ରାଜଧାନୀରେ କରୋନା ଆକ୍ରାନ୍ତଙ୍କ ସଂଖ୍ୟା ୧୩୪୩କୁ ବୃଦ୍ଧି, ୬୦୬ ଆକ୍ଟିଭ ମାମଲା
1 min read
ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ବିଢ଼ିବାରେ ଲାଗିଛି କରୋନା ସଂକ୍ରମଣ । ସଂକ୍ରମଣ ଭୟ ଭିତରେ ରାଜଧାନୀ ବାସିନ୍ଦା । ବୁଧବାରରେ ପୁଣି ୯୧ ଜଣ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ସୁସ୍ଥ ହୋଇଛନ୍ତି ୯୯ଜଣ କରୋନା ଆକ୍ରାନ୍ତ । ସମୁଦାୟ ୯୧ସଂକ୍ରମିତଙ୍କ ମଧ୍ୟରୁ ୭୨ ଜଣ କ୍ୱାରେଣ୍ଟାଇନ ସେଣ୍ଟରରୁ ଚିହ୍ନଟ ହୋଇଥିବା ବେଳେ ୧୯ ଜଣଙ୍କ ସ୍ଥାନୀୟ ବାସିନ୍ଦା ରହିଛନ୍ତି । ରାଜଧାନୀରେ ଏପର୍ଯ୍ୟନ୍ତ ମୋଟ ୧୩୪୩ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି ।
୧୯ ଜଣ ଲୋକାଲ କଣ୍ଟାକ୍ଟ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ IRC Villageର ଜଣେ ୬୮ବର୍ଷୀୟ ମହିଳା, ପାତ୍ରପଡ଼ା ଏମ୍ସ ନଗରରୁ ୪୮ବର୍ଷୀୟ ପୁରଷ, ସହିଦ ନଗରରୁ ୫୦ବର୍ଷୀୟ ପୁରଷ, ଲକ୍ଷ୍ମୀସାଗରରୁ ୪୮ବର୍ଷୀୟ ଓ ୫୮ ବର୍ଷୀୟ ପୁରୁଷ , ଜଗନ୍ନାଥ ନଗରରୁ ୭୦ବର୍ଷୀୟା ମହିଳା , ଶୈଳେଶ୍ରୀ ବିହାରରୁ ୬୪ ବର୍ଷୀୟ ପୁରୁଷ , ବରମୁଣ୍ଡାରୁ ୨୯ବର୍ଷୀୟା ମହିଳା , ଚନ୍ଦ୍ରଶେଖରପୁରରୁ ୩୦ ବର୍ଷୀୟ ପୁରୁଷ , ଖଣ୍ଡଗିରିରୁ ୧୭ବର୍ଷୀୟ ପୁରୁଷ , ୟୁନିଟ-୩ରୁ ୫୩ବର୍ଷୀୟ ପୁରୁଷ , ପୋଖରିପୁଟରୁ ୪୬ବର୍ଷୀୟ ପୁରୁଷ , କୋଳଥିଆରୁ ୫୪ ବର୍ଷୀୟା , ଘରୋଇ ହସ୍ପିଟାଲରୁ୨୬ବର୍ଷୀୟା ମହିଳା , ସରକାରି ହସ୍ପିଟାଲରୁ ୨୫ ବର୍ଷୀୟ ପୁରୁଷ, ଝାରପଡ଼ାରୁ ୨୬ବର୍ଷୀୟା ମହିଳା , ପୋଖରିପୁଟରୁ ୩୮ବର୍ଷୀୟ ପୁରୁଷ , ଡୁମଡୁମାରୁ ୫୦ବର୍ଷୀୟ ଓ ୩୫ବର୍ଷୀୟ ପୁରୁଷ ଚିହ୍ନଟ ହୋଇଛନ୍ତି ।
ସମୁଦାୟ ୧୩୪୩ଜଣ ସଂକ୍ରମିତଙ୍କ ମଧ୍ୟରୁ ୭୨୪ ଜଣ କରୋନା ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି । ଏହାସହ ରାଜଧାନୀରେ ୧୧ ଜଣଙ୍କର ମୃତ୍ୟୁ ହୋଇଛି । ଏବଂ ବର୍ତ୍ତମାନ ସୁଧା ୬୪୨ ଜଣ ରୋଗୀ ବିଭିନ୍ନ କୋଭିଡ଼ ହସ୍ପିଟାଲରେ ଚିକିତ୍ସିତ ହେଉଥିଲେ ।
