ଜୁଲାଇ ୩୧ ପର୍ଯ୍ୟନ୍ତ ସମସ୍ତ ଆନ୍ତର୍ଜାତିକ ବାଣିଜ୍ୟିକ ବିମାନ ଚଳାଚଳକୁ ରଦ୍ଦ କଲା ଡିଜିସିଏ
ନୂଆଦିଲ୍ଲୀ: ଜୁଲାଇ ୩୧ ପର୍ଯ୍ୟନ୍ତ ସମସ୍ତ ଆନ୍ତର୍ଜାତିକ ବାଣିଜ୍ୟିକ ବିମାନ ଚଳାଚଳକୁ ରଦ୍ଦ କରିଛି ଡିଜିସିଏ । ଏ ସମ୍ପର୍କରେ ଡିଜିସିଏ ପକ୍ଷରୁ ଏକ ନୂତନ ଅଧିସୂଚନା ଜାରି କରାଯାଇଛି । ଏହି ଅଧିସୂଚନା ଅନୁସାରେ ୩୧ ଜୁଲାଇ ପର୍ଯ୍ୟନ୍ତ ନିର୍ଧାରିତ ବିମାନ ଚଳାଚଳକୁ ରଦ୍ଦ କରାଯାଇଛି ।
ଦେଶରେ କ୍ରମାଗତ ଭାରେ ବୃଦ୍ଧି ପାଉଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ଏହି ପଦକ୍ଷେପ ନିଆଯାଇଥିବା କୁହାଯାଉଛି । ତେବେ ଏହି ଅବଧି ମଧ୍ୟରେ କିଛି ନିର୍ଦ୍ଦିଷ୍ଟ ଅନ୍ତ୍ରର୍ଜାତୀୟ ମାର୍ଗରେ ଜରୁରୀ ଆବଶ୍ୟକତା ନିମନ୍ତେ ବିମାନ ଚଳାଚଳକୁ ଅନୁମତି ଦିଆଯିବ ।
ଦେଶରେ କରୋନା ସଂକ୍ରମଣକୁ ଦୃଷ୍ଟିରେ ରଖି ୨୩ ମାର୍ଚ୍ଚରୁ ଦେଶରୁ ସମସ୍ତ ଆନ୍ତର୍ଜାତୀକ ବିମାନ ସେବା ଉପରେ ପ୍ରତିବନ୍ଧକ ଲଗାଯାଇଛି । ପୂର୍ବରୁ ୨୬ ଜୁନରେ ଡିଜିସିଏ ଜୁଲାଇ ୧୫ ପର୍ଯ୍ୟନ୍ତ ଆନ୍ତର୍ଜାତୀୟ ବିମାନ ଚଳାଚଳ ଉପରେ ଅଙ୍କୁଶ ଲଗାଇଥିଲା । ଏବେ ଏହାକୁ ସଂଶୋଧନ କରି ୩୧ ତାରିଖ ପର୍ଯ୍ୟନ୍ତ ବୃଦ୍ଧି କରାଯ଼ାଇଛି ।
