ଜିଏସ୍ଟି କାଉନସିଲ୍ର ବୈଠକ: ବିଳମ୍ୱିତ ପଇଠ ଉପରେ ରିହାତି
ନୂଆଦିଲ୍ଲୀ: ଲକ୍ଡାଉନ୍ ପରେ ଶୁକ୍ରବାର ପ୍ରଥମ ଥର ପାଇଁ ଗୁଡସ୍ ଆଣ୍ଡ ସର୍ଭିସ ଟ୍ୟାକ୍ସ (ଜିଏସ୍ଟି) କାଉନସିଲର ବୈଠକ ଅନୁଷ୍ଠିତ ହୋଇଛି । କାଉନସିଲର ଏହି ୪୦ ତମ ବୈଠକରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଭିଡିଓ କନ୍ଫରେନ୍ସିଂ ଜିରଆରେ ସାମିଲ ହୋଇଛନ୍ତି । ବୈଠକ ପରେ ଅର୍ଥମନ୍ତ୍ରୀ କହିଛନ୍ତି ଜୁଲାଇ ୨୦୧୭ ଜାନୁଆରୀ ଠାରୁ ୨୦୨୦ ଯାଏଁ ଯେଉଁମାନେ ଜିଏସ୍ଟିଆର୍ ୩ବି ରିଟର୍ଣ୍ଣ ଫାଇଲ କରିନାହାନ୍ତି ।
ସେମାନଙ୍କୁ ଲେଟ୍ ଫିସ୍ ଦେବାକୁ ପଡ଼ିବନାହିଁ । ବୈଠକରେ ଛୋଟ କମ୍ପାନୀଗୁଡ଼ିକୁ ମଧ୍ୟ ରିହାତି ଦିଆଯାଇଛି । ବିଳମ୍ୱରେ ଜିଏସ୍ଟି ଦାଖଲ କଲେ ଲାଗୁ ହେଉଥିବା ସୁଦ୍ଧ ହାର ଅଧା କରିଦିଆଯାଇଛି । ଅନ୍ୟପକ୍ଷରେ ମଇ ଏବଂ ଜୁଲାଇ ମଧ୍ୟରେ ଜିଏସ୍ଟି ରିଟର୍ଣ୍ଣ ଦାଖଲ କରିବା ସମୟରେ ବିଳମ୍ୱ ଶୁଳ୍କ ଲାଗିବ ନାହିଁ ।
ସୂଚନା ଯୋଗ୍ୟ ଯେ, ଟ୍ୟାକ୍ସ ସଂଗ୍ରହ କମିବା ଏବଂ ଜିଏସ୍ଟି ରିଟର୍ଣ୍ଣ ଅବଧିକୁ ବଢ଼ାଯିବା ପରେ ସରକାର ଏପ୍ରିଲ ଓ ମଇ ମାସର ସମୁଦାୟ ଜିଏସଟି ସଂଗ୍ରହ ସଂଖ୍ୟା ପ୍ରକାଶ କରାଯାଇନାହିଁ । ଏହା ପୂର୍ବରୁ ମାର୍ଚ୍ଚ ମାସରେ ଜିଏସ୍ଟି ସଂଗ୍ରହ ୯୭ ହଜାର ୫୯୭ କୋଟି ଟଙ୍କା କମିଛି । ବିଗତ ଦିନରେ ଅର୍ଥ ସଚିବ ଅଜୟ ଭୂଷଣ ପାଣ୍ଡେ କହିଛନ୍ତି ଯେ, ଜିଏସ୍ଟି ସଂଗ୍ରହ ସଂଖ୍ୟା ଉପରେ ସ୍ପଷ୍ଟ ଚିତ୍ର ୩୦ ଜୁନ୍ ବେଳକୁ ହିଁ ମିଳିପାରିବ ।
ତେବେ ଜିଏସ୍ଟି ରିଟର୍ଣ୍ଣ ଜମା କରିବା ତାରିଖ ବଢ଼ାଯିବାରୁ ଏନେଇ ଏବେ ସ୍ପଷ୍ଟ ଭାବେ କୁହାଯାଇପାରିବ ନାହିଁ । ଜିଏସ୍ଟି ରିଟର୍ଣ୍ଣ ଜୁନ୍ ଯାଏଁ ଜମା କରାଯାଇପାରିବ । ୫ କୋଟି ଟଙ୍କାରୁ ଅଧିକ କାରବାର କରୁଥିବା କରଦାତା ଏବେ ଅତିରିକ୍ତ ସମୟ ଦିଆଯାଇଛି । ଫଳରେ ସମ୍ପୂର୍ଣ୍ଣ ସମୟ ସୀମା ଶେଷ ହେଲା ପରେ ଜିଏସ୍ଟି ଆଦାୟର ପରିମାଣ ସ୍ପଷ୍ଟ ହୋଇପାରିବ ।
