ପାକିସ୍ତାନରେ ହିନ୍ଦୁମାନଙ୍କୁ ସାହାଯ୍ୟର ହାତ ବଢାଇଲେ ଏହି କ୍ରିକେଟର

ନୂଆଦିଲ୍ଲୀ କୋଭିଡ -19 ମହାମାରୀ ସଙ୍କଟ ମଧ୍ୟରେ ପାକିସ୍ତାନର ପୂର୍ବତନ ଅଧିନାୟକ ସାହିଦ ଆଫ୍ରିଦି ପାକିସ୍ତାନର ହିନ୍ଦୁମାନଙ୍କୁ ସାହାଯ୍ୟ କରୁଛନ୍ତି। ସାହିଦ ଆଫ୍ରିଦି ହିନ୍ଦୁମାନଙ୍କୁ ଅଟା, ଚାଉଳ ଏବଂ ଅନ୍ୟାନ୍ୟ ଜରୁରୀ ଜିନିଷ ଦେଇ ସାହାଯ୍ୟ କରୁଛନ୍ତି ।

କେବଳ ଏତିକି ନୁହେଁ, ସାହିଦ ଆଫ୍ରିଦି ମଧ୍ୟ ସେମାନଙ୍କୁ ଜରୁରୀ ଜିନିଷ ପତ୍ର କିଣିବାକୁ ଅର୍ଥ ମଧ୍ୟ ଦେଉଛନ୍ତି । ପାକିସ୍ତାନର ପ୍ରସିଦ୍ଧ ଖେଳାଳି ସାହିଦ ଆଫ୍ରିଦି ଏବଂ ଜାହାଙ୍ଗୀର ଖାନ୍ କୋଭିଡ -19 ମହାମାରୀ ସଙ୍କଟ ମଧ୍ୟରେ ସଂଖ୍ୟାଲଘୁ ସମ୍ପ୍ରଦାୟର ପରିବାରକୁ ରାସନ ଏବଂ ନଗଦ ଟଙ୍କା ସାହାଜ୍ୟ କରୁଛନ୍ତି ।

ଜଣେ ଟେନିସ୍ ଖେଳାଳି ରବିନ୍ ଦାସ କିଛି ଲୋକଙ୍କ ଅସୁବିଧାକୁ ଜଣାଇବା ସହ ସେମାନଙ୍କୁ ସାହାଯ୍ୟ କରିବାକୁ ଅନୁରୋଧ କରିଥିଲେ ତାପରେ ରବିନଙ୍କ ଅନୁରୋଧ କ୍ରମେ ସାହିଦ ଆଫ୍ରିଦି ଏବଂ ତାଙ୍କ SAF ଫାଉଣ୍ଡେସନ ଏମାନଙ୍କୁ ସାହାଜ୍ୟ କରିବାକୁ ଆଗକୁ ଆସିଥିଲେ ।

କରାଚି ସ୍ପୋର୍ଟସ୍ ଫୋରମ୍ ସଚିବ ଆସିଫ୍ ଅଜିମ୍ କହିଛନ୍ତି, ‘ଜାହାଙ୍ଗୀର ଖାନ୍ ଏହି ଫାଉଣ୍ଡେସନର ସଭାପତି, ଫୋନ କରି ରବିନଙ୍କ ଅନୁରୋଧ ବିଷୟରେ କହିଥିଲେ, ଯେ ସଂଖ୍ୟାଲଘୁ ସମ୍ପ୍ରଦାୟର ସଦସ୍ୟମାନେ ଖ୍ରୀଷ୍ଟିଆନ କିମ୍ବା ହିନ୍ଦୁ ହୁଅନ୍ତୁ ଏହି କଷ୍ଟଦାୟକ ସମୟରେ ସେମାନଙ୍କୁ ସାହାଯ୍ୟ କରାଯିବା ଉଚିତ୍। ‘କରାଚି ସ୍ପୋର୍ଟସ୍ ଫୋରମ୍ ସହିତ SAF ସହରର ଅଭାବୀ ଲୋକଙ୍କୁ ବିଶେଷ କରି କ୍ରୀଡା ଜଗତ ସହିତ ଜଡିତ ଲୋକଙ୍କୁ ରାସନ ଏବଂ ନଗଦ ପ୍ରଦାନ କରିଥିଲା ​ ।

ଆଜିମ କହିଛନ୍ତି, ଆଜି ଆମେ ରୋଶନ ଖାନ ସ୍କ୍ୱାସ୍ କମ୍ପ୍ଲେକ୍ସରେ ଏକ କାର୍ଯ୍ୟକ୍ରମ ଆୟୋଜନ କରିଥିଲୁ, ଯେଉଁଠାରେ ଜାହାଙ୍ଗୀର ଏବଂ ହକି ଖେଳାଳି ଇସ୍ଲାହୁଦ୍ଦିନ ଉପସ୍ଥିତ ଥିଲେ ଏବଂ ସେ ସ୍ପଷ୍ଟ କରିଛନ୍ତି ଯେ ଫୋରମ୍ କରାଚିରେ ସଂଖ୍ୟାଲଘୁ ସମ୍ପ୍ରଦାୟର ଅଭାବୀ ପରିବାରକୁ ରାସନ ଏବଂ ନଗଦ ଟଙ୍କା ବଣ୍ଟନ କରିବ।

ସେ କହିଛନ୍ତି ଯେ ପ୍ରଥମ ପର୍ଯ୍ୟାୟରେ ସେ ନିମ୍ନ ସ୍ତର ଏବଂ ଗରିବ ହିନ୍ଦୁ ଏବଂ ଖ୍ରୀଷ୍ଟିଆନ ପରିବାରକୁ ରାସନ ବାଣ୍ଟିଥିଲେ । ଫୋରମ୍ ପୂର୍ବରୁ ବିଭିନ୍ନ ଖେଳ ସହିତ ଜଡିତ ଅଭାବୀ ଖେଳାଳି, କ୍ଷେତ୍ର କର୍ମଚାରୀ, ସୁରକ୍ଷା କର୍ମୀ ଏବଂ ଅନ୍ୟମାନଙ୍କୁ ରାସନ ଯୋଗାଇବା ଉପରେ କାର୍ଯ୍ୟ କରୁଛନ୍ତି । ଏବଂ ଏଥିରେ ସାହିଦ ଆଫ୍ରିଦି ଫାଉଣ୍ଡେସନ୍ ଆମକୁ ସମର୍ଥନ କରୁଛି, ତେବେ ଆମେ ମଧ୍ୟ ଅଳ୍ପସଂଖ୍ୟକ ସମ୍ପ୍ରଦାୟର ପରିବାର ଉପରେ ଧ୍ୟାନ ଦେଉଛୁ ।