ନନ୍ଦିଘୋଷ ବ୍ୟୁରୋ : ରାଜଧାନୀରେ ଜମିବ ନୂଆଁଖାଇ ଭେଟଘାଟ । ସମ୍ମାନିତ ହେବେ ୩ ଲୁକ୍କାୟିତ ପ୍ରତିଭା । ପଶ୍ଚିମ ଓଡ଼ିଶା ଅଗ୍ରଣୀ ସଂଗଠନ, ଭୁବନେଶ୍ୱର ପକ୍ଷରୁ ଆସନ୍ତା ୨୯ ତାରିଖରେ ସ୍ଥାନୀୟ ଆଦିବାସୀ ପଡ଼ିଆଠାରେ ଏହି ଭବ୍ୟ ଉତ୍ସବ ଆୟୋଜିତ ହେବ । ଏନେଇ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସଂଗଠନ ପକ୍ଷରୁ ସୂଚନା ଦିଆଯାଇଛି । ସକାଳ ୧୦ଟାରୁ ସନ୍ଧ୍ୟା ୫ଟା ପର୍ଯ୍ୟନ୍ତ ଚାଲିବାକୁ ଥିବା ଏହି କାର୍ଯ୍ୟକ୍ରମରେ ପଶ୍ଚିମ ଓଡ଼ିଶାର ବଛାବଛା କଳାକାର ଓ କଣ୍ଠଶିଳ୍ପୀମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିବେ । ଏହାସହ ପଶ୍ଚିମ ଓଡ଼ିଶାର ପାରମ୍ପରିକ ସୁସ୍ୱାଦୁ ଖାଦ୍ୟ ମଜା ନେବେ ରାଜଧାନୀବାସୀ । ଚଳିତ ବର୍ଷ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ୩ ଜଣ ବ୍ୟକ୍ତି ବିଶେଷଙ୍କୁ ସମ୍ମାନିତ କରାଯିବ । ସେମାନଙ୍କ ମଧ୍ୟରେ ପାରାମେଡିକାଲ କ୍ଷେତ୍ରରେ ସଫଳତା ପାଇଥିବା ବଲାଙ୍ଗୀରର ଜଣେ ଝିଅଙ୍କ ସମେତ କୃଷି ଓ ସମାଜସେବା କ୍ଷେତ୍ରରେ ଉତ୍କର୍ଷ ପ୍ରତିପାଦନ କରିଥିବା ଜଣେ ଲେଖାଏଁ ପ୍ରତିଭା ରହିଛନ୍ତି ।

