କରୋନା ଆଶଙ୍କାରେ ବାଣୀବିହାରର ୩ ବିଭାଗ ସିଲ୍
ଭୁବନେଶ୍ୱର: କରୋନା ଆଶଙ୍କାରେ ସିଲ୍ ହେଲା ଉତ୍କଳ ବିଶ୍ୱବିଦ୍ୟାଳୟ (ବାଣୀବିହାର) । ବିଶ୍ୱବିଦ୍ୟାଳୟର ୩ଟି ବିଭାଗକୁ ସିଲ କଲା ଭୁବନେଶ୍ୱର ମ୍ୟୁନସିପାଲଟି କର୍ପୋରେସନ୍ । ଦର୍ଶନଶାସ୍ତ୍ର, ଇଂଗ୍ରାଜୀ, ଅର୍ଥନୀତି ବିଭାଗକୁ ସିଲ କରିଛି ବିଏମ୍ସି । ବାଣୀବିହାରର ଜଣେ ଅଧ୍ୟାପକ କରୋନା ଆକ୍ରାନ୍ତଙ୍କ ସଂସ୍ପର୍ଶରେ ଆସିବା ପରେ ଏହି ପଦକ୍ଷେପ ନେଇଛି ପ୍ରଶାସନ । ଉକ୍ତ ଅଧ୍ୟାପକଙ୍କୁ କ୍ୱାରେଣ୍ଟାଇନ୍ରେ ରଖାଯାଇଛି । ଅନ୍ୟପଟେ ସମସ୍ତ କର୍ମଚାରୀଙ୍କୁ ଅଫିସ ନଆସିବାକୁ କଲେଜ କର୍ତ୍ତୃପକ୍ଷଙ୍କ ପକ୍ଷରୁ ପରାମର୍ଶ ଦିଆଯାଇଛି । ତେବେ ପୋର୍ଟକଲ ଅନୁଯାୟୀ ଆଗାମୀ ଦିନରେ ଅଧ୍ୟାପିକାଙ୍କ ସ୍ୱାବ ନମୁନା ପରୀକ୍ଷା କରାଯିବ । ଯଦି ସେ ପଜିଟିଭ୍ ଚିହ୍ନଟ ହୁଅନ୍ତି ତେବେ ତାଙ୍କ ସଂସ୍ପର୍ଶରେ ଆସିଥିବା ଅନ୍ୟ ବ୍ୟକ୍ତିଙ୍କ ମଧ୍ୟ ନମୁନା ପରୀକ୍ଷଣ କରାଯିବ ଏବଂ ନିୟମାନୁଯାୟୀ ପରବର୍ତ୍ତୀ ପଦକ୍ଷେପ ଗ୍ରହଣ କରାଯିବ ।
ସୂଚନା ଯୋଗ୍ୟ ଯେ, ଶନିବାର ଭୁବନେଶ୍ୱରୁ ୫ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ୪ଜଣଙ୍କ ଟ୍ରାଭେଲ ହିଷ୍ଟ୍ରୀ ରହିଥିବା ବେଳେ ଜଣେ ସ୍ଥାନୀୟ ବାସିନ୍ଦା ।
ଜରଡ଼ା ଥାନା ପୋଲିସ କର୍ମଚାରୀଙ୍କୁ କ୍ୱାରେଣ୍ଟାଇନ୍ରେ ପଠାଇଲେ ଏସ୍ପି
