spot_img

Latest Posts

କୋଟିଆରେ ଆନ୍ଧ୍ର ନିର୍ବାଚନ ! ରୋକିବାକୁ ଅଣ୍ଟା ଭିଡ଼ିଲା ଓଡ଼ିଶା, ୨ ଏଜେଣ୍ଟ ଗିରଫ

ନନ୍ଦିଘୋଷ ବ୍ୟୁରୋ: କୋଟିଆକୁ ନେଇ ରାଜନୀତି ସରଗରମ । ଆସନ୍ତା ୨ ତାରିଖରେ ଆନ୍ଧ୍ରର ସରପଞ୍ଚ ଓ ୱାର୍ଡସଭ୍ୟ ନିର୍ବାଚନ ହେବା ନେଇ ବିଜ୍ଞପ୍ତି ଜାରି ହୋଇଛି । ବିଜ୍ଞପ୍ତି ପ୍ରକାଶ ପାଇବା ପରେ କୋଟିଆରେ ଆନ୍ଧ୍ରର ନିର୍ବାଚନ କରାଇନଦେବା ପାଇଁ କୋରାପୁଟ ଜିଲ୍ଲା ପ୍ରଶାସନ ପକ୍ଷରୁ ଜୋରଦାର ପ୍ରସ୍ତୁତି ଆରମ୍ଭ କରାଯାଇଛି।କୋଟିଆକୁ ନେଇ ଆନ୍ଧ୍ର ତିନୋଟି ଗ୍ରାମପଞ୍ଚାୟତ କରିଥିବା ବେଳେ ଆଜି ଗଞ୍ଜେଇପଦର ଗ୍ରାମ ପଞ୍ଚାୟତରୁ ଦୁଇଜଣ ସରପଞ୍ଚ ପ୍ରାର୍ଥୀ ପାଇଁ ନାମାଙ୍କନ ପତ୍ର ଦାଖଲ କରିଥିବା ଜଣାପଡ଼ିଛି । ତେବେ ୨୧ ଓ ୨୨ ତାରିଖ ପର୍ଯ୍ୟନ୍ତ ନାମାଙ୍କନ ପତ୍ର ଦାଖଲ ତାରିଖ ରହିଥିବା ବେଳେ ଆଉ ଗୋଟିଏ ଦିନରେ କେତେ ଜଣ ନାମାଙ୍କନ ପତ୍ର ଦାଖଲ କରିବେ ତାହା ଦେଖିବାକୁ ବାକିରହିଲା ।

୨୦୨୧ ମସିହାରେ ଗଞ୍ଜେଇପଦର ପଞ୍ଚୟତ ଓ ଫଗୁଣସିନେରୀ ପଞ୍ଚୟତ ପାଇଁ ଦୁଇଜଣ ନିର୍ଦ୍ୱନ୍ଦରେ ନିର୍ବାଚିତ ହୋଇଥିବା ବେଳେ ପାଟୁସିନେରୀ ପଞ୍ଚୟତ ନିମନ୍ତେ ନିର୍ବାଚନ ହୋଇଥିଲା । ଏପଟେ ଆନ୍ଧ୍ର ଏଜେଣ୍ଟଙ୍କ ଉପରେ କୋରାପୁଟ ପୋଲିସର ବଡ଼ ଆକ୍ସନ ଦେଖିବାକୁ ମିଳିଛି । କୋଟିଆରେ ରହି ଆନ୍ଧ୍ର ପାଇଁ କାମ କଲେ ଯିବାକୁ ପଡ଼ିବ ଜେଲ୍ । କୋଟିଆ ପଞ୍ଚାୟତର ଫଗୁଣସିନେରୀ ଗାଁ ରୁ ବିଶୁ ପାଙ୍ଗି ଓ ଲିବ୍ରି ହିମିରିକାଙ୍କୁ ଗିରଫ କରିଛି କୋରାପୁଟ ପୋଲିସ । ଓଡ଼ିଶା ବିରୋଧୀ କାର୍ଯ୍ୟକଳାପରେ ସମ୍ପୃକ୍ତ ଥିବା ଅଭିଯୋଗରେ ପୋଲିସର ସ୍କାନରରେ ରହିଛନ୍ତି ଅନ୍ୟ ଆନ୍ଧ୍ର ସମର୍ଥକ ଓ ଏଜେଣ୍ଟ । ଦୁଇ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ନେଇ ସୂଚନା ଦେଇଛନ୍ତି ଅତିରିକ୍ତ ଏସ୍‌ପି ମନୋଜ ପୂଜାରୀ।

Latest Posts

Don't Miss