ଗଲଓ୍ୱାନ ହିଂସା: ଶହୀଦଙ୍କ ସହ ହୋଇଥିଲା ବର୍ବରତା, ପୋଷ୍ଟମର୍ଟମ ରିପୋର୍ଟରୁ ସାମ୍ନାକୁ ଆସିଲା ସତ
ଲଦାଖ: ଗଲଓ୍ୱାନ ଘାଟିରେ ଚୀନ ସୈନିକଙ୍କ ସହ ଲଢ଼େଇରେ ୨୦ ଭାରତୀୟ ସୈନିକ ଶହୀଦ ହୋଇଛନ୍ତି । ବୀର ଯବାନଙ୍କ ବଳିଦାନକୁ ନେଇ ପୂରା ଦେଶକୁ ଦୋହଲାଇ ଦେଇଛି । ତେବେ ପୋଷ୍ଟମର୍ଟମ ରିପୋର୍ଟ ଅନୁଯାୟୀ କିଛି ଶହୀଦଙ୍କ ଶୀରରେ କିଛି ଗଭୀର କ୍ଷତ ହୋଇଥିଲା ଓ ଅନ୍ୟ କିଛି ଯବାନ ହତାହତି ହୋଇଥିବା ଯୋଗୁଁ ଶହୀଦ ହୋଇଛନ୍ତି । ସେମାନଙ୍କ ମଧ୍ୟରୁ କିଛି ଯବାନ ତପମାତ୍ରା ଖୁବ୍ କମ୍ ହୋଇଥିବା ଯୋଗୁଁ ଶହୀଦ ହୋଇଛନ୍ତି । ଲେହ ସ୍ଥିତ ଏସ୍ଏନ୍ଏମ୍ ହସ୍ପିଟାଲରେ ଶହୀଦ ଯବାନଙ୍କ ପୋଷ୍ଟମର୍ଟମ ହୋଇଥିଲା ।
ଅଧିକାରୀଙ୍କଠାରୁ ମିଳିଥିବା ସୂଚନା ମୁତାବକ ଶହୀଦଙ୍କ ଶରୀର ବହୁ ଜାଗାରେ ଗଭୀର ଆଘାତ ଲାଗିଛି । ଯେଉଁଥିରୁ ଜଣାପଡ଼ୁଛି ଯବାନଙ୍କ ସହିତ ଅତ୍ୟନ୍ତ ବର୍ବରତା ଆଚରଣ କରାଯାଇଛି । ସୂଚନା ଯୋଗ୍ୟ ଚୀନ ସେନା ଭାରତୀୟ ସୈନିକଙ୍କ ଉପରୁ ଲୁହା କଣ୍ଟା ଯୁକ୍ତ ଲାଠିରେ ଆକ୍ରମଣ କରିଥିଲେ ।
ପ୍ରାୟ ୧୭ ଯବାନଙ୍କ ଶରୀରରେ ଗଭୀର ଆଘାତର ଚିହ୍ନ ରହିଛି । ଅଧିକାରୀ ହସ୍ପିଟାଲରେ ଉପସ୍ଥିତ ଅଛନ୍ତି ଏବଂ ସେନାଙ୍କ ଫଟୋ ନଉଠାଇବାକୁ କୁହାଯାଇଛି । କିନ୍ତୁ ପ୍ରାରମ୍ଭିକ ରିପୋର୍ଟରେ ସାମ୍ନାକୁ ଆସିଛି ଯେ, ସନ୍ତୋଷ ବାବୁ ସମେତ ୩ ଯବାନଙ୍କ ଶରୀରରେ ଆଘାତର କୌଣସି ଚିହ୍ନ ନଥିଲା କିନ୍ତୁ ତାଙ୍କ ମୁଣ୍ଡରେ ଜୋରଦାର ଆଘାତ ଲାଗିଥିଲା । ଅନ୍ୟ ଏକ ଅଧିକାରୀଙ୍କ କହିବା ହେଲା ଯେ, ୩ ଯବାନଙ୍କ ମୃତ୍ୟୁ ହୁଏତ ବୁଡ଼ିବା ଯୋଗୁଁ ହୋଇଥାଇପାରେ । କିନ୍ତୁ ଅନ୍ୟ ଯବାନ ଶରୀରରେ ମୁନିଆ ଅସ୍ତ୍ରରେ ଆଘାତ କରାଯାଇଥିବାର ଚିହ୍ନ ରହିଛି । ଅପରପକ୍ଷରେ ଯବାନଙ୍କ ଚେହେରାରେ ମଧ୍ୟ କ୍ଷତ ବିକ୍ଷତର ଚିହ୍ନ ରହିଛି ।
ନଦୀରେ ପଡ଼ିଯାଇଥିଲେ କିଛି ଯବାନ
ଅଧିକାରୀଙ୍କ ସୂଚନା ମୁତାବକ ଯବାନଙ୍କୁ ନଖରେ ମଧ୍ୟ କ୍ଷତ ବିକ୍ଷତ କରାଯାଇଛି । ସେମାନଙ୍କ ପାଖରେ ଚାକୁ ମଧ୍ୟ ରହିଛି । କିଛି ଯବାନ ନଦୀରେ ମଧ୍ୟ ପଡ଼ିଯାଇଥିଲେ । ପ୍ରାୟ ୧୪ ହଜାର ଫୁଟ ଉଚ୍ଚରେ ଥିବା ଗଲଓ୍ୱାନ ଘାଟି ଯେଉଁଠାରେ ଛାତିକୁ ଥରାଇଦେଲା ଭଳି ଥଣ୍ଡା । ଏବଂ ଦୁର୍ଗମ ଅଞ୍ଚଳ ହୋଇଥିବାରୁ ଅନ୍ୟ ସୈନିକଙ୍କ ଠାରୁ ସହାୟତା ମିଳିନପାରିଥିବାରୁ ମଧ୍ୟ ସେମାନେ ପ୍ରାଣ ହରାଇଥିବା କୁହାଯାଉଛି ।
ସୁଶାନ୍ତଙ୍କ ଆତ୍ମହତ୍ୟା ନେଇ ମହେଶ ଭଟ୍ଟଙ୍କୁ କରାଗଲା ଦାୟୀ, କାହିଁକି ଜାଣନ୍ତୁ
