ଏଣିକି ଆଉ ୧୪ ଦିନ ନୁହେଁ ୨୧ ଦିନ ରହିବ କ୍ୱାରେଣ୍ଟାଇନ୍ ଅବଧି
ଭୁବନେଶ୍ୱର: ଏଣିକି ଆଉ ୧୪ ଦିନ ନୁହେଁ ୨୧ ଦିନ ପର୍ଯ୍ୟନ୍ତ ରହିବ କ୍ୱାରେଣ୍ଟାଇନ୍ ଅବଧି । ଏନେଇ ରାଜ୍ୟ ସରକାରଙ୍କ ପକ୍ଷରୁ ପ୍ରସ୍ତୁତି ଆରମ୍ଭ କରାଯାଉଛି । ଖୁବ୍ ଶୀଘ୍ର ଏନେଇ ବିଦ୍ଧିବଦ୍ଧ ଘୋଷଣା ମଧ୍ୟ କରାଯିବ । ଓଡ଼ିଶା ବାହାରୁ ଆସୁଥିବା ପ୍ରବାସୀଙ୍କ ପାଇଁ ଏଭଳି ଯୋଜନା ଲାଗୁ କରାଯାଇପାରେ ।
ତେବେ କ୍ୱାରେଣ୍ଟାଇନ୍ ଅବଧି ବଢ଼ିବା ନେଇ ରାଜ୍ୟ ସ୍ୱାସ୍ଥ୍ୟ ପରାମର୍ଶଦାତା ଡାକ୍ତର ଶ୍ରୀନାଥ ରେଡ୍ଡୀ ମୁଖ୍ୟମନ୍ତ୍ରୀଙ୍କ ସହ ଭିଡିଓ କନ୍ଫରେନ୍ସିଂରେ ଯୋଗେ ବିସ୍ତୃତ ଆଲୋଚନା କରିଛନ୍ତି । ଏହି ଆଲୋଚନାରେ ଜିଲ୍ଲା ମୁଖ୍ୟାଳୟରୁ ୧୩ ଜଣ ମନ୍ତ୍ରୀ, ଲୋକସେବା ଭବନରେ ୭ ମନ୍ତ୍ରୀ, ମୁଖ୍ୟ ଶାସନ ସଚିବ ଓ ଅନ୍ୟ ବିଭାଗର ସଚିବମାନେ ଏହି ଭିଡିଓ କନ୍ଫରେନ୍ସିଂ ଦ୍ୱାରା ସାମିଲ ହୋଇଥିଲେ ।
ଭିଡିଓ କନଫରେନ୍ସିଂ ମାଧ୍ୟମରେ ମୁଖ୍ୟମନ୍ତ୍ରୀ ଆଜି ନବୀନ ନିବାସରୁ ଡ.ରେଡ୍ଡୀଙ୍କ ସହ ଆଲୋଚନା କରିଛନ୍ତି । ହରିୟାଣାର ଗୁଡ୍ଗାଓଁ ଜିଲ୍ଲାପାଳଙ୍କ କାର୍ଯ୍ୟାଳୟରୁ ଭିଡିଓ କନଫରେନ୍ସିଂରେ ଯ଼ୋଡି ହୋଇଥିଲେ ଡ. ରେଡ୍ଡୀ ।
ତେବେ ଡ.ରେଡ୍ଡୀ ରାଜ୍ୟ ସରକାରଙ୍କ ସହ ଆଲୋଚନା କରି ଏଭଳି ପରାମର୍ଶ ଦେବା ପରେ ପରିବହନ ମନ୍ତ୍ରୀ ପଦ୍ମନାଭ ବେହେରା ସୂଚନା ଏନେଇ ଦେଇଛନ୍ତି ।
