ନନ୍ଦିଘୋଷ ବ୍ୟୁରୋ : ୟୁକ୍ରେନର କ୍ରିଭିରି ସହର ଉପରେ ରୁଷିଆର ବଡ଼ ଧରଣର ହମଲା। ଏଥିରେ ପ୍ରାଣ ହରାଇଛନ୍ତି ଜଣେ ୭ ବର୍ଷ ବୟସ୍କ ବାଳକ ସହ ଜଣେ ଯୁବକ। ଏହି ଆକ୍ରମଣରେ ଆହତ ହୋଇଛନ୍ତି ପ୍ରାୟ ୬୦ ଜଣ। ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି। ଏକାଥରକେ ତିନିଟି ସ୍ଥାନରେ ହମଲା କରିଛି ରୁଷିଆ। ପ୍ରଥମେ କେନ୍ଦ୍ରୀୟ ୟୁକ୍ରେନ ଉପରେ ଏୟାର ଷ୍ଟ୍ରାଇକ ପରେ ଅନ୍ୟ ଏକ ସ୍ଥାନରେ ଡ୍ରୋନ ଆଟାକ ହୋଇଥିଲା। ତୃତୀୟ ଆକ୍ରମଣ ଘଟିଥିଲା କ୍ରିଭିରି ଉପରେ। ଶେନଝେନରେ ଟ୍ରମ୍ପ ଓ ଜିନପିଙ୍ଗଙ୍କ ସହ ଆଲୋଚନା ପରେ ପରେ ଏହି ହମଲାକୁ ନେଇ ଅନେକ ପ୍ରଶ୍ନ ଉଠିଛି। ରାଷ୍ଟ୍ରପତି ଭୋଲୋଦିମିର ଜେଲେନସ୍କିଙ୍କ ନିଜ ସହର କ୍ରିଭିରିକୁ ରୁଷିଆ କରିଥିଲା ଟାର୍ଗେଟ। ରୁଷିଆର ହମଲା ପରେ ବିଭିନ୍ନ ସ୍ଥାନରେ ଉଦ୍ଧାର କାର୍ଯ୍ୟ ଜାରି ରହିଛି। ୬୦ ଆହତଙ୍କ ମଧ୍ୟରୁ ଅନେକ ଗୁରୁତର ଥିବା ସୂଚନା ମିଳିଛି।

