ଆୟକର ରିଟର୍ଣ୍ଣ ଫାଇଲ ତାରିଖ ଘୁଞ୍ଚିଲା, ନଭେମ୍ବର ୩୦ ପର୍ଯ୍ୟନ୍ତ ମିଳିଲା ସମୟ

ନୂଆଦିଲ୍ଲୀ: କରୋନା କାରଣରୁ ଜାରି ଲକଡାଉନ୍ ଓ ସଟଡାଉନ୍ ଯୋଗୁ ଆର୍ଥିକ ଗତିବିଧି ଠପ୍ ପଡିଥିବା ବେଳେ ଆୟକର ବିଭାଗକ କରଦାତାଙ୍କୁ ଆଶ୍ୱସ୍ତି ପ୍ରଦାନ କରିଛି । ଆୟକର ବିଭାଗ ପକ୍ଷରୁ ଶନିବାର ଦିନ ଆୟକର ରିଟର୍ଣ୍ଣ ଫାଇଲ ତାରିଖକୁ ବୃଦ୍ଧି କରାଯାଇଛି । ଆର୍ଥିକ ବର୍ଷ ୨୦୧୯-୨୦୨୦ ପାଇଁ ଆୟକର ରିଟର୍ଣ୍ଣ ଫାଇଲ ତାରିଖ ନଭେମ୍ବର ୩୦,୨୦୨୦ ପର୍ଯ୍ୟନ୍ତ ବୃଦ୍ଧି କରାଯାଇଛି । କରୋନା ଭାଇରସ ମହାମାରୀକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି ।

ଆୟକର ବିଭାଗ ତରଫରୁ ଜାରି ପ୍ରେସ ବିଜ୍ଞପ୍ତିରେ କୁହାଯାଇଛି ଯେ,ବର୍ତ୍ତମାନ ସମୟକୁ ଧ୍ୟାନରେ ରଖି ଆର୍ଥିକ ବର୍ଷ ୨୦୧୯-୨୦୨୦ ଆୟକର ଫାଇଲିଂର ସମୟସୀମାକୁ ନଭେମ୍ବର ୩୦ ୨୦୨୦କୁ ବୃଦ୍ଧି କରାଯାଇଛି ।

ଗତମାସରେ ସେଣ୍ଟ୍ରାଲ କେନ୍ଦ୍ରୀୟ ପ୍ରତ୍ୟକ୍ଷ କର ବୋର୍ଡ(ସିବିଡିଟି) ୨୦୧୮-୧୯ ଆର୍ଥିକ ବର୍ଷର ଆୟକର ରିଟର୍ଣ୍ଣ ତାରିଖକୁ ଜୁଲାଇ ୩୧ ପର୍ଯ୍ୟନ୍ତ ବୃଦ୍ଧି କରିଥିଲେ ।

ଆୟକର ରିଟର୍ଣ୍ଣ ଫାଇଲ ସମୟସୀମା ବୃଦ୍ଧି କରଦାତାଙ୍କ ଆଶ୍ୱସ୍ତି ପ୍ରଦାନ କରିବ । କାରଣ କରୋନା ଲକଡାଉନ୍ କାରଣରୁ ଆର୍ଥିକ ଗତିବିଧି ବନ୍ଦ ପଡିଥିବା ବେଳେ ଆବଶ୍ୟକ ତଥ୍ୟ ସଂଗ୍ରହ ପାଇଁ ମଧ୍ୟ ସମୟ ଲାଗିବ ।