ମହିଳା ସଂକ୍ରମିତଙ୍କ ସହ ଦୁଷ୍କର୍ମ ! ଏବଂ ଦୁଷ୍କର୍ମକାରୀ କରୋନା ପଜିଟିଭ୍
ପନବେଲ: ମହାରାଷ୍ଟ୍ରର ପନବେଲରେ ଏକ ହୃଦୟ ବିଦାରକ ଦୃଶ୍ୟ ସାମ୍ନାକୁ ଆସିଛି । ଏଠାକାର କୋନ ଗାଁର କୋଭିଡ଼ କ୍ୱାରେଣ୍ଟାଇନ ସେଣ୍ଟରରେ ଗୁରୁବାର ରାତିରେ ଜଣେ ମହିଳାଙ୍କ ସହ ଦୁଷ୍କର୍ମ ହୋଇଛି । ଆଶ୍ଚର୍ଯ୍ୟ କଲାଭଳି କଥା ହେଉଛି ଦୁଷ୍କର୍ମକାରୀ ଏବଂ ପୀଡ଼ିତା ୨ଜଣ ଜାକ କୋରନା ପଜିଟିଭ୍ ଚିହ୍ନଟ ହୋଇଛନ୍ତି ।
ପନବେଲ ପୋଲିସ ଅନୁସାରେ, ପନବେଲର କୋଁନ ଗାଁରେ ଇଣ୍ଡିଆ ବୁଲ୍ସର ଖାଲି ପଡ଼ଥିବା ବିଲ୍ଡ଼ିଂରେ ପନବେଲ ଏବଂ ନବୀ ମୁମ୍ବାଇ ମହାନଗର ପାଳିକା କୋଭିଡ଼ର ଏକ କ୍ୱାରେଣ୍ଟାଇନ ସେଣ୍ଟର କରିଥିଲା । ଏଠାରେ କରୋନା ସଂକ୍ରମିତ ଦୁଷ୍କର୍ମକାରୀ ଏବଂ ପୀଡ଼ିତାଙ୍କୁ କିଛି ଦିନ ହେବ କ୍ୱାରେଣ୍ଟାଇନ ସେଣ୍ଟରରେ ରଖାଯାଇଥିଲା । ପ୍ରାରମ୍ଭିକ ତଦନ୍ତରୁ ମିଳିଥିବା ସୂଚନା ଅନୁସାରେ, ପୀଡ଼ିତା ଏବଂ ଦୁଷ୍କର୍ମକାରୀ ପରଷ୍ପରକୁ ପୂର୍ବରୁ ଜାଣି ନଥିଲେ । କରୋନା ସଂକ୍ରମିତ ହେବା କାରଣରୁ ସେମାନଙ୍କୁ ଗୋଟିଏ ୱାର୍ଡରେ ରଖାଯାଇଥିଲା । ଯଦିଓ ପୋଲିସ ବର୍ତ୍ତମାନ ମହିଳାଙ୍କ ଅଭିଯୋଗ ଉପରେ ତଦନ୍ତ ଆରମ୍ଭ କରିଛି ।
ପୋଲିସ କହିଛି ଯେ, ଜଣେ ମହିଳାଙ୍କ କରୋନା ହେବା ପରେ ତାଙ୍କୁ ଇଣ୍ଡିଆ ବୁଲ୍ କ୍ୱାରେଣ୍ଟାଇନ ସେଣ୍ଟର ଭର୍ତ୍ତି କରାଯାଇଥିଲା । ଏହି ସେଣ୍ଟରରେ ଦୁଷ୍କର୍ମକାରୀଙ୍କର ମଧ୍ୟ ଚିକିତ୍ସା କରାଯାଉଥିଲା । ଘଟଣା ସାମ୍ନାକୁ ଆସିବା ପରେ ଦୁଷ୍କର୍ମ ମାମଲା ରୁଜୁ କରାଯାଇଥିଲା । ଯଦିଓ ଦୁଷ୍କର୍ମକାରୀ କରୋନ ସଂକ୍ରମିତ ହେବା କରଣରୁ ଏବେ ପର୍ଯ୍ୟନ୍ତ ତାଙ୍କୁ ଗିରଫ କରାଯାଇପାରି ନାହିଁ । ଏବଂ ପୋଲିସ ଏନେଇ ତଦନ୍ତ ଚଳାଇଛି । ଏହାସହ ପୋଲିସ କ୍ୱାରେଣ୍ଟାଇନ ସେଣ୍ଟରରେ ଡାକ୍ତର, ଅନ୍ୟ ରୋଗୀଙ୍କ ସହ ପଚରାଉଚରା ଜାରି ରଖିଛି ।
