୭୫ ବିଜେପି ନେତା କେମିତି କରୋନା ସଂକ୍ରମିତ ହେଲେ ?
ପାଟଣା: ମଙ୍ଗଳବାର ବିହାର ବିଜେପି ମୁଖ୍ୟାଳୟରେ କରୋନା ଭାଇରସ୍ର ବିସ୍ଫୋରଣ ଘଟିଛି । ୭୫ ବିଜେପି ନେତା କରୋନା ସଂକ୍ରମିତ ହୋଇଛନ୍ତି । ସୋମବାର ସମସ୍ତ ନେତାଙ୍କ ନମୁନା ସଂଗ୍ରହ କରାଯାଇଥିଲା ଏବଂ ଯାହା ରିପୋର୍ଟ ଆସିଲା, ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ୧୦୦ ନେତାଙ୍କ ମଧ୍ୟରୁ ୭୫ ଜଣ କରୋନା ପଜିଟିଭ୍ ବୋଲି ଜଣାପଡିଛି | କିନ୍ତୁ ଏହା ପଛରେ ଥିବା କାହାଣୀଟି ଅତ୍ୟନ୍ତ କୌତୁହଳପୂର୍ଣ୍ଣ ।
ସୂଚନା ମୁତାବକ, ବିହାର ବିଜେପି ନେତାଙ୍କ ବିବାହ ବାର୍ଷିକୀ ୮ ଜୁଲାଇରେ ଥିଲା। ସମସ୍ତ ନେତା ତାଙ୍କୁ ବାର୍ଷିକୀ ଅବସରରେ ଅଭିନନ୍ଦନ ଜଣାଇବା ପରେ ମିଠା ଆଣିବାକୁ କହିଥିଲେ । ଉକ୍ତ ନେତା ଶୀଘ୍ର ଲଡୁର ବନ୍ଦୋବସ୍ତ କରିଥିଲେ । ସମସ୍ତ ନେତାଙ୍କୁ ନିଜ ହାତରେ ଖାଇବାକୁ ଦେଇଥିଲେ । କିନ୍ତୁ ପରଦିନ ଯେତେବେଳେ ସେ କରୋନା ପରୀକ୍ଷା କଲେ, ସେ ସଂକ୍ରମିତ ହୋଇଥିବା ଜଣାପଡିଛି ।
ତେବେ ଉକ୍ତ ନେତାଙ୍କ ସହ ଯୋଗାଯୋଗ କରିବାରୁ ସେ ଏଭଳି ଘଟଣାକୁ ଅଗ୍ରାହ୍ୟ କରିଛନ୍ତି । ଜୁଲାଇ ୮ ରେ ସେ ଲଡୁ ବାଣ୍ଟିବା କଥାକୁ ମଧ୍ୟ ଏଡ଼ାଇ ଦେଇଛନ୍ତି । ତେବେ ରାଜନୈତିକ ମହଲରେ ଚାଲିଥିବା ଏହି ଆଲୋଚନାର ସତ୍ୟତା କ’ଣ, ଯେତେବେଳେ ଦଳ ଆନୁଷ୍ଠାନିକ ଭାବରେ କିଛି ପ୍ରକାଶ କଲା ପରେ ହିଁ ଜଣାପଡ଼ିବ । ୭୫ ଜଣ ସଂକ୍ରମିତ ଚିହ୍ନଟ ହେବା ପରେ ଏବେ ବିଜେପି ଅଫିସକୁ ସମ୍ପୂର୍ଣ୍ଣ ସିଲ୍ କରିଦିଆଯାଇଛି ।
ଗୋଟିଏ କାହାଣୀ, ଯେଉଁଥିରେ ଉଭୟ ଅସୁମାରୀ ପ୍ରେମ ଓ ପ୍ରତାରଣାର ଚିହ୍ନ ! ଦେଖନ୍ତୁ…
