ନୱାଜୁଦ୍ଦୀନ୍ ସିଦ୍ଦୀକିଙ୍କ ବିରୋଧରେ ପତ୍ନୀ ଆଣିଲେ ସାଙ୍ଘାତିକ ଅଭିଯୋଗ, କହିଲେ ଏମିତି କଥା….
ନୱାଜୁଦ୍ଦୀନ୍ ସିଦ୍ଦୀକି ଏଇ କିଛି ଦିନ ହେବ ନିଜ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ଅଛନ୍ତି । କିଛି ଦିନ ତଳେ ତାଙ୍କ ପତ୍ନୀ ତାଙ୍କୁ ଛାଡପତ୍ର ଦେବା ନେଇ ଖବର ପ୍ରକାଶ ପାଇଥିଲା । ତେବେ ଏବେ ପୁଣି ଥରେ ତାଙ୍କ ସ୍ତ୍ରୀ ଆଲିୟା ନୱାଜୁଦ୍ଦୀନ୍ ଓ ତାଙ୍କ ମଧ୍ୟରେ ଥିବା ବ୍ୟକ୍ତିଗତ ତିକ୍ତତା ସମ୍ପର୍କରେ କହିଛନ୍ତି । ସେ କହିଛନ୍ତି ଯେ ଆରମ୍ଭରୁ ହିଁ ଆମ ଦୁହିଁଙ୍କ ମଧ୍ୟରେ ସମସ୍ୟା ଥିଲା । ମାତ୍ର ବିବାହ ପୂର୍ବରୁ ସେ ଭାବିଥିଲେ ଯେ ନୱାଜୁଦ୍ଦୀନ୍ ଓ ତାଙ୍କ ମଧ୍ୟରେ ସମ୍ପର୍କ ଭଲ ହୋଇଯିବ ମାତ୍ର ସେଭଳି ହେବା ସମ୍ଭବ ହୋଇନାହିଁ ।
ତାଙ୍କ ଅଭିଯୋଗ ଅନୁଯାୟୀ ତାଙ୍କୁ ନୱାଜୁଦ୍ଦୀନ୍ ମାନସିକ କଷ୍ଟ ଦେଉଛନ୍ତି । ତାଙ୍କ ପାଇଁ ଏସବୁ ଏବେ ଅସହ୍ୟ ହେଲାଣି । ପୁରୂଣା କଥା ମନେ ପକାଇ ଆଲିୟା କହିଛନ୍ତି ଯେ ଆମେ ଡେଟ୍ କରିବା ବେଳେ ମଧ୍ୟ ସେ ଅନ୍ୟ ମହିଳାଙ୍କ ସହ ସମ୍ପର୍କରେ ଥିଲେ । ବାହାଘର ପରେ ମଧ୍ୟ ସେ ଅନ୍ୟ ମହିଳାଙ୍କ ସହ ସମ୍ପର୍କରେ ଥିଲେ । ଏପରିକି ମୁଁ ଗର୍ଭବତୀ ଥିବା ବେଳେ ମଧ୍ୟ ସେ ମୋ ସହ ଡାକ୍ତରଖାନା ଯାଇନଥିଲେ ।
ମୋତେ ଏକା ଗାଡି ଚଳାଇ ଯିବାକୁ ପଡୁଥିଲା । ତାଙ୍କର ଲେବର୍ ପେନ୍ ବେଳେ ମଧ୍ୟ ନୱାଜୁଦ୍ଦୀନ୍ ତାଙ୍କ ଅନ୍ୟ ମହିଳା ପ୍ରେମିକାଙ୍କ ସହ ବ୍ୟସ୍ତ ଥିଲେ । ତେବେ ମୋବାଇଲ ବିଲ୍ ଆସିବା ପରେ ଜଣା ପଡିଥିଲେ ଯେ ନୱାଜୁଦ୍ଦୀନଙ୍କର ଅନ୍ୟ ମହିଳାଙ୍କ ସହ ଗପୁଥିଲେ । ନୱାଜୁଦ୍ଦୀନଙ୍କର ପରକିୟା ପ୍ରୀତି ରହିଛି ବୋଲି ନୱାଜୁଦ୍ଦୀନ୍ ଭାଇ ଆଲିୟାଙ୍କୁ ଜଣାଇଥିବା ସେ କହିଛନ୍ତି ।
