spot_img

Latest Posts

ସଜେଇ ହେଲାଣି କଟକ ମହାନଦୀ ପଠା ! ଆଉ ଦିନକ ପରେ ଦୁଲୁକିବ ବାଲିଯାତ୍ରା ପଡ଼ିଆ

ନନ୍ଦିଘୋଷ ବ୍ୟୁରୋ : ସଜେଇ ହେଲାଣି କଟକ ମହାନଦୀ ପଠା । ଆଉ ଦିନକ ପରେ ଦୁଲୁକିବ ପଡ଼ିଆ । ଆରମ୍ଭ ହେବ ଐତିହାସିକ ବାଲିଯାତ୍ରା । ଆକୱାନ ବର୍ଷା ଯୋଗୁଁ ଧିମେଇଥିଲା କାମ । ତେବେ ବର୍ଷା ଛାଡ଼ିବା ପରେ ଯୁଦ୍ଧକାଳୀନ ଭିତ୍ତିରେ ଚାଲିଛି କାମ । ହାତରେ ସମୟ ନଥିବାରୁ ଜିଲ୍ଲା ପ୍ରଶାସନ ଓ କେଏମସିକୁ ପଡ଼ିଆ ସଜଡ଼ା ଏକ ବଡ଼ ଚ୍ୟାଲେଞ୍ଜ ପାଲଟିଛି । ତଳ ପଡ଼ିଆ, ଉପର ପଡ଼ିଆ ଓ କଟକ ଇନ କଟକରେ ମୋରମ ପକାଇ ରାସ୍ତା ଓ ପଡିଆ ସଜାଡୁଛି ପ୍ରଶାସନ । କଟକ ଜିଲ୍ଲାପାଳ ଟିମ ସହିତ ଉପର ପଡିଆ, ତଳ ପଡିଆ, କଟକ ଇନ କଟକ ଓ ରାଷ୍ଟ୍ରପତି ଆସୁଥିବା ନଦୀ ଘାଟ ବୁଲି ସ୍ଥିତିର ଅନୁଧ୍ୟାନ କରିଛନ୍ତି । ରାଷ୍ଟ୍ରପତି ଅପରାହ୍ନ ୪ଟା ୪୫ରେ ବୋଟ କ୍ଲବରେ ପହଞ୍ଚିବା ପରେ ଜଳପଥରେ କଟକ ଇନ କଟକ ନିକଟରେ ପହଞ୍ଚିବେ । ସେଠାରୁ ବ୍ୟାଟେରୀ ଗାଡିରେ ଉଦଘାଟନ ମଞ୍ଚକୁ ଯିବେ ।

ସେପଟେ କଟକ ଇନ କଟକରେ କଟକ ମହାନଗର ନିଗମ ତାର ୧୫୦ ବର୍ଷ ପୂର୍ତ୍ତି ପାଳନ କରିବ । ତେଣୁ ମେୟର ସାଥୀ କର୍ପୋରେଟରଙ୍କୁ ଧରି ସ୍ଥିତି ଅନୁଧ୍ୟାନ କରିଛନ୍ତି । ସୁରକ୍ଷା ପାଇଁ ୪ଶହ ଅଫିସରଙ୍କ ସହ ୭୦ ପ୍ଲାଟୁନ ପୋଲିସ ଫୋର୍ସ ମୁତୟନ ହେବେ । ପୁରା ଅଞ୍ଚଳ ରେ ୩୮ ଟି ୱାଚ ଟାୱାର ହେବ । ମୋଟ ୧୪ଶହ ସିସିଟିଭି କ୍ୟାମେରା ପଡ଼ିଆ ଉପରେ ନଜର ରଖିବ । ରାଷ୍ଟ୍ରପତିଙ୍କ ପୁରା ରୁଟ୍ ରେ ବାରିକେଟିଂ କରାଯିବ ଓ ସ୍ବଳ୍ପ ସମୟ ପାଇଁ ସେହି ବାଟ ଦେଇ ଲୋକଙ୍କୁ ବାରଣ କରାଯିବ ବୋଲି କହିଛନ୍ତି କଟକ ଡିସିପି ।

Latest Posts

Don't Miss