ଏହି ଟିମର ବୈଜ୍ଞାନିକମାନଙ୍କ ଦାବି ଯେ, ୟୁରୋପୀୟ ସେହି ଦେଶ ଗୁଡ଼ିକ କରୋନା ଭାଇରସ ଦ୍ୱାରା ଅଧିକ ପ୍ରଭାବିତ ହୋଇଛନ୍ତି ଯେଉଁ ଦେଶର ଲୋକମାନଙ୍କ ଠାରେ ଭିଟାମିନ-ଡି’ର ପରିମାଣ କମ୍ ରହିଛି । ଭିଟାମିନ-ଡି’ର ଅଭାବ ଥିବା ଦେଶ ଗୁଡ଼ିକ ହେଉଛି ସ୍ପେନ, ଫ୍ରାନ୍ସ, ଇଟାଲୀ ଏବଂ ବ୍ରିଟେନ । ଅନ୍ୟପଟେ ଆମେରିକା ଭାରତ ଏବଂ ଚିନର ଲୋକଙ୍କ ମଧ୍ୟରେ ଭିଟାମିନ-ଡିର ଅଭାବ ରହିଛି । ଏହି କାରଣରୁ କରୋନା ଭାଇରସ୍ ଏହି ଦେଶର ଲୋକମାନେ ଅଧିକ ସଂକ୍ରମିତ ହୋଇଛନ୍ତି ।

ଏହାସହ ବୈଜ୍ଞାନିକମାନଙ୍କ ଅଧ୍ୟୟନରୁ ଏହା ସ୍ପଷ୍ଟ ହେଲା ଯେ, ଭିଟାମିନ-ଡି’ ଯେଉଁ ଲୋକଙ୍କ ଠାରେ ଅଧିକମାତ୍ରାରେ ଥାଏ ସେମାନଙ୍କୁ କରୋନା ଭାଇରସ ଅଧିକ ପ୍ରଭାବିତ କରିପାରେ ନାହିଁ ।

ବୈଜ୍ଞାନିକମାନେ ଜାଣିବାକୁ ପାଇଲେ ଯେ ଭାରତ, ଚୀନ୍ ଏବଂ ପୃଥିବୀର ଉତ୍ତର ଗୋଲାର୍ଦ୍ଧରେ ଥିବା ଅନ୍ୟାନ୍ୟ ଦେଶରେ ବର୍ଷର ପ୍ରାରମ୍ଭରେ ଥଣ୍ଡା ଅନୁଭୂତ ହୋଇଥାଏ ତେଣୁ ସଂକ୍ରଣ ବଢିବାର ଆଶଙ୍କା ଅଧିକ ରହିଥାଏ । ଶରୀରରେ ଭିଟାମିନ୍-ଡି ଅଭାବ ଶରୀର ଉପରେ ୨୦ ମିନିଟ୍ ସୂର୍ଯ୍ୟ କିରଣ ନ ପଡ଼ିବା କାରଣରୁ ହୋଇଥାଏ ।