ସଂକ୍ରମଣ ରୋକିବାକୁ ବଡ଼ ନିଷ୍ପତ୍ତି: ଜୁଲାଇ ୧୬ରୁ ୩୧ ଯାଏଁ ପୂର୍ଣ୍ଣ ଲକ୍ଡାଉନ୍
1 min read
ପାଟଣା: କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧିକୁ ଆଖି ଆଗରେ ରଖି ବିହାର ସରକାର ଏକ ବଡ଼ ନିଷ୍ପତ୍ତି ନେଇଛନ୍ତି । ବରିଷ୍ଠ ଅଧିକାରୀଙ୍କ ସହ ଆଲୋଚନା ପରେ ନୀତୀଶ ସରକାର ବିହାରରେ ପୁଣି ଥରେ ଲକ୍ଡାଉନ୍ ଲାଗୁ କରିବାକୁ ନିଷ୍ପତ୍ତି ନେଇଛନ୍ତି। ସରକାରଙ୍କ ଏହି ବଡ଼ ନିଷ୍ପତ୍ତି ପରେ ରାଜ୍ୟରେ ପୁଣି ଜୁଲାଇ ୧୬ରୁ ୩୧ ଯାଏଁ ବିହାରରେ ଲକଡାଉନ୍ ରହିବ |
ତେବେ ଏହି ସମୟ ମଧ୍ୟରେ ସମସ୍ତ ଜରୁରୀକାଳୀନ ସେବା ସୁରୁଖୁରୁରେ ଜାରି ରହିବ | ମୁଖ୍ୟ ଶାସନ ସଚିବ ଦୀପକ କୁମାରଙ୍କ ଅଧ୍ୟକ୍ଷତାରେ ବିପର୍ଯ୍ୟୟ ପରିଚାଳନା ଗୋଷ୍ଠୀ (ସିଏମଜି) ର ବୈଠକ ପରେ ବିହାର ସରକାର ମଙ୍ଗଳବାର ଏହି ନିଷ୍ପତ୍ତି ନେଇଛନ୍ତି ।
ଏହି ନିଷ୍ପତ୍ତି ପୂର୍ବରୁ ମୁଖ୍ୟ ସଚିବ ଭିଡିଓ କନ୍ଫରେନ୍ସିଂ ମାଧ୍ୟମରେ ସମସ୍ତ ଜିଲ୍ଲାପାଳଙ୍କ ସହ ସମୀକ୍ଷା ବୈଠକ କରିଥିଲେ। ଏହି ବୈଠକରେ ସମସ୍ତ ଜିଲ୍ଲାର ସିଭିଲ୍ ସର୍ଜନମାନେ ମଧ୍ୟ ଉପସ୍ଥିତ ଥିଲେ। ଡେପୁଟୀ ସିଏମ୍ ସୁଶୀଲ କୁମାର ମୋଦି ଲକଡାଉନ୍ କାର୍ଯ୍ୟକାରିତା ସମ୍ପର୍କରେ ସୂଚନା ଦେଇଛନ୍ତି।
Lockdown to be imposed in the state from 16 to 31 July to curb the spread of #COVID19. Guidelines are being prepared: Bihar Deputy CM Sushil Kumar Modi (File pic) pic.twitter.com/sGz9AYicUO
— ANI (@ANI) July 14, 2020
ଉଲ୍ଲେଖ ଯୋଗ୍ୟ ଯେ, ୨୪ ମାର୍ଚ୍ଚରୁ ୩୧ ମଇ ରାତି ପର୍ଯ୍ୟନ୍ତ ବିହାର ସମେତ ସମଗ୍ର ଦେଶରେ ସମ୍ପୂର୍ଣ୍ଣ ଲକ୍ଡାଉନ୍ ଲାଗୁହୋଇଥିଲା ।| ଏହା ପରେ, ଜୁନ୍ ମାସରେ ଅନଲକ୍ -୧ ଏବଂ ପରେ ଜୁଲାଇରେ ଅନଲକ୍ -୨ ଲାଗୁ କରାଯାଇଥିଲା, କିନ୍ତୁ ଏହି ସମୟ ମଧ୍ୟରେ କରୋନା ସଂକ୍ରମଣ ବୃଦ୍ଧି ପାଇଲା, ଯାହା ପରେ ରାଜ୍ୟ ସରକାର ପୁନର୍ବାର କଟକଣାକୁ କଠୋର କରିବାକୁ ନିଷ୍ପତ୍ତି ନେଇଛନ୍ତି ।
ବିହାରରେ କରୋନା କହର ଜାରି
ରାଜ୍ୟରେ ମଙ୍ଗଳବାର ଦ୍ୱିପ୍ରହର ସୁଦ୍ଧା ସଂକ୍ରମିତ ଲୋକଙ୍କ ସଂଖ୍ୟା ୧୭ ହଜାର ୪୨୧ରେ ପହଞ୍ଚିଛି । ସେଥିମଧ୍ୟରୁ ୧୨, ୩୬୪ ଲୋକ ସୁସ୍ଥ ହୋଇଛନ୍ତି। ୧୩୪ ଜଣଙ୍କର ମୃତ୍ୟୁ ହୋଇଥିବାବେଳେ ଅର୍ଥାତ୍ ବିହାରରେ ସକ୍ରିୟ ରୋଗୀଙ୍କ ସଂଖ୍ୟା ୪୯୨୩ ରହିଛି। ୧୦ ଜୁଲାଇ ଅପରାହ୍ନରେ ବିହାରରେ ୧୪ ହଜାର ୩୩୦ କୋଭିଡ ପଜିଟିଭ୍ ଥିଲେ । କିନ୍ତୁ ସ୍ୱାସ୍ଥ୍ୟ ବିଭାଗର ତଥ୍ୟ ଅନୁଯାୟୀ ଜୁଲାଇ ୧୩ରେ ସଂକ୍ରମିତ ଲୋକଙ୍କ ସଂଖ୍ୟା ୧୭,୪୨୧କୁ ବୃଦ୍ଧି ପାଇଛି। ଏଥିସହିତ, ୨ ଡାକ୍ତରଙ୍କ ସମେତ ୧୦ରୁ ୧୩ ଜୁଲାଇ ମଧ୍ୟରେ ୨୩ ଜଣଙ୍କର ମୃତ୍ୟୁ ହୋଇଥିଲା ।
AIIMSରେ ଚିକିତ୍ସା ପାଇଁ ଆସିଲା ନୂଆ ଆପ୍, ଜାଣନ୍ତୁ ଏହାର ବ୍ୟବହାର କେମିତି କରିବେ
