ବଢ଼ିବାରେ ଲାଗିଛି କରାେନା ମୃତ୍ୟୁ ସଂଖ୍ୟା, ଆଜି ପୁଣି ୪ ମୁଣ୍ଡ ନେଲା କରୋନା

ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ସହ ବଢ଼ୁଛି କରୋନା ମୃତ୍ୟୁ ସଂଖ୍ୟା । ଗତକାଲି କରୋନାରେ ୬ ଜଣଙ୍କର ମୃତ୍ୟୁ ହୋଇଥିବା ବେଳେ ଆଜି ପୁଣି ୪ ଜଣଙ୍କର ମୃତ୍ୟୁ ହୋଇଛି । କଟକ, ଗଞ୍ଜାମ, ଭୁବନେଶ୍ୱର ଏବଂ ଖୋର୍ଦ୍ଧାରୁ ଜଣେ ଲେଖାଏଁ କରୋନାରେ ମୃତ୍ୟୁ ହୋଇଛି । ଯେଉଁ ମାନଙ୍କର ମୃତ୍ୟୁ ହୋଇଛି ସେମାନେ ପୂର୍ବରୁ କୌଣସି ନା କୌଣସି କରୋଗରେ ଆକ୍ରାନ୍ତ ରହିଛନ୍ତି ।

ଯେଉଁଭଳି ପୂର୍ବରୁ କୁହାଯାଇଛି କି ଡାଇବେଟିସ, ବ୍ଲଡପ୍ରେସର ଭଳି ରୋଗ ଥିବା ବ୍ୟକ୍ତିଙ୍କ ପାଇଁ କରୋନା ଘାତକ ସିଧ ହେବ । କଟକରେ କରୋନା ପାଇଁ ମୃତ୍ୟୁ ହୋଇଥିବା ବ୍ୟକ୍ତି ଜଣକ ପୂର୍ବରୁ ମୁଖ କର୍କଟରେ ପିଡ଼ିତ ଥିଲେ । ସେହିଭଳି ଖେର୍ଦ୍ଧାରୁ ୪୦ ବର୍ଷୀୟ ମହିଳାଙ୍କର ମୃତ୍ୟୁ ହୋଇଛି । କରୋନାରେ ଭୁବନେଶ୍ୱରରେ ମୃତ୍ୟୁ ହୋଇଥିବା ବ୍ୟକ୍ତି ପୂର୍ବରୁ ବ୍ଲଡ କ୍ୟାନସରରେ ପିଡ଼ିତ ରହିଥିଲେ । ସେପଟେ ଗଞ୍ଜାମରେ ମୃତ୍ୟୁ ହୋଇଥିବା ୮୦ ପର୍ଷୀୟ ବ୍ୟକ୍ତିଙ୍କର ଡାଇବେଟିସ ଏବଂ ହାର୍ଟ ରୋଗ ରହିଥିଲା ।

ରାଜ୍ୟରେ ଏହାକୁ ମିଶାଇ ୭୪ ଜଣଙ୍କର କରୋନାରେ ମୃତ୍ୟୁ ହୋଇଛି ।  ଆଜି ପୁଣି ରାଜ୍ୟରୁ ୫୪୩ ଜଣ ଚିହ୍ନଟ ହୋଇଛନ୍ତି । କ୍ୱେରେଣ୍ଟାଇନ ସେଣ୍ଟରରୁ ୩୫୪ ଜଣ ଚିହ୍ନଟ ହୋଇଥିବାବେଳେ ୧୮୯ ଲୋକାଲ କଣ୍ଟାକ୍ଟ ରହିଛି । ୨୨ ଜିଲ୍ଲାରୁ ୫୪୩ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ୧୪ ହଜାର ୨୮୦ରେ ପହଞ୍ଚିଛି ମୋଟ କରୋନା ସଂକ୍ରମିତଙ୍କ ସଂଖ୍ୟା ।