ନୟାପଲ୍ଲୀ ଓୟୋରେ ଜୁଆ ଅଡ୍ଡା, ବ୍ୟବସାୟୀ ଗିରଫ…
ଭୁବନେଶ୍ୱର: ପୁଣି ନୟାପଲ୍ଲୀରେ ଚାଞ୍ଚଲ୍ୟ । ଓୟୋ ରୁମରେ ଚଢ଼ାଉ କଲା ପୋଲିସ । କାରଣ ରୁମ ଭିତରେ ଚାଲିଥିଲା ହାଇ ପ୍ରୋଫାଇଲ୍ ଜୁଆ ଖେଳ । ଆଉ ଏଥିରେ ସାମିଲ ଥିଲେ ଏକାଧିକ କଣ୍ଟ୍ରାକ୍ଟର ଓ ବିଜ୍ନେସ୍ ମ୍ୟାନ୍ । ଜବତ ହେଲା ପୁଳାପୁଳା ଟଙ୍କା, ମୋବାଇଲ୍ ଆଉ କାର ।
ଭୁବନେଶ୍ୱର ନୟାପଲ୍ଲୀ ଭିଆଇପି କଲୋନିରୁ ଏଭଳି ଘଟଣା ସାମ୍ନାକୁ ଆସିଛି । ଏକ ଓୟୋ ହୋଟେଲରେ ରୁମ୍ ଭଡ଼ା ନେଇ କିଛି ବ୍ୟବସାୟୀ ଓ ଠିକାଦାର ସେଠାରେ ଜୁଆ ଖେଳୁଥିଲେ । ଏନେଇ ପୋଲିସ ବିଶେଷ ସୂତ୍ରରୁ ସୂଚନା ପାଇଥିଲା । ଖବର ପାଇ ପୋଲିସ ବିଳମ୍ବିତ ରାତିରେ ଚଢ଼ାଉ କରିଥିଲା । ଚଢ଼ାଉ ବେଳେ ସେଠାରୁ ନଗଦ ଏକ ଲକ୍ଷ ୫୩ ହଜାର ଟଙ୍କା ଓ ୮ଟି ମୋବାଇଲ ଫୋନ୍ ଓ ୩ଟି କାର ଜବତ କରିଛି ନୟାପଲ୍ଲୀ ଥାନା ପୋଲିସ । ଏହା ସହ ୯ ଜଣ ଠିକାଦାର ଓ ବ୍ୟବସାୟୀଙ୍କୁ ମଧ୍ୟ ଗିରଫ କରିଛି ପୋଲିସ ।
