ନନ୍ଦିଘୋଷ ବ୍ୟୁରୋ: ସମ୍ଭାବ୍ୟ ବାତ୍ୟା ଆକୱାନ ପ୍ରଭାବରେ ଭଦ୍ରକ ଜିଲା ଆରଡି, ଧାମନଗର, ଧୁଷୁରୀ, ଚାନ୍ଦବାଲି, ତିହିଡି ଅଞ୍ଚଳରେ ଝଟକା ପବନ ସହ ଲଗାଣ ବର୍ଷା ଲାଗି ରହିଛି।ଭକ୍ତଶୂନ୍ୟ ହୋଇ ପଡ଼ିଛି ଆରଡି ପୀଠର ବାବା ଆଖଣ୍ଡଳମଣିଙ୍କ ମନ୍ଦିର ପରିସର। ଧାମରା ନିକଟରେ ଅଶାନ୍ତ ସମୁଦ୍ରରୁ ଉଚ୍ଚ ଜୁଆର ଢେଉ ଉଠୁଥିବାରୁ ମତ୍ସ୍ୟଜିଵୀଙ୍କୁ ବାରଣ କରିଛି ଜିଲା ପ୍ରଶାସନ । ଏପରିକି ଡ଼ାକବାଜି ଯନ୍ତ୍ର ଦ୍ଵାରା ସର୍ତକତା କରାଯିବା ସହ ସମୁଦ୍ର ଭିତରକୁ ଯାଇଥିବା ସମସ୍ତ ମତ୍ସ୍ୟଜୀବୀ କୂଳକୁ ଫେରି ଆସିବା ପାଇଁ କୁହାଯାଇଛି।ଜିଲା ପ୍ରଶାସନ ପକ୍ଷରୁ ସମସ୍ତ ବ୍ଲକ୍ ପ୍ରଶାସନିକ ଅଧିକାରୀଙ୍କୁ ପ୍ରସ୍ତୁତ ରହିବା ପାଇଁ ଗତକାଲି ଆଭାସି ମାଧ୍ୟମରେ ଜିଲାପାଳ ସୋମେଶ ଅଧିକାରୀ କହିଛନ୍ତି। ସେହିପରି ସମୁଦ୍ର ତଟଵର୍ତ୍ତୀ ଓ ନଦୀକୂଳରେ ବସବାସ କରୁଥିବା ଲୋକଙ୍କ ପ୍ରତି ନଜର ରଖିବା ସହ ଯଦି ବାତ୍ୟାର ପ୍ରଭାଵ ଅଧିକ ଦେଖାଦିଏ ତାହାଲେ ସ୍ଥାନାନ୍ତରିତ ପାଇଁ କୁହାଯାଇଛି। ବିଶେଷକରି ଧାମାରା, ଚାନ୍ଦବାଲି, ଆରଡି କେନ୍ଦ୍ରାପଡ଼ା ଜିଲାର ପାର୍ଶ୍ଵବର୍ତ୍ତୀ ଅଞ୍ଚଳ ହୋଇଥିବାରୁ ସାମ୍ଭାବ୍ୟ ବାତ୍ୟାର ପ୍ରଭାଵ ଅଧିକ ଦେଖାଯିବ ବୋଲି ଆଶଙ୍କା ଦେଖାଦେଇଛି।

