spot_img

Latest Posts

ବନ୍ଧୁକ ମାଫିଆଙ୍କ ଉପରେ ଲାଗିବ ଲଗାମ୍ !

ନନ୍ଦିଘୋଷ ବ୍ୟୁରୋ: ସଂଗଠିତ ଅପରାଧ ଓ ଅପରାଧୀଙ୍କ ଉପରେ କଡ଼ା ନଜର । ଦଣ୍ଡବିଧାନ ହାରକୁ ବ୍ୟାପକ କରିବାକୁ ପ୍ରୟାସ । ଆଧୁନିକ ଜ୍ଞାନକୌଶଳକୁ ସାଇବର ଅପରାଧ ରୋକିବାରେ ବ୍ୟବହାର । ବନ୍ଧୁକ ମାଫିଆଙ୍କ ଉପରେ ଓଡ଼ିଶା ପୋଲିସର ଲାଗିବ ଲଗାମ୍ ।… ଓଡ଼ିଶା ପାଲଟିଛି ନିଶା ମାଫିଆଙ୍କ ଗେଟ ୱେ । କେତବେଳେ ଓଡ଼ିଶା ଗଞ୍ଜେଇ ବାହାର ରାଜ୍ୟକୁ ଯାଉଛି ତ ଆଉ କେତବେଳେ ଗଞ୍ଜେଇ ତେଲର ଡିମାଣ୍ଡ ଅନ୍ୟ ରାଜ୍ୟରେ ବଢୁଛି । ଏଭଳି କେସରେ ମାଫିଆଙ୍କୁ ଧରିବା ସହ ସେମାନଙ୍କ ଫାଇନାନ୍ସିଆଲ ଟ୍ରାନଜକସାନ୍ ବନ୍ଦ କରିବା ପାଇଁ ଆରମ୍ଭ ହୋଇଛି ପ୍ରୟାସ । ଡିଜିପିଙ୍କ ନିର୍ଦ୍ଦେଶରେ ନିଶା ବିରୋଧୀ ଅଭିଯାନ ସହ ମହିଳା ଓ ଶିଶୁ ବିରୋଧୀ ହିଂସା ସମ୍ପର୍କିତ କେସରେ ପୂର୍ବ ବର୍ଷ ତୁଳନାରେ ସଫଳତା ହାସଲ କରାଯାଇଥିବା କହିଛନ୍ତି ଡିଜିପି । ସମନ୍ବିତ ରଣନୀତି, ପ୍ରଯୁକ୍ତି ବିଦ୍ୟାର ବ୍ୟବହାର, ମାନବ ସମ୍ବଳର ବ୍ୟବହାର, ଜନସାଧାରଣ ଓ ପୋଲିସ ମଧ୍ୟରେ ଉତ୍ତମ ସମନ୍ୱୟକୁ ଫୋକସରେ ରଖାଯାଇଛି । ବିଭିନ୍ନ କେସରେ ଦଣ୍ଡବିଧାନ ହାର ବଢାଇବା ପାଇଁ ତଦନ୍ତକାରୀ ଅଧିକାରୀଙ୍କୁ ସ୍ୱତନ୍ତ୍ର ତାଲିମ ଦିଆଯାଉଛି ।
ନିଶା ବିରୋଧୀ ଅଭିଯାନ କ୍ରମେ ଶିକ୍ଷାନୁଷ୍ଠାନ ନିକଟରୁ ଆରମ୍ଭ କରି ମାଫିଆଙ୍କ ଗୋଦାମ ଯାଏଁ ଚଢ଼ାଉକୁ ବ୍ୟାପକ କରାଯାଇଛି । କଫସିରପ, ବ୍ରାଉନସୁଗର, କୋକେନ , ମାରୁଆନା ଭଳି ଦାମୀ ନିଶା ଦ୍ରବ୍ୟ ଜବତ କରାଯାଇଛି । ଉପକୂଳ ସୁରକ୍ଷାକୁ ପ୍ରାଧାନ୍ୟ ଦିଆଯାଉଥିବା ବେଳେ ଅନୁପ୍ରବେଶକାରୀଙ୍କ ଉପରେ ଫୋକସରେ ରହିଛି । ଅନେକ ଜାତୀୟ ଓ ରାଜ୍ୟସ୍ତରୀୟ କାର୍ଯ୍ୟକ୍ରମ ଓଡ଼ିଶାରେ ଶାନ୍ତିପୂର୍ଣ୍ଣ ଭାବେ ସଫଳ ହୋଇଛି । କିଛିଦିନ ପୂର୍ବେ ଓଡ଼ିଶା ପୋଲିସକୁ ସମ୍ମାନଜନକ ପ୍ରେସିଡେଣ୍ଟ ପୋଲିସ କଲାର ମେଡାଲ ମିଳିଛି। ଏସବୁ ଭିତରେ ଚ୍ୟାଲେଞ୍ଜ ସାବ୍ୟସ୍ତ ହୋଇଥିବା ସଂଗଠିତ ଅପରାଧ ରୋକିବା ଦିଗରେ ପ୍ରୟାସ ଚାଲିଛି । ବନ୍ଧୁକ କାରବାର ଓ ବେପାରୀଙ୍କ ଉପରେ ନଜର ରଖାଯାଇଛି। ଲଘୁ ଖଣିଜ ଚୋରି ରୋକିବା ଦିଗରେ ସ୍ପେଶାଲ ଏନ୍ଫୋର୍ସମେଣ୍ଟ ଜାରି ରଖିଛି ସ୍ପେଶାଲ ଟାସ୍କଫୋର୍ସ ବୋଲି କହିଛନ୍ତି ଡିଜିପି।

ଆସନ୍ତାକାଲି ବିଧାନସଭାର ଶୀତ ଅଧିବେଶନ । ଏ ନେଇ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିବା ବେଳେ ଆଜି ଏସବୁକୁ ମନିଟର କରିଛନ୍ତି ଡିଜିପି ।

Latest Posts

Don't Miss